Morgunblaðið - 18.05.2017, Qupperneq 14

14 FRÉTTIRInnlent
MORGUNBLAÐIÐ FIMMTUDAGUR 18. MAÍ 2017
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
„Á vegum netöryggisráðs verður
gerð úttekt í júní nk., í samvinnu
við Oxford-háskóla í Bretlandi, á
netöryggisþroska íslensks sam-
félags,“ segir Sigurður Emil Páls-
son, sérfræðingur hjá samgöngu-
og sveitarstjórnarráðuneytinu. Sig-
urður er formaður netöryggisráðs,
sem hefur samhæfingarhlutverk og
er samráðs- og samstarfsvett-
vangur í samræmi við stefnu stjórn-
valda um net- og upplýsingaöryggi.
„Drög að niðurstöðu til að vinna
með verða vonandi tilbúin í haust,“
segir hann. Starf ráðsins verði von-
andi víkkað með því að mynda sam-
starfshóp með einkaaðilum sem sjá
um mikilvæga innviðaþjónustu, í
samræmi við stefnu stjórnvalda.
Úttekt gerð á
netöryggisþroska
Guðni Einarsson
gudni@mbl.is
Samgöngustofa hefur gripið til ráð-
stafana til að hafa undan gríðarmik-
illi aukningu á forskráningum öku-
tækja. Brugðist hefur verið við
aukningunni með yfirvinnu á kvöldin
og um helgar auk
þess sem fólk úr
öðrum deildum
aðstoðar við
skráningarnar.
Yfir tugur starfs-
manna kemur að
þessum verk-
efnum.
Samgöngu-
stofa kynnti í gær
tvíþætta aðgerð-
aráætlun til að stytta afgreiðslutím-
ann við forskráningar ökutækja.
Strax á að auka til muna aðstoð
starfsmanna úr öðrum deildum
Samgöngustofu en skráningardeild
við skráningarvinnuna og lengja yf-
irvinnu.
Forskráning til bílaumboða
Jafnframt verður unnið að lang-
tímaverkefni við þróun hugbúnaðar
sem mun gera bílaumboðunum kleift
að forvinna forskráningar fyrir inn-
flutt ökutæki. Hugbúnaðarlausnin
mun minnka álagið og stytta biðina
eftir forskráningu hjá Samgöngu-
stofu. Samgöngustofa mun verja
meiri fjármunum en gert hafði verið
ráð fyrir til þróunar hugbúnaðarins
til að flýta verkefninu.
„Samgöngustofa hefur hingað til
ekki fengið heimild fjárveit-
ingavaldsins til að nýta þær auknu
tekjur sem fylgja þessum vexti held-
ur hefur á þessu tímabili verið gert
að skera verulega niður í rekstri.
Aðgerðaráætlun sú sem nú er gripið
til er ákvörðun forstjóra til að bæta
þjónustu og bregðast við óhóflegum
biðtíma fyrir viðskiptavini,“ sagði í
fréttatilkynningu Samgöngustofu í
gær.
„Ég tek ákvörðun um aðgerða-
áætlunina án þess hún sé á sam-
þykktri rekstraráætlun,“ sagði Þór-
ólfur Árnason, forstjóri Samgöngu-
stofu. Hann kvaðst reikna með að
hugbúnaðarlausnin fyrir bílaumboð-
in yrði tilbúin til notkunar í haust.
Þórólfur sagði að tekjuaukningin,
sem væri í réttu hlutfalli við aukinn
bílainnflutning, rynni í ríkissjóð en
yrði ekki eftir hjá Samgöngustofu.
Hann kvaðst bera mikla virðingu
fyrir fjárlögum og hafa staðist þau
undanfarin þrjú ár. Hins vegar segði
löng reynsla hans úr atvinnurekstri
að ríkið þyrfti að geta brugðist hratt
við þegar álag ykist eins og nú hefði
gerst í bílainnflutningi. Þá rímaði
krafa um niðurskurð illa við stór-
aukin verkefni. Þórólfur sagði að
kostnaðurinn við forskráningarnar
væri farinn fram úr áætlunum en
það gilti einnig um tekjurnar.
Biðin eftir forskráningu ökutækja
var í gær um 15 virkir dagar. Þór-
ólfur kvaðst reikna með að aðgerð-
irnar sem nú væri gripið til styttu af-
greiðslutímann smám saman í 2-5
virka daga.
Ekkert lát á bílainnflutningi
„Það er ekkert lát á innflutn-
ingnum. Við höfum óskað eftir spám
frá bílaumboðunum. Það er líka mik-
ill innflutningur fyrir utan umboðin.
Bílaleigurnar eru farnar að flytja inn
mikið sjálfar. Það er einnig stór-
felldur innflutningur einstaklinga á
bílum sem þeir kaupa erlendis. Oft
eru þau ökutæki ekki gerðarvið-
urkennd og tekur forskráning þeirra
lengri tíma en ef þau væru gerð-
arviðurkennd,“ sagði Þórólfur.
Einnig er mikið flutt inn af drátt-
arvélum og öðrum vinnuvélum sem
tekur mun lengri tíma að skrá held-
ur en gerðarviðurkennd ökutæki.
Auk þess eru fluttir inn margir hóp-
ferðabílar sem tengjast ferðaþjón-
ustunni.
Þórólfur sagði að vísa þyrfti frá
töluverðum fjölda ökutækja sem
féllu ekki að Evrópureglugerðum
um öryggi og mengun. Forskráning
ökutækja sé því krefjandi vinna sem
krefst sérhæfingar.
Aðgerðir til að stytta
biðina eftir forskráningu
 Aukin yfirvinna hjá Samgöngustofu  Bílaumboðin geta forskráð í haust
Línurit/Samgöngustofa
Aukning Fjöldi forskráðra ökutækja fyrstu 4 mánuði þrefaldaðist frá 2013.
Þórólfur
Árnason
Bílafloti Ekkert lát er á innflutningi ökutækja til landsins þessa dagana.
„Ekki hafa átt sér stað formlegar
viðræður við Spöl vegna yfirfærsl-
unnar en málið hefur verið rætt
óformlega á milli aðila.“
Þetta segir í svari Jóns Gunn-
arssonar, samgöngu- og sveitar-
stjórnarráðherra, við fyrirspurn frá
Bjarkeyju Olsen Gunnarsdóttur um
Hvalfjarðargöng.
Eins og fram hefur komið í frétt-
um tekur ríkið við rekstri Hvalfjarð-
arganga af Speli þegar þau hafa ver-
ið að fullu greidd, en það mun að öllu
óbreyttu gerast í júlí 2018.
Ráðherra segir í svari við sömu
fyrirspurn að engar ákvarðanir hafi
verið teknar um gjaldtöku í Hval-
fjarðargöngum eftir að þeim hefur
verið skilað til ríkisins. Slíkt þurfi að
ræða með hliðsjón af ríkjandi að-
stæðum varðandi fjármögnun sam-
göngumannvirkja almennt. Loks
segir ráðherra það ljóst að í náinni
framtíð muni þurfa að gera önnur
göng undir fjörðinn, vegna öryggis-
sjónarmiða og vaxandi umferðar.
„Hjá Vegagerðinni er um þessar
mundir farið yfir ýmsa tæknilega
þætti sem að þessu lúta með tilliti til
aukinna krafna til slíkra mannvirkja
frá því fyrri göng voru hönnuð og
tekin í notkun. Þá er unnið að mati á
kostnaði við ný göng,“ segir í svari
ráðherra. sisi@mbl.is
Hvalfjarðargöng Ríkið mun eignast göngin og taka við rekstrinum 2018.
Óformlegar viðræður
hafnar um yfirtöku
Morgunblaðið/Ernir
Hæstiréttur hefur staðfest úrskurð
Héraðsdóms Reykjavíkur um að
vísa frá kröfu um bætur vegna
gæsluvarðhalds sem maður sætti í
kjölfar þess að hann var kærður
fyrir kynferðisbrot gegn ungri
stúlku. Maðurinn var ákærður og
að lokum sýknaður í Héraðsdómi
Vesturlands en krafan byggist á
tjóni sem hann telur sig hafa orðið
fyrir vegna gæsluvarðhaldsins sem
hann sætti. Þar á meðal tekjumissi
og vegna uppboðs á fasteign hans.
Kröfum um bætur vegna tekju-
missis og tekjuskerðingar til fram-
búðar var vísað frá vegna vanreif-
unar. Þannig væri til að mynda
ómögulegt að ráða af stefnunni
hvort viðkomandi hefði verið í laun-
aðri vinnu þegar hann var handtek-
inn eða ekki. Tveimur kröfuliðum
var ekki vísað frá dómi, kröfu um
bætur vegna varanlegs miska,
byggðri á mati geðlæknis, og vegna
uppboðs á fasteign mannsins.
Frávísun bótakröfu
staðfest í hæstarétti