Tímarit hjúkrunarfræðinga - 01.02.1997, Síða 25

Mynd 3 Klínísk verkcfni sem tengjast uinhótastai'fí
verkjameðferð (25 %) sem og verkefnum um brjóstagjöf,
lyfjagjöf, fjölskyldufræðslu, fall úr rúmi og vímuefnaneyslu. Á
hjúkrunarheimilum bar hins vegar mest á klínískum verkefn-
um um fjölskyldufræðslu (25 %) og lyfjagjöf eins og mynd 3
sýnir.
I heild eru hjúkrunarfræðingar á heilbrigðisstofnunum að
vinna að mörgum og mismunandi klínískum verkefnum sem
tengjast umbóta- eða gæðastarfi. Auk þess sem að ofan er sagt
má nefna rannsókn á þvagleka kvenna, eineltismeðferð,
samlífsráðgjöf til para, fræðslu hjúkrunarfræðinga í skólum
m.t.t. heilbrigðis, fræðslu um tengsl lífshátta og holdafars,
innkallanir og móttöku sjúklinga á kvennadeild, um hægða-
tregðu, thoraxdren, innankúpuþrýsting og fræðslu til nemenda
í framhaldsskólum í samvinnu við kvennaathvarf og RK-hús
um ofbeldi og kynferðislegt ofbeldi.
Staðlar
Spurningunni, hvort útbúnir hefðu verið staðlar sem
unnið væri eftir, svöruðu 75% á sjúkrahúsum í Reykjavík og
sviðum þeirra játandi, 50% á sjúkrahúsum utan Reykjavíkur,
45% á heilsugæslustöðvum og 33% á hjúkrunarheimilum, sjá
töflu 1. Eins og mynd 3 sýnir var algengast að útbúnir hefðu
verið staðlar um starfsmanna-
viðtöl, móttöku starfsmanna,
klíníska hjúkrun og fræðslu til
starfsfólks.
Umfjöllun
Mikil gróska er í umbóta- og
gæðastarfi innan hjúkrunar eins
°g niðurstöður könnunarinnar
gefa til kynna. Athygli vekur
hversu heilsugæslustöðvar og
hjúkrunarheimili fylgja fast á eftir
sjúkrahúsum í þróunarstarfi
tf;ngdu gæðamálum í hjúkrun, en
yfir 80 % allra sem svöruðu eru
að vinna að slíkum málum.
Athygli vekur einnig hvernig
ýmis mál, sem hafa verið efst á
baugi f þjóðfélaginu, endur-
speglast í þeim verkefnum sem
hjúkrunarfræðingar eru að vinna
að. Ber þar liæst umbóta- og
gæðastarf í tengslum við áfalla-
hjálp sem heilsugæslustöðvar og
sjúkrahús á landinu öllu hafa
verið að vinna að. Einnig vekur
athygli að um fimmtungur
heilsugæslustöðva, hjúkrunar-
heimila og sjúkrahúsa á höfuð-
borgarsvæðinu hefur verið að
vinna að fjölskyldufræðslu.
Rúmlega 30 % heilsugæslustöðva
hafa verið að vinna að
mikilvægum klfnískum viðfangs-
efnum, s.s. vímuefnaneyslu, og
fast á hæla þess málaflokks koma klínísk verkefni um
brjóstagjöf og óværð ungbarna.
Umræða um hagræðingu í heilbrigðiskerfinu kemur einnig
fram í verkefnum sem tengjast þjónustuþáttum og skipulagi
þjónustu. Má þar nefna hjúkrunarskráningu, sjúklingaflokkun
og skipulagsform hjúkrunar. Breyttir stjórnunarhættir hafa án
efa einnig haft áhrif á val verkefna. Kemur það fram f stöðlum
sem unnið hefur verið að í hjúkrun en þeim má í grófum
dráttum skipta í þrjá flokka: stjónunarlegir þættir, s.s. starfs-
mannaviðtöl og móttaka starfsmanna og sjúklinga, fræðsla og
klínísk hjúkrun.
Ljóst er að áhugi hjúkrunarfræðinga á gæða- og umbóta-
starfi er mjög mikill eins og fram kemur í því sem að ofan hefur
verið sagt. Þetta kom einnig fram í liinni miklu þátttöku sem
var á málþinginu um gæðastjómun í hjúkmn í mars 1996.
Þátttakan kom gæðastjórnunarnefndinni ánægjulega á óvart og
varð að fytja málþingið f stærri salarkynni til að hýsa yfir 150
hjúkmnarfræðinga sem þingið sóttu. Var þetta nefndinni mikið
fagnaðarefni og vísbending um að vænta megi enn betri tíðar
með blóm í haga.
Mynd 4 Staðlar í bjiíkrun
0 Hjúkrunarh.
■ S.hús-R
IDS.hús utan R.
□ Heilsugæsla
TÍMARIT HJÚKRUNARFRÆÐINGA 1. tbl. 73. árg. 1997