Morgunblaðið - 19.05.2017, Page 16

16 MORGUNBLAÐIÐ FÖSTUDAGUR 19. MAÍ 2017
Í
sumar verða liðin 50 ár frá því
að Gróðrarstöðin Mörk í Foss-
vogsdal var stofnuð. Sigríður
Helga Sigurðardóttir og maður
hennar Guðmundur Vernharðsson,
Mummi, keyptu reksturinn árið
2000 af stofnendunum, þeim
Mörthu C. Björnsson og Pétri N.
Ólafssyni.
„Mummi hafði þá starfað hjá
þeim frá 16 ára aldri og grunar
mig að Martha og Pétur hafi viljað
selja okkur fyrirtækið því þau
vissu að gróðrarstöðin myndi vera
í góðum höndum. Að reka gróðr-
arstöð er nefnilega ekki eins og
annar rekstur, og kallar á að hafa
næma tilfinningu fyrir plöntunum
og ákveðið innsæi,“ segir Sigríður.
Er óhætt að kalla Guðmund og
Sigríði samrýmd hjón en þau deila
ástríðu fyrir öllu sem viðkemur
blómum, trjám og garðrækt.
„Göngutúrarnir okkar snúast um
að spá og spekúlera í plöntum og
greinabyggingu, og skoða fallega
garða,“ segir Sigríður en bæði eru
þau garðyrkjumenntuð.
Stór blóm í sterkum litum
Garðar landsmanna taka breyt-
ingum í takt við tísku og tíðaranda.
Þá hefur aukið skjól og batnandi
veðurfar gert mögulegt að rækta
plöntur sem áður gátu ekki þrifist
í íslenskum görðum. Spurð um vin-
sælustu blómin þetta sumarið seg-
ir Sigríður að hortensían sé að
koma mjög sterkt inn. „Hún er
ægifögur jurt með fallega og stóra
blómknúppa, fáanleg í nokkrum
litum og stendur lengi í blóma.
Sólbrúðurin heillar líka marga með
sinn djúpa bláleita lit. Einnig á ég
von að hengibrúðarauga og dalía
muni sjást í mörgum görðum í ár.“
En hvað ræður því hvaða blóm
eru vinsælust hverju sinni? Sigríð-
ur segir að til séu ákveðnar kenn-
ingar um að fatatískan hafi áhrif á
blómatískuna og gæti það passað
því að bláir og bleikir litir eru
áberandi í tískuverslununum um
þessar mundir og svipaðir litir eft-
irsóttir í blómunum. „En umfram
allt held ég að blómaflóran á Ís-
landi ráðist af því hvaða tegundir
þrífast vel og eru blómviljugar við
íslenskar aðstæður.“
Segir Sigríður að að þessu leyti
sé blómamenningin á Íslandi ólík
öðrum löndum, og vilja landsmenn
helst ekki planta í garðinn sinn
oftar en einu sinni á sumri. „Er-
lendis byrjar fólk oft að planta í
mars, skiptir svo út í maí, aftur
síðsumars og svo jafnvel enn eina
ferðina fyrir veturinn. Hinn al-
menni íslenski garðræktandi er yf-
irleitt bara með eina útplöntun og
vill tegundir sem haldast lengi í
blóma. Við höfum líka greint það
síðustu sumur að fólk sækir meira
í fjölærar blómplöntur til að ein-
falda garðverkin.“
Gaman er að hafa glæsilegt tré
eða runna í garðinum, og getur
veitt gott skjól. Sigríður segir að
vanda verði valið og finna trénu
eða runnanum hentugan stað.
„Alaskaöspin á t.d. lítið erindi í
venulegan einkagarð, en veitir hins
vegar heilmikið skjól á stórum
opnum svæðum.“
Víða í þéttbýli er alaskaöspin
farin að verða til vandræða og seg-
ir Sigríður að megi ekki fordæma
þetta fallega tré, sem geti verið
gott til síns brúks á réttum stöð-
um. Íslendingar eigi alaskaöspinni
ýmislegt að þakka. „Foreldrar
mínir fæddust fyrir seinna stríð og
frá þeim hef ég heyrt hvað fólk var
hissa að sjá að trjágrjóður gæti yf-
irhöfuð vaxið á Íslandi. Fyrir vikið
varð það viðhorf ríkjandi að það
mætti helst ekki hagga við alas-
kaöspinni eða öðrum trjám. Í dag
hefur þetta viðhorf breyst og fólk
er orðið óhræddara við að grisja
burtu tré og breyta til í garð-
inum.“
ai@mbl.is
Stór blóm með sterka liti
Sigríður hjá Gróðrarstöð-
inni Mörk segir að kenn-
ingar séu til um að tískan
í blómunum haldist í
hendur við fatatískuna.
Sólbrúður, hortensía og
hengibrúðarauga ættu
að prýða marga garða í
sumar.
Klassík Hvít blóm virðast alltaf í tísku enda passa þau vel við nánast hvað sem er.
Morgunblaðið/Golli
Samheldin Guðmundur og Sigríður hafa mikið yndi af blómum og eru boðin og búin að veita öllum sem heimsækja Mörk ráðgjöf um allt sem við kemur garðrækt.
Eflaust ganga sumir lesendur með
þann draum í maganum að fylla
garðinn og pallinn af fallegum
blómum og trjám, en vita ekki hvar
á að byrja og óttast að gera mis-
tök. Sigríður segir að vissulega
þurfi ákveðna þekkingu til að gera
fallegan garð, og þurfi t.d. að huga
vandlega að plöntuvalinu og gæta
þess að hver planta fái það skjól
og birtu sem hún þarf.
„En mistökin eru ekki dýr og fólk
á ekki að vera hrætt við að prófa
sig áfram. Við erum líka boðin og
búin að veita leiðsögn, og ræða
vandlega við viðskiptavinina um
hvers konar garð þau langar til að
skapa.“
Til að fá innblástur mælir Sigríð-
ur með góðum göngutúr um hverf-
ið, eða ferð í grasagarð. „Í grasa-
görðunum eru allar plönturnar
vandlega merktar og hægt að
punkta hjá sér nafnið ef einhver
jurtin heillar alveg sérstaklega.“
Minnir Sigríður á að það getur
tekið langan tíma að rækta
draumagarðinn, og eru fallegustu
garðarnir afrakstur margra ára
vinnu og aðhlynningar. „Þetta er
langhlaup en ekki spretthlaup,“
segir hún.
Er líka hægt að þjálfa grænu
fingurna þó enginn sé garðurinn,
og getur góður blómapottur úti á
svölum rúmað falleg blóm og jafn-
vel lítil tré. „Ég verð vör við að fólk
sem býr í blokkum vill líka nota
svalirnar til matjurtaræktunar. Það
langar að rækta sitt eigið kál og
kryddjurtir, og jafnvel jarðarber.
Verður þá bara að gæta þess að
skjólið sé gott og nóg af birtu, og
muna síðan að vökva reglulega.“
Ekki vera hrædd
við að prófa