Morgunblaðið - 19.05.2017, Qupperneq 12

12 MORGUNBLAÐIÐ FÖSTUDAGUR 19. MAÍ 2017
Þróttur – Til allra verka
• Mold og sandur
• Grjót og
grjóthleðsla
• Fellum tré
• Fjarlægjum
garðaúrgang
Vörubílastöðin Þróttur • Sævarhöfða 12 • Sími 577-5400 • www.throttur.is
B
erglindi Ólafsdóttur er
margt til lista lagt. Á dag-
inn starfar hún sem fram-
kvæmdastjóri Borgarleik-
hússins, en í frítíma sínum galdrar
hún fram dýrindis krásir. Ekki er
nóg með það að Berglind hafi mikla
ástríðu fyrir matseld heldur heldur
hún úti vönduðu matarbloggi,
Krydd og krásir, á slóðinni
www.kryddogkrasir.com.
„Það var yngri dóttir mín sem
þrýsti á mig að byrja að halda blogg
um matseldina, og komumst við að
samkomulagi um að ég myndi byrja
að blogga ef hún myndi hjálpa mér
við ljósmyndahliðina,“ segir Berg-
lind. „Við settumst svo niður við eld-
húsborðið kvöld eitt fyrir nokkrum
árum síðan og settum Krydd og
krásir í loftið.“
Átti bloggið aðallega að vera fyrir
nánustu fjölskyldu og vini, sem stað-
ur til að varðveita uppáhalds upp-
skriftirnar. „En svo vatt þetta fljótt
upp á sig og gestunum fjölgaði.
Núna fáum við nokkur þúsund
heimsóknir í mánuði hverjum,“ seg-
ir Berglind.
Humarpitsan fræga
Þegar sólin tekur að hækka á lofti er
Berglind fljót að taka grillið úr
geymslu. Raunar hefur hún og fjöl-
skyldan öll svo gaman af að elda að
jafnvel ef farið er í útilegu eru tekin
með alls kyns áhöld og hráefni og
veisluréttir eldaðir í guðsgrænni
náttúrunni.
Einn vinsælasti útilegurétturinn
er humarpitsa. „Það er sá réttur
sem fjölskyldan og vinirnir kalla eft-
ir þegar haldið er í útilegu,“ segir
Berglind en uppskriftin var þróuð á
tjaldstæði í Stykkishólmi. „Við höfð-
um áður grillað hefðbundnar pitsur
á ferðalögum okkar en í þetta skipt-
ið hafði ég tekið með humar og varð
úr að sameina þetta tvennt. Þarna
stóðum við á tjaldstæðinu, skel-
flettum tvö kílógrömm af humri, og
bjuggum til pitsudeig frá grunni
sem fékk að hefast inni í tjaldvagn-
inum á meðan humarinn var hreins-
aður. Útkoman var svona líka góð.“
Til að létta matseldina má kaupa
skelflettan humar og jafnvel tilbúið
pitsudeig og er þá ekki svo flókið að
gera pitsuna frægu –jafnvel í húsbíl
eða tjaldi. Segir Berglind að helst
verði að gæta að því að elda hum-
arinn rétt. Í útilegum fer hún þá leið
að steikja humarinn á pönnu yfir
prímus, en notar grillið til að baka
sjálfa pitsuna. „Humarinn fer á
pönnuna með miklu af smjöri og
hvítlauk, smá olíu og sítrónu. Hann
þarf ekki nema örfáar mínútur á
pönnunni og góð regla að taka hum-
arinn af hitanum þegar maður held-
ur að hann eigi enn smá stund í að
vera tilbúinn því hitinn helst áfram í
humrinum og eldar hann ögn
meira.“
Samhliða því að steikja humarinn
hitar Berglind þar til gerða pitsu-
pönnu í grillinu og setur deigið á án
áleggs. Snýr hún deiginu síðan við,
og fær með því stökkan og jafnt
bakaðan botn. „Ég smyr pitsubotn-
inn með hvítlauksolíu, strái rifnum
mozzarella yfir og baka á lokuðu
grillinu þar til gullinn litur prýðir
botninn. Þegar nokkrar mínútur eru
í að pitsan sé klár bæti ég við fersk-
um mozzarella á botninn, loka aftur í
smá stund og raða þá humrinum of-
an á, strái síðan steinselju og blöð-
um af morgunfrú yfir allt saman..
Útlitið skiptir máli, rétt eins og
bragðið, og það er gaman að koma
matargestum á óvart með því að
strá ferskum ætum blómum eins og
morgunfrú yfir pitsuna áður en hún
er borin fram. Þarf svo ekki nema
ögn af sjávarsalti og nýmöluðum
pipar, og pitsan er klár.
Forvitin um sous-vide
Berglind hefur varið löngum stund-
um við grillið og lumar á ýmsum
gagnlegum ráðum. Hún segir lyk-
ilatriði að kaupa gott hráefni, því
þannig verði matseldin ekki jafn
flókin. Berglindi finnst líka gaman
að gera tilraunir við grillið og
blanda saman eldunaraðferðum.
„Þegar ég geri nauta-ribeye steik er
gott að setja kjötið aðeins stutta
stund á grillið til að loka steikinni,
og þvínæst inn í ofn og hægelda þar
við um 65 gráður í 8 – 10 klukku-
stundir.“
Berglind er líka aðeins farin að
reyna fyrir sér í sous-vide matseld.
„Að vísu á ég ekki til sous-vide hita-
jafnara, en bý svo vel að tengdason-
ur minn hefur mikinn mataráhuga
eins og ég og er að auki tækjaóður.
Höfum við notað hans sous-vide
græju til að gera tilraunir. Er algjör
snilld að setja T-bone steik í poka
með smá smjöri og ferskum krydd-
jurtum, hægelda í vatnsbaði í
nokkra klukkutíma, og setja síðan á
funheitt grillið til að fá bras- og
grillbragðið.“
Að sögn Berglindar eru algeng
mistök við grillið að færa steikina
beint af grindinni yfir á diskinn.
„Gott er að leyfa kjötinu að hvíla sig
eftir eldunina, setja steikina á bretti
og breiða yfir hreint stykki, og láta
standa í 5-10 mínútur,“ segir hún.
Margir eru líka hikandi við að
grilla fisk, en einn af uppáhalds-
réttum Berglindar er grilluð sí-
trónulegin stórlúða. Berglind segir
sumar fisktegundir lausar í sér og
kalla á meiri fimi við grillið, en stórl-
úðan er þéttur fiskur og hægt að
grilla eins og hverja aðra steik.
„Stórlúðuna matreiði ég þannig að
fyrst læt ég fiskinn liggja í sítrónu-
og olíukryddlegi í um klukkustund.
Við það er eins og hold fisksins þétt-
ist enn meira og auðveldara verður
að grilla hann. Kúnstin er síðan að
gæta þess að ofelda ekki bitana, en
eldunartíminn fer eftir stærð þeirra
og þykkt. Nokkrar mínútur á hvorri
hlið ætti að vera nóg og má nota
gaffal eða töng til að meta hvort
fiskurinn er nógu vel steiktur. Um
fiskinn gildir, rétt eins og með hum-
arinn, að það er vissara að taka hann
af hitanum rétt áður en hann er full-
eldaður. Ólíkt kjötinu á að bera fisk-
inn fram strax, og vera með allt
meðlætið tilbúið.“ ai@mbl.is
Grillaða humarpitsan hittir í mark
Veisla Það má gera ótrúlegustu krásir á tjaldstæði með prímus og grill að vopni. Humarpitsan þykir ómótstæðileg.
Morgunblaðið/Golli
Ástríða Berglind Ólafsdóttir heldur úti vinsælu bloggi.
Einn af uppáhaldsréttum
Berglindar Ólafsdóttur
og fjölskyldu varð til á
tjaldstæði í Stykkishólmi.
Til skrauts stráir hún
steinselju og morgunfrú
yfir ljúffenga pitsuna, og
notar bæði grill og prím-
us við eldamennskuna.
Nammi Allt tilbúið fyrir eldamennskuna úti á palli.
Hráefni
1 búnt aspas (450 gr.)
1/2 sítróna – það er
safinn úr henni.
Ólífuolía – u.þ.b. helmingi
meira magn en sítrónusafinn.
Parmesan-ostur skorinn í
örþunnar skífur.
Sjávarsalt.
Nýmalaður svartur pipar.
Aðferð
Hrærið sítrónusafa og ólífuolíu
saman. Skerið trénaða endann af asp-
asinum og grillið á útigrilli eða grill-
pönnu þar til fallegar rendur koma á
hann, snúið honum einu sinni.
Um leið og aspasinn er tilbúinn er
hann settur á fat eða beint á diskana.
Hellið sítrónu og ólífuolíu yfir, saltið
og piprið og stráið örþunnum par-
mesan-skífum yfir.
Grillaður aspas með parme-
san-osti, ólífuolíu og sítrónu