Morgunblaðið - 16.05.2017, Qupperneq 14

Morgunblaðið/Júlíus
Akstur Árvekni lögreglunnar skýrir þann fjölda sem er tekinn fyrir ölvun í
umferðinni. Þessir ökumenn voru þó alsaklausir þegar ástandið var kannað.
Guðmundur Magnússon
gudmundur@mbl.is
Árlega eru um tvö þúsund ökumenn
hér á landi staðnir að akstri undir
áhrifum áfengis eða annarra vímu-
efna eða án tilskilinna ökuréttinda.
Þótt oft séu kveðnir upp fangelsis-
dómar fyrir ítrekuð brot er algeng-
ast síðustu árin að sakborningar
taki út dóma sína með samfélags-
þjónustu.
Stöðugleiki í brotaflokknum
„Það hefur verið mikill stöðug-
leiki í þessum brotaflokki í 20 til 30
ár,“ segir Helgi Gunnlaugsson, pró-
fessor í félagsfræði við Háskóla Ís-
lands. Hann hefur skoðað tölfræð-
ina hvað þetta varðar og segist telja
að stöðugleikinn skýrist af vinnulagi
og mannafla lögreglunnar. Lög-
reglan sé og hafi ávallt verið á varð-
bergi gagnvart ölvunarakstri og
þeirri almannahættu sem hann
skapar. Þetta sé frumkvæðisvinna
af hennar hálfu og ekki sé beðið eft-
ir því að almenningur tilkynni um
brotin.
Helgi segir að sér sýnist að mun
fleiri hlutfallslega séu teknir fyrir
ölvunarakstur hér á landi en í
Bandaríkjunum og nágrannalönd-
unum. Þetta sé umhugsunarvert.
Helgi segir að hér á landi séu
menn sviptir ökuréttindum, dæmdir
í fésektir og loks í fangelsi fyrir
ítrekaðan ölvunarakstur. Margir
dómar hafa fallið að undanförnu þar
sem ökumenn eru dæmdir í fangelsi
fyrir ölvunarakstur eins og lesa má
á vefsíðum héraðsdómstólanna.
Dómarnir vekja þá spurningu hvort
brotum af þessu tagi sé að fjölga og
dómar að harðna.
Aðeins 2-3% fanga
Svo er ekki að því er Helgi segir.
Hann segir að um svipaðan mála-
fjölda sé að ræða og áður, en fjöldi
þeirra sem staðnir eru að verki og
fjöldi dóma sýni að hér á landi sé lit-
ið á ölvunarakstur sem alvarlegt
vandamál sem bregðast þurfi við.
Að mörgu leyti séu Íslendingar til
fyrirmyndar á alþjóðavettvangi að
því leyti.
Að sögn Helga hefur hins vegar
mikil breyting orðið á því hvernig
réttarvörslukerfið fylgir dómum í
slíkum málum eftir. Fyrir 20 til 30
árum hafi allt að 20% allra fanga í
landinu verið þar vegna umferðar-
lagabrota, einkum vegna ölvunar-
aksturs og aksturs án ökuréttinda.
Helgi segir að sambærileg tala nú
sé aðeins um 2-3%. Nú sé sam-
félagsvinna talin árangursríkari
meðferð á þessu sviði en fangels-
isvist.
2.000 ökumenn
árlega staðnir
að ölvunarakstri
 Svipaður fjöldi í tvo til þrjá áratugi
14 FRÉTTIRInnlent
MORGUNBLAÐIÐ ÞRIÐJUDAGUR 16. MAÍ 2017
Agnes Bragadóttir
agnes@mbl.is
Samgöngustofa hefur ekki gefið út
leyfi fyrir lokun neyðarbrautarinn-
ar á Reykjavíkurflugvelli, líkt og
greint var frá í frétt í Morgun-
blaðinu í gær.
Jón Karl Ólafsson, fram-
kvæmdastjóri fugvallasviðs Isavia,
sem allir innanlandsflugvellir á
landinu heyra undir, sagði í sam-
tali við Morgunblaðið í gær, að
Isavia myndi væntanlega funda
um málið með Samgöngustofu í
vikunni.
„Eigandi vallarins, sem er ís-
lenska ríkið, ákvað í kjölfar hæsta-
réttardómsins að láta loka braut-
inni. Í dómnum voru m.a. mjög
harkaleg sektarákvæði ef ekki yrði
staðið við gerða samninga,“ sagði
Jón Ólafur, „og því ákvað Isavia að
hlýða dómnum og loka brautinni.“
Jón Ólafur segir að það sé síðan
í verkahring Samgöngustofu að
gefa út endanlegt samþykki fyrir
lokun. Formlega teljist braut ekki
lokuð fyrr en slíkt samþykki hafi
verið gefið út.
„Þetta er því að mestu forms-
atriði því brautin er lokuð og er
ekki í neinni notkun. Samgöngu-
stofa hefur verið að senda Isavia
bréf sem Isavia hefur svarað. Í
bréfi frá Samgöngustofu um dag-
inn kom fram að hún teldi að enn
vantaði eitthvað upp á að málin
væru frágengin. Ég á alveg eins
von á því að við hjá Isavia munum
funda með fulltrúum Samgöngu-
stofu í vikunni og málin skýrist þá
í kjölfar þess,“ sagði Jón Ólafur.
Jón Ólafur segir það rétt að
endanleg niðurstaða þurfi að fást
hvað varðar neyðarbrautina á
Reykjavíkurflugvelli. Hann bendir
á að á meðan brautin var í notkun
hafi um og innan við eitt prósent
lendinga verið á henni.
Engin sátt um NA/SV-neyðarbrautina
 Isavia og Samgöngustofa funda
væntanlega í vikunni um brautina
Morgunblaðið/Ófeigur
Við Hlíðarenda Framkvæmdir eru í fullum gangi en enn er tekist á um neyðarbrautina á Reykjavíkurflugvelli.
Afkoma langflestra sjávarútvegs-
fyrirtækja verður neikvæð í ár,
miðað við dreifingu afkomu 2015,
en þau stóru spjara sig líklega.
Verði krónan lengi sterk gæti það
leitt til nokkurrar uppstokkunar í
greininni, að því er segir í stuttri
samantekt greiningardeildar Arion
banka um sjávarútveg.
Verð sjávarafurða í erlendri
mynt er almennt nokkuð hátt um
þessar mundir, en gengi krónunn-
ar vegur hressilega á móti. Gengi
krónunnar er 24,6% sterkara nú,
en að jafnaði 2015, miðað við sjáv-
arútvegsvegna gengisvísitölu, að
því er segir samantektinni.
Meðal annars er fjallað um áhrif
aukinna aflaheimilda í uppsjávar-
veiðum og segir að auknar afla-
heimildir í uppsjávarfiski gætu
bætt ríflega hálfri prósentu við
hagvöxt. Miðað við góða stöðu
þorskstofnsins og annarra stofna
gæti sá afli aukist í ár og aukinn
uppsjávar- og þorskkvóti vegið á
móti gengisstyrkingu.
Leiðir til lakari afkomu
Í samantektinni segir að úflutn-
ingur sjávarafurða muni áfram
dragast saman í krónum talið í ár
fyrir tilstilli sterkari krónu og
muni að líkindum leiða til lakari af-
komu en síðustu 20 ár, segir í sam-
antektinni. aij@mbl.is
Sterk króna gæti
leitt til breytinga
 Verð sjávarafurða í erlendri mynt er
almennt nokkuð hátt um þessar mundir
Reginn hf., kt. 630109-1080, Hagasmára 1, 201 Kópavogi (útgef-
andi), hefur birt viðauka við grunnlýsingu í tengslum við útgáfu-
ramma sem dagsett er 9. maí 2017. Viðaukinn sem er dagsettur
15. maí 2017 hefur verið staðfestur af Fjármálaeftirlitinu.
Viðaukinn er á íslensku og birtur með rafrænum hætti á vef Regins
hf., www.reginn.is/fjarfestavefur/skuldabrefautbod. Fjárfestar geta
einnig nálgast viðaukann og grunnlýsinguna sér að kostnaðarlausu
á skrifstofu Regins, í 12mánuði frá dagsetningu grunnlýsingarinnar.
Reykjavík, 16. maí 2017
Reginn hf.
Birting viðauka við grunnlýsingu
Hafa áhyggjur af
drónum í Flatey
Áhyggjur hafa
komið fram hjá
Flateyingum
vegna dróna-
flugs í Flatey,
sérstaklega yfir
varptímann. Mál-
ið var kynnt á
fundi sveitar-
stjórnar Reyk-
hólahrepps í síð-
asta mánuði og var þar áréttað að
sveitarfélagið hefur ekki lögsögu
um loftför.
Í fundargerð kemur fram að inn-
anríkisráðuneytið vinni að reglu-
gerð um ómönnuð loftför. Í drögum
að reglugerðinni sé gert ráð fyrir
að Samgöngustofa geti skilgreint
ákveðin svæði sem svæði þar sem
óheimilt er að fljúga. Einnig sé gert
ráð fyrir að önnur stjórnvöld, s.s.
skipulagsyfirvöld, Umhverfis-
stofnun, hafnaryfirvöld, lögregla
og rekstraraðilar flugvalla geti
skilgreint ákveðin svæði þar sem
flug er takmarkað eða bannað.