Dagblaðið Vísir - DV - 03.05.2016, Síða 23

Menning 19Vikublað 3.–5. maí 2016
Sími: 562 5900
www.fotomax.is
Yfirfærum
yfir 30 gerðir
myndbanda,
slides og
fleira
Björgum
minningum
Persónulegar
gjafir við öll
tækifæri
Allt til að
merkja
vinnustaðinn
Hentar vel í matargerð, ofan á brauð, til að poppa popp,
í baksturinn, í þeytinginn, á húðina eða til inntöku.
n Í haust verður í fyrsta skipti
boðið upp á meistaranám í sviðs-
listum við Listaháskóla Íslands.
Meðal kennara í náminu verða
tveir þekktir erlendir sviðslista-
menn, ítalski gjörningalistamaður-
inn Franko B, og Kirsten Delholm,
stofnandi og listrænn stjórnandi
Hotel Pro Forma.
n Á dögunum opnaði nýr íslenskur
vefmiðill um myndlist, Artzine.is.
Þar munu birtast greinar, pistlar,
viðtöl og upplýsingar um viðburði
í íslensku myndlistarlífi. Ritstjóri er
Helga Óskarsdóttir.
n Raftónlistargoðsögnin Hans-
Joachim Roedelius er einn þeirra
sem mun koma fram á Extreme
Chill tónlistarhátíðinni í júlí. Þessi
rúmlega áttræði Þjóðverji er mikill
frumkvöðull í tilraunakenndri raf-
og sveimtónlist. Hann stofnaði til að
mynda Krautrock-sveitirnar Cluster
og Harmonia á áttunda áratugnum.
n Um þessar mundir fagnar KEX-
Hostel fimm ára afmæli sínu. Gisti-
heimilið hefur á þessum árum orðið
áberandi í tónlistarlífi Reykjavíkur. Í
byrjun vikunnar var tilkynnt að KEX
hefði nú stofnað ferðasjóð sem mun
hafa að leiðarljósi að styrkja ungt
tónlistarfólk til útrásar og styðja
við bakið á þeim í tónleikaferðum.
Einni milljón verður úthlutað úr
sjóðnum á hverju ári.
Úr listheiminum
Hans-Joachim Roedelius
L
eikhópurinn Sómi þjóðar
frumsýndi Könnunarleið-
angur til KOI í Tjarnarbíói
síðastliðinn föstudag. Verkið
gerist í framtíðinni, íslensku
vísindamennirnir Vilhjálmur og
Ísak hafa nánast lokið ríflega 900
daga geimferðalagi til plánetunnar
KOI-3010.
Markmið fararinnar er að rann-
saka hvort KOI henti mannkyninu
sem framtíðaraðsetur. Jörðin hefur
verið lögð í rúst og það liggur á að
finna ný búsetuúræði. Fleiri geim-
för eru á sömu leið en okkar við-
kunnanlegu, snjöllu og glæsilegu
landar eru að sjálfsögðu fremst-
ir í för. Skömmu fyrir væntanlega
lendingu er bankað á geimskipið.
Særð og hrakin geimvera leitar
ásjár hjá þeim félögum sem hleypa
henni inn í loftlás skipsins á meðan
þeir ákveða næstu skref.
Að mörgu er að hyggja er menn
taka að sér geimverur. Vilhjálmur
og Ísak velta málinu rækilega fyrir
sér og reyna að taka tillit til fjöl-
margra þátta. Afstaða þeirra sveifl-
ast til og frá eins og pendúll á klukku
og niðurstöður lýðræðislegra kosn-
inga munu líklega velta á því á
hvaða tímapunkti kosið verður.
Stuttu síðar kemur geimfarið svo
loksins á áfangastað. KOI er líkust
paradís og ljóst að vandi mannkyns
er leystur, smjör drýpur af hverju
strái og rými fyrir alla. Aðeins einn
stjórnskipulagslegur galli verður
á vegi þeirra félaga en vart er til sá
vandi sem íslenskir útrásarvíkingar
ráða ekki við, eða hvað?
Samið og æft á einum mánuði
Líkt og verkið MP5 sem þeir Hilmir
og Tryggvi sömdu og settu upp fyrir
rúmu ári þá er nær öll vinna verks-
ins í þeirra höndum. Verkið er svo
frumsýnt eftir einungis mánaðar-
vinnu. Með þessum hætti tekst
þeim að halda í við samtímann
sem er mikilvægt þar sem umfjöll-
unarefnið er flóttamannavandinn.
Sögulegur rammi verksins býður
upp á nær ótakmarkað frelsi jafnt
til útúrdúra og lausna og er þokka-
lega nýttur.
Hátækniumhverfi geimfarsins
er skemmtileg andstæða við ofur-
venjulegar persónurnar og glímu
þeirra við málefni líðandi stundar.
Þeim félögunum tekst vel að koma
á framfæri ólíkum sjónarmiðum
og því hvernig einföld umræða út
frá þröngu sjónarhorni getur auð-
veldlega stjórnað afstöðu fólks
til flókinna málefna. Verkið tekur
nokkrum sinnum óvænta stefnu og
er líklegt til þess að koma leikhús-
gestum nokkuð á óvart. Það breytist
til dæmis í veglega söngleikjaupp-
færslu á einum tímapunkti og dreg-
ur þannig óborganlegt dár af fjöl-
sóttri sýningu hér í bæ og þátttöku
áhorfenda í stuðinu.
Mistök urðu óvænt
djásn sýningarinnar
Þrátt fyrir stuttan tíma til uppsetn-
ingar verksins þá var enga streitu að
merkja hjá þeim Hilmi og Tryggva.
Túlkun þeirra var einlæg og ein-
kenndist augsýnilega af góðri vin-
áttu og miklum húmor. Örlitlir
hnökrar komu upp á frumsýningu
en leikararnir brugðust við með
þeim hætti að leitt hefði verið að
fara á mis við þá.
Það kom áhorfendum í opna
skjöldu hversu samviskusamlega
þeir viðurkenndu mistök sín og
gerðu enga tilraun til að fela þau,
þrátt fyrir að vera undir frumsýn-
ingarpressu. Færa mætti rök fyrir
því að slík viðbrögð ættu ekki síður
erindi til áhorfenda en umræðan
um flóttamannavandann. Sam-
tölin voru lipur og margir ágætir
sprettir en verkið líður fyrir að vera
langdregið á köflum og stundum
svolítið endurtekningarsamt. Það
fæðast engin ný sannindi en sjónar-
horninu er snúið á ýmsa kanta, að-
ferðafræðin er spennandi og höf-
undarnir hugmyndaríkir. Það hefði
verið áhugavert og örugglega mjög
skemmtileg að sjá heimildamynd
um uppfærsluna. n
Snarræði á sviði
Bryndís Loftsdóttir
ritstjorn@dv.is
Leikhús
Könnunarleiðangur
til KOI
Leikstjórn, leikarar, handrit,
sviðshreyfingar, leikmynd, hljóðheimur
og ótal margt fleira: Hilmir Jensson og
Tryggvi Gunnarsson
Ljósahönnun: Fjölnir Gíslason
Sýnt í Tjarnarbíói
„Það fæðast
engin ný sannindi
en sjónarhorninu er snúið
á ýmsa kanta, aðferða-
fræðin er spennandi
og höfundarnir hug-
myndaríkir.
Útrásarvíkingar Íslensku vísinda-
mennirnir Vilhjálmur og Ísak hafa nán-
ast lokið ríflega 900 daga geimferða-
lagi til plánetunnar KOI-3010 -– þegar
flóttageimvera knýr á dyrnar.