Morgunblaðið - 27.04.2017, Blaðsíða 79

79
MORGUNBLAÐIÐ FIMMTUDAGUR 27. APRÍL 2017
Við höfum lækkað vöruverð í samræmi við tolla og gengi Kringlunni 4c – Sími 568 4900
Buxnadagar
28. apríl – 1. maí
25%
afsláttur
sölu í Herragarðinum í Kringlunni
og er núna komið hingað til okkar
líka. Svo erum við með nýtt merki
frá Danmörku sem nefnist 2Blind2C
og er hugsað í flóruna hjá okkur sem
ódýr valkostur við Sand en svipaðar
áherslur og snið. Stemningin al-
mennt það sem maður myndi kalla
„smart casual“,“ bætir Jón Víðir við.
„Gæðin eru góð en verðið hagstætt.
Þetta er spennandi viðbót fyrir búð-
ina og viðtökurnar eru góðar.“
Fleiri ný merki eru á leiðinni í
Herragarðinn í haust. „Það er ým-
islegt á leiðinni sem við erum mjög
stoltir af og þar á meðal nefni ég
Herno, ítalskt merki sem framleiðir
yfirhafnir í hæsta gæðaflokki. Þetta
er merki sem ég hlakka mikið til að
fá í búðina og við munum einungis
panta inn nokkur stykki af hverri
flík. Þá ætla ég líka að vera með föt
frá G-Star í haust fyrir viðskiptavini
okkar í yngri kantinum.
Loks verðum við með merkið sem
nefnist PT01 sem er tiltölulega ungt,
ekki nema um 10 ára gamalt en hef-
ur náð frábærum árangri með sér-
hæfingu í buxum úr ullarefnum og
flannelbuxum í grófari kantinum.
Þetta er merki sem við við væntum
mikils af enda hafa buxur af þessu
tagi verið hreint svakalega vinsælar
síðustu tvenn jól. Við erum alveg að
sjá framhald á þeim vinsældum og
með auknu framboði af spennandi
merkjum getum við mætt þessari
eftirspurn.“
Stíllinn fyrir sumarið 2017
Þegar talið berst svo að herratísk-
unni fyrir sumarið í ár segir Jón
Víðir bláa litinn hvað sterkastan
áfram ásamt gráum tónum og hvað
jakkafötin varðar er teinótt að koma
sterkt inn eftir nokkur mögur ár.
„Efnin eru samt fíngerðari og tein-
arnir sömuleiðis. Þeir eru mjórri sem
og bilið á milli þeirra. Yfirbragðið er
allt lágstemmdara og settlegra.“
Hann segir stemninguna alltaf
léttari og sportlegri á sumrin og því
einhneppt með tveimur tölum alls-
ráðandi. Hins vegar er talsvert um
að menn panti sér tvíhneppt
[e.double-breasted] í sérsaum, hvort
heldur er í jakkafötum eða stökum
jökkum.
Einnig segir Jón Víðir mjög vin-
sælt að klæðast flottum stuttermabol
undir stökum blazer-jakka við galla-
buxur og sportlega, hvíta strigaskó.
Hvað hálsbindin varðar segir Jón
Víðir að algengasta breiddin sé sjö
sentimetrar. Gömlu „saltfiskflökin“
sem dekkuðu allt skyrtubrjóstið,
jakkaboðunga á milli, eru bless-
unarlega víðs fjarri. „Breiddin er
jafnari frá hnútnum og niður úr,“
bætir Jón Víðir við og minnir á þá
gullnu reglu að breiddin á háls-
bindinu rími við breiddina á boðung-
unum framan á jakkanum.
„Svo er gaman að sjá hvað íslensk-
ir karlmenn hafa tekið við sér hvað
brjóstvasaklútinn varðar. Það er
ekki svo langt síðan menn hér á landi
skildu bara ekki þetta með klútinn,
en í dag klárast þeir nánast jafn-
óðum og ég kaupi klútana inn,“ segir
Jón Víðir.
„Það skemmtilega er að litskrúð-
ugu klútarnir í brjáluðum mynstrum
eru jafnvel vinsælli en þeir sem eru í
lágstemmdum og íhaldssömum
mynstrum.“
Jón Víðir bendir á að órjúfanlegur
hluti starfsins sé að benda við-
skiptavinum á litlu hlutina sem full-
komna heildarmyndina, hvort heldur
það er hálsbindið, klúturinn, sokkar,
belti, skór eða hvað sem vera skal.
„Gæðin þurfa líka að felast í þjónust-
inni, í takt við vöruna sem við seljum.
Það hefur alltaf verið sérstaða
Herragarðsins.“
Sérsaumurinn er sívinsæll
Það hefur færst jafnt og þétt í vöxt
undanfarin misseri að menn komi og
láti sérsauma á sig föt. Þessi þjón-
usta er í boði í Herragarðinum í
Smáralind, rétt eins og í Kringlunni.
„Sérsaumurinn er einkar vinsæll
fyrir sérstök tilefni, tímamót og
merka áfanga í lífi karlmanna, svo-
sem brúðkaup, útskriftir og stór-
afmæli,“ segir Jón og bætir því við að
einnig megi fá hjá honum sérsaum-
aðar skyrtur frá Stenström. „Meðal
þess sem við erum með í bígerð núna
eru brúðkaupsfötin fyrir landsliðs-
fyrirliðann okkar, Aron Einar Gunn-
arsson, sem verða í djúpbláum lit
með silki á boðungunum. Það verður
ekki mikið sparilegra,“ segir Jón
Víðir að endingu áður en hann kveð-
ur til að geta sinnt viðskiptavinum í
hinni nýju verslun Herragarðsins í
Smáralind.
Morgunblaðið/Golli
Verslunin Herragarðurinn í Smáralind er bjartur og opinn með nógu af plássi fyrir viðskiptavini til að skoða sig
um, máta og spekúlera. Hvert fatamerki á sitt svæði sem gerir gestum kleift að rata og átta sig á því hvað er hvar.
Morgunblaðið/Golli
Boss Hinn vinsæli fatnaður frá Boss er á sínum stað með sérstakt svæði í
nýju búðinni þar sem má finna golffatnað, sportfatnað og sparifatnað.