Skátablaðið Faxi - 01.12.2013, Blaðsíða 5

Skátastarfið í Eyjum.
í ár varð skátafélagið Faxi 75 ára og þess
vegna langar okkur að segja lítillega frá
félaginu og stöðu þess í dag.
Skátafélagið Faxi var stofnað þann 22.
febrúar 1938 og hefur starfað óslitið
síðan. Skátafélagið er aðili að bandalagi
íslenskra skáta, BÍS.
í dag eru í félaginu starfandi um 30
skátar sem skiptast niður í
þrjár sveitir sem tveir foringjar sjá um.
Dreka - og Fálkasveitarforingi er Frosti
Gíslason en Drótt- og
Rekkaskátasveitarforingi er
Steinunn Ragnhildur Guðmundsdóttir,
hafa þau staðið sig með prýði.
Einnig eru nokkrir "gamlir” skátar sem
alltaf er hægt að leita til þegar á þarf að
halda, en það er alltaf pláss fyrir nýja
meðlimi í baklandið okkar og eru allir
velkomnir.
Mikilvægt er fýrir félagið að geta
státað sig af nógu mörgum og góðum
foringjum en þeir hafa því mikilvæga
hlutverki að gegna að sjá um innra starf
félagsins.
Skátafélagið Faxi hefur lent í
vandræðum síðustu árin við manna
foringjastöður þar sem að nýjar reglur
hafa verið settar varðandi aldurstak-
mörk og þurfa foringjar nú í dag að hafa
náð 18 ára aldri og einnig að vera með
hreint sakavottorð.
Núna hefur skátastarfið tekið
breytingum að því leyti að núna eru ekki
ljósálfar, ylfingar og skátar heldur er
búið að breyta nöfnunum í það sem
áður voru Ijósálfar og ylfingar heita
núna Drekaskátar og eru þeir fýrir 7-9
ára, það sem áður voru
einfaldlega skátar eru núna Fálkaskátar
fýrir 10-12 ára, Dróttskátar eru fyrir
13-15 ára, Rekkaskátar eru fýrir 16-18
ára, Róverskátar fýrir 19-22 ára og svo
eftir 22 ára þá ertu einfaldlega skáti í
sumum hugum "gamall skáti".
Skátastarfið í dag er fjölbreytt og
uppbyggjandi til dæmis hafa Dreka- og
Fálkaskátar verið að vinna að afar
skapandi verkefnum, Dróttskátar hafa
verið að gera hinar ýmsar tilraunir,
Rekkaskátar eru að vinna að krefjandi
verkefnum.
3 Skátar úr Rekka- og Dróttskátum eru
að vinna að Forsetamerkinu sem er afar
spennandi og mikill heiður að fá, en
það er afhent við hátíðarlega athöfn á
Bessastöðum.
Skátastarfið í eyjum hefur
nokkra fasta pósta svo sem fánaburð í
skrúðgöngu á
Sumardaginn fyrsta og 17. júní.
Félagið hefur sína föstu
árlegu fjáraflanaleiðir. dreifingu á
jólakveðjum og sölu og dreifingu á
fermingarskeytum.
Félagið hefur farið á öll Landsmót sem
haldin hafa verið á íslandi og er félagið
mjög stolt af því.
Félagið er einnig stolt af því að eiga
félagsheimilið sitt á Faxastíg í sameign
með Björgunarfélagi Vestmannaeyja
einnig á það skátaskála suður á eyju.
Því miður er félagið í dag án
félagsforingja og hefur verið það þetta
árið síðan Alma Eðvaldsdóttir fráfarandi
félagsforingi lét af störfum vegna
veikinda.
í félagsstjórn eru í dag
Ingibjörg Bryngeirsdóttir aðstoðar
félagsforingi, Þórdís Sigurjónsdóttir
gjaldkeri, Flóvent Máni Theodórsson
ritari, Hafþór Snorrason og Friðrik Þór
Steindórsson meðstjórnendur.
Á ábyrgð félagsstjórnarinnar er m.a.
fjármál og húsnæðismál félagsins.
Einnig heldur hún utan um félagsstarfið
s.s. foringjamál og annað sem viðvíkur
starfinu.
Það er okkar einlæga ósk að starfið
muni ná sér upp úr þeirri lægð sem það
hefur verið í og muni rísa upp, blómstra
og dafna. En til þess að það geti átt sér
stað þá hvetjum við þig sem að hefur
áhuga á að leggja okkur lið að hafa
samband við stjórnarmeðlimi.
Einnig er hægt að skrá sig á
skatar.is og ýta á linkinn
„komdu í skátana".
Að lokum viljum við koma á framfæri
kærum þökkum til fýrirtækja og allra
íbúa í Vestmannaeyjum fýrir hlýjan hug
og stuðning í gegnum árin.
Skátakveðja
Skátafélagið Faxi
Sendun Vestmannaeyingum
bestu jóla- og njársheöjur.
Þökkum samskiptin
á árinu sem er aö líöa.
tpz.
teiknistofa
TEIKNISTOFA PZ
KIRKJUVEGI 23
5