Dagblaðið Vísir - DV - 21.02.2017, Blaðsíða 26

Vikublað 21.–23. febrúar 201722 Sport
Kyriakos Papadopoulos
Miðvörður Hamburg SV
Treyjunúmer: 9
Gríska varnartröllið var oft
talið einn efnilegasti ungi
leikmaður Evrópu í sinni stöðu.
Hann ákvað að Boulahrouz-a
yfir sig þegar hann var sendur
á láni til Hamburg SV frá
Bayer Leverkusen. Kannski
er eitthvað í vatninu þarna í
Bundesligunni en aldrei, undir
nokkrum kringumstæðum,
ætti miðvörður að skarta treyju
númer 9.
Glæsibæ • www.sportlif.is
PróteinPönnukökur
Próteinís Próteinbúðingur
Treyjunúmerin sem
pirra þig óstjórnlega
n Þegar staðan passar ekki við númerið á bakinu n Þessir syntu gegn straumnum
L
iðin er sú tíð þegar staðan
sem knattspyrnumenn leika
ákvarðar treyjunúmerið sem
þeir bera. Þegar byrjunar­
liðin samanstóðu af leik­
mönnum í treyjum með númerin
1 til 11 á bakinu. Það er allt gott
og blessað, leikurinn breytist og
mennirnir með. Nú geta leikmenn
valið sér númer allt frá 1 og upp í
99.
Þrátt fyrir þetta aukna frjáls­
ræði þá kemur það einstaka sinn­
um fyrir að leikmenn ganga of langt
og strjúka fótboltapúritönum and­
hæris svo um munar. Eins og þegar
miðverðir henda sér í treyju númer
9, eins og Khalid Boulahrouz gerði
sem frægt er orðið hjá Chelsea á
sínum tíma. Þvílíkur hryllingur.
Af því tilefni hefur breska dag­
blaðið Mirror tekið saman lista yfir
byrjunarlið verstu treyjunúmer­
anna þar sem leikmenn velja sér
númer frá 1–11 sem engan veginn
hæfa stöðunni sem þeir leika. n
Emiliano Viviano
Markvörður Sampdoria
Treyjunúmer: 2
Ítalski markvörðurinn ætti að vera sendur
í bann fyrir að velja sér treyjunúmer hægri
bakvarðar. Viviano (31) hefur líka leikið
með Brecia, Bologna og Fiorentina á ferlin-
um auk þess sem hann fór eitt sinn á láni til
Arsenal. Státar af sex landsleikjum fyrir Ítalíu
en sagan segir að hann hafi valið sér treyju númer
2 hjá Sampdoria árið 2014 vegna þess að eina númerið sem annars
var í boði var 12 og Viviano líkar ekki við háar tölur. Markmenn eru
sérstakar týpur.
Glen Johnson
Hægri bakvörður Stoke City
Treyjunúmer: 8
Bakvörðurinn Glen Johnson var
eitt mesta efni Englands þegar
Chelsea keypti hann ungan
frá West Ham árið 2003. Hann
renndi sér í hina dæmigerðu
treyju númer 2 hjá Chelsea
eftir að hafa verið í númer 23 hjá
West Ham. Þaðan lá leið hans til
Portsmouth þar sem hann fór í
treyju númer 5 og aftur í treyju
númer 2 hjá Liverpool. Hvað
varð til þess að hann ákvað að
velja sér númer 8 hjá Stoke City
árið 2015 er einn af leyndardóm-
um nútímaboltans.
Artem Fedetskiy
Miðvörður Darmstadt
Treyjunúmer: 7
Stór og stæðilegur, úkraínskur miðvörður
í treyju númer 7, SJÖ!, er bara furðulegt,
jafnvel fyrir þýsku Bundesliguna. Fedetskiy
hafði skartað númer 44 í fjögur ár hjá Dnipro í
heimalandinu en ákvað að flippa létt þegar í ljós
kom að hefðbundin varnartreyjunúmer voru öll upptekin hjá
Darmstadt.
Aleksandar Kolarov
Vinstri bakvörður Manchester City
Treyjunúmer: 11
Það má vissulega færa fyrir því rök að Kolarov hafi alltaf litið meira á
sig sem vinstri kantmann en varnarsinnaðan bakvörð. Á ferlinum hafði
hann áður sótt í þristinn, hið hefðbundna treyjunúmer vinstri bakvarða. Bæði hjá OFK
Beograd í heimalandinu og Lazio á Ítalíu en síðan hóf hann ferilinn hjá Man City í treyju
númer 13. Það slapp. En þegar Scott Sinclair hvarf á braut frá City sætti Kolarov færis og
stökk á treyju númer 11! Það númer hafði hann reyndar notað síðasta tímabilið sitt hjá
Lazio og hefði því augljóslega átt að vita betur.
Jonathan de Guzman
Miðjumaður Chievo
Treyjunúmer: 1
Hollenski miðjumaðurinn er á láni hjá Chievo frá Napoli á Ítalíu
og kannski er hann bara pirraður að hafa verið álitinn afgangs-
stærð hjá Napoli og ákveðið að gefa skít í hefðir knattspyrnunn-
ar. Hver veit, en það er hins vegar vitað mál að hann og Viviano
mættu gjarnan skiptast á númerum á þessum lista.
Henri Lansbury
Miðjumaður Aston Villa
Treyjunúmer: 5
Klárlega ekki versta brotið á þessum lista en Mirror-menn virðast
líta þannig á að treyjunúmerið 5 eigi heima í vörninni. Mörg dæmi
eru raunar um að miðjumenn skarti fimmunni, meðal annars Zinedine
Zidane hjá Real Madrid á sínum tíma, sem var reyndar mjög einkennilegt
val. Lansbury átti að mati Mirror að bíða í nokkra daga og taka númer 10 hjá Villa sem
losnaði nokkrum dögum síðar nú í janúar þegar Jordan Ayew var seldur.
Nabil
Bentaleb
Miðjumaður Schalke
Treyjunúmer: 10
Bentaleb er fínn leikmaður og teknískur. Er
á láni frá Tottenham hjá Schalke en starfar
mest sem djúpliggjandi miðjumaður og við
vitum öll að þeir eiga að láta treyju númer
10 vera. Menn áttu að læra af vitleysunni
í Lassana Diarra hjá Real Madrid. Leyfum
Pele, Maradona og Messi-týpunum að eiga
tíuna. Menn í miðjuharki eiga sín númer.
Steven
Fletcher
Framherji Sheffield
Wednesday
Treyjunúmer: 6
Skoski framherjinn
hefur leikið í treyjum
9 og 10 allan sinn
feril eins og vera ber
en þegar hann gekk í raðir
Sheffield Wednesday í fyrra virðist hann
hafa hætt að reyna. Hann leyfði í alvör-
unni eiganda liðsins, Dejphon Chansiri,
að velja treyjunúmerið fyrir sig.
„Hann velur þau í raun öll eftir til-
finningu sinni fyrir hverjum leikmanni,“
útskýrði Fletcher. „Ég veit ekki af hverju
hann valdi númer 6 fyrir mig. En hann er
yfirmaðurinn, svo ég ákvað að best væri
að spyrja ekki út í það.“ Fletcher minn,
þú hefðir átt að spyrja.
Hal Robson-Kanu
Framherji West Bromwich Albion
Treyjunúmer: 4
Velski framherjinn þráði að komast í ensku úrvals-
deildina eftir fína frammistöðu með Wales á EM í
fyrrasumar. Hann var greinilega svo ánægður með að
WBA gaf honum tækifærið á lokadegi félagaskipta-
gluggans í haust að hann pældi ekkert í vitleysunni
sem hann var að samþykkja með að taka fjarkann.
Aðeins skorað eitt mark og það er pottþétt treyju-
númerinu að kenna.
Jordan Ayew
Framherji Swansea
Treyjunúmer: 3
Gylfi Sigurðsson hefði mátt hnippa aðeins í Jordan til að koma fyrir hann
vitinu þegar Swansea keypti hann í janúarglugganum. Ayew hefur að sjálfsögðu verið
spurður út í val sitt og borið því við að hann hafi ekki haft úr mörgu að velja og einnig
að hann hafi áður leikið í treyju númer þrjú, þegar hann var lánsmaður í Frakklandi hjá
Souchaux. Eins og margir muna hefur landi hans, Ganamaðurinn Asamoah Gyan, ávallt
leikið í treyju númer 3, þrátt fyrir að vera framherji. En það þýðir ekki að það sé í lagi.
Sigurður Mikael Jónsson
mikael@dv.is
Mynd EPA
Mynd EPA
Mynd EPA
Mynd EPA
Mynd EPA