Tímarit um endurskoðun og reikningshald - 01.01.1983, Blaðsíða 9

félaganna. Unnið er að ýmsum verkefnum er
snerta bæði reikningshald og endurskoðun
auk þess sem félögin halda uppi víðtækri
fræðslustarfsemi. Öll félögin gefa út fagtíma-
rit auk þess sem þau senda frá sér fréttir af
félagsstarfi til félagsmanna. Fjöldi löggiltra
endurskoðenda í einstökum löndum er þessi
miðað við 1. maí 1982.
Lögg. endursk. Félagar í
Land alls fagfélagi
Danmörk 1871 1823 íFSR
Finnland Vantar 262ÍCGR
ísland 130 121ÍFLE
Noregur 850 770ÍNSRF
Svíþjóð 999 891ÍFAR
Hér hefur aðeins verið getið nokkurra
þeirra atriða er fram koma í þessum skýrslum
um aðildarfélaga NRF. Á hverju ári eru
þessar skýrslur gefnar út í fjölritaðri bók
ásamt úrdrætti úr umræðum er fram fara á
ársfundi NRF. Gögn um ársfundinn og
skýrslur aðildarfélaga liggur frammi á skrif-
stofu FLE.
En auk þessara sérstöku skýrslu voru ýmis
önnur mál á dagskrá ársfundarins.
Ethics in tax planning
Árið 1981 var settur á stofn vinnuhópur
fulltrúa Danmerkur, Finnlands, Noregs og
Svíþjóðar til að taka saman í skýrsluformi
viðfangsefnið „Ethics in tax planning“. Nán-
ar skilgreint er hér um að ræða mat á hversu
umfangsmikil verkefni endurskoðenda eru
sem:
— endurskoðandi
— skattráðgjafi
og hvar mörkin liggja milli starfs endurskoð-
enda í þessum efnum. Umfjöllun um þessi
mál hafa verið mikil á öðrum Norðurlöndum.
Áðurnefndur vinnuhópur lagði fram mikla
skýrslu um störf sín á ársfundinum og byggir
skýrslan á aðstæðum í hverju landi og
sameiginlegri niðurstöðu um þessi mál.
Skýrsla þessi liggur frammi á skrifstofu FLE.
í umræðum á NRF-fundinum um þessi mál
kom m.a. fram, að þegar umræður voru um
að taka upp skylduendurskoðun hlutafélaga í
Svíþjóð, þá hafi í Rigsdagen orðið umræður
um hvort endurskoðendur, kjörnir af aðal-
fundi, væru nægjanlega óháðir og mundu
gæta hagsmuna samfélagsins. Pá hafi enn-
fremur verið hugmyndir um, að krefjast þess
að endurskoðendur upplýstu í endurskoðun-
arskýrslu að hve miklu leyti eða hvort
hlutafélagið hefði uppfyllt skyldur sínar að
því er varðar skatta og tolla. Þó þessar
hugmyndir hafi ekki náð fram að ganga nú,
þá gætu þær ef til vill verið vísbending um það
sem kynni að koma í framtíðinni.
Það er mat ársfundarins að reynslan af
þessum vinnuhóp hefði verið góð. Að til-
mælum fulltrúa Finnlands var ákveðið að
setja á stofn vinnuhóp um “Valutakurspro-
blematikken“. Tilgangur með þessu er að
kanna hvort Norðurlöndin geti komist að
sameiginlegri niðurstöðu um meðferð gengis-
breytinga í reikningshaldi. Af máli
manna NRF-fundinum var að heyra, að
vandamál í sambandi við meðferð gengis-
breytinga í reikningshaldi væru mjög til
umfjöllunar í öllum löndunum. Vonast er til
að þessi vinnuhópur skili skýrslu er lögð yrði
fyrir næsta ársfund NRF, sem haldinn verður
í Danmörku 1.-3. sept. 1983. Fulltrúi íslands
í þessum vinnuhóp er Valdimar Guðnason,
lögg. endurskoðandi.
Önnur mál
Starfsemi Evrópusambands endurskoð-
enda (UEC) var nokkuð til umræðu og skýrði
Bertil Edlund, sem er fulltrúi NRF í fram-
kvæmdastjórn UEC, frá starfi þar. Á vissum
sviðum er ljóst að nokkur óánægja er með
starf UEC. Tíðrætt verður mönnum um, að
ágreiningur er t.d. um hvaða tungumál
skuli nota sem aðalmál — enska, franska og
þýska hafa hvert sina talsmenn. Þá er og ljóst
að nokkur tvöföld vinna er á ýmsum sem
7