Skátablaðið Faxi - 01.12.2013, Síða 11

Ævintyraferð Faxa til Skotlands
Þann 23. júlí lagði galvaskur hópur af
skátum frá Faxa í tæplega tveggja vikna
ævintýraferð til Skotlands en þetta er í
fyrsta skipti sem að skátarnir frá eyjum
fara í utanlandsferð á skátamót sem
hópur.
Forsagan að þessari ferð er sú að á
Landsmóti skáta 2012 þá kynntumst
við skátum frá skosku skátafélagi sem
nefnist 44‘th Glasgow Scouts og mynd-
uðust mjög góð vinatengls á milli Faxa
og 44‘th. í spjalli eitt kvöldið kom upp
sú hugmynd að við færum í heimsókn til
Skotlands og það var úr að við ákváðum
að fara með þeim á skátamót sem haldið
er í Glasgow og heitir
Auchengillan Jamboree.
Undirbúningurinn fyrir ferðina hófst
nánast um leið og við tókum niður
tjöldin á Landsmótinu og var strax
byrjað að finna leiðir til að fjármagna
ferðina. Skátarnir fóru af stað með sölu
á grænmeti, jólapappír og fleiru og gekk
salan hjá þeim mjög vel. Við Iögðum af
stað frá eyjum full tilhlökkunar og var
mikill spenningur á leiðinni til Kefla-
víkur svo mikill að sumir gátu ekki
stjórnað því hvort það ætti að gráta
eða hlægja. Við gistum á gistiheimili í
Ásbrú en það var nú ekki mikið sofið
sumir náðu nokkra tíma svefn á meðan
að sumir sváfu ekkert. Við áttum flug
snemma um morguninn og var mikill
spenningur þegar við komum á flugvöll-
inn en svo illa vildi til að það var um 3
tíma seinkun á fluginu þannig að við
fundum okkur sæti í biðsalnum og náðu
nokkrir að sofna þar á meðan við biðum.
Flugið gekk vel og var mikil stemmning
í hópnum. Þegar út var komið var hópur
af skosku skátunum sem tók á móti
okkur og leiddi okkur að bifreiðinni sem
áttu að flytja okkur að skátaheimilinu
þeirra en það var tveggja hæða útsýnis-
strætó og kom það okkur mjög á óvart
og fengum við útsýnisferð í leiðinni um
Glasgowborg ásamt stoppi á safni þar
sem skotarnir báru fram samlokur, safa
og að sjálfsögðu má ekki gleyma
kartöfluflögunum. Eftir ferðina komum
við í skátaheimilið hjá þeim og þar
komum við farangrinum okkar fyrir
og komu fjölskyldurnar að taka á móti
okkur og fórum við heim með þeim. Það
er hægt að segja að móttökurnar voru
ótrúlegar og allir að vilja búnir að dekra
við okkur.
Næstu daga tók við full dagskrá í boði
44'th Glasgow við fórum í alls kyns
ferðir t.d. til Edinborgar í kastalann, á
söfn, í heimsókn í slcoska þingið, þar
sem þingkonan Patricia Ferguson var
okkar einka leiðsögukona um þingið
og sýndi hún okkur skrifstofurnar og
fræddi okkur um allt frá byggingunni
að stjórnarhættum skota. Við fórum í
verslunarleiðangur, ratleik, skoðuðum
risastóran krana sem heitir Titan crane
og var byggður 1907. Við fengum að
fara uppí hann og var útsýnið ótrúlega
fallegt það voru ekki allir jafn öruggir
að vera svona hátt uppi og fóru aftur
fljótlega niður. Á kvöldin hittumst við
og fórum í bogfimi, í fjallahjólarallý,
grillpartý og einnig áttum við kósýkvöld
með fjölskyldunum okkar.
Mótið hefði mátt vera aðeins betur
skipulagt en afþreyingar skipulagið
var ekki alveg nógu gott og það mætti
endurskoða það. Þrátt fyrir það þá
skemmtum við okkur yfir höfuð bara
mjög vel þótt að það rigndi nánast
stanslaust í þessa viku sem við vorum
á mótinu en í minninguni þá gleymist
rigningin eiginlega alla vega hjá mér.
Það var svo gaman að kynnast nýju fólki,
siðum og menningunni.
Skátarnir fengu að leysa ýmis verkefni
t.d. að sigla bátum, klifra og síga í klifur-
turni, tala í talstöðvar við fólk hér og
þar í heiminum, göngur og margt fleira
skemmtilegt. Drótt- og Rekkaskátarnir
fóru í „Camp in Camp" sem þýðir að
þau fóru í sólarhring i burtu í útilegu og
fengu að sjá nánast um sig alveg sjálf,
sem þeim fannst æðislega skemmtilegt.
Farið var í eina dagsferð þá fórum við
í dýragarð og svo í lítin bæ sem heitir
Stirling en þar bjó Skotlandsdrottningin
hún Mary en einnig er þar minnisvarði
um Sir William Wallace sem flestir
kannast við úr myndinnni Braveheart.
Þegar mótinu var lokið komum við
okkur fyrir í skátaheimlinu og var
ákveðið að klára ferðina á einni
verslunaferð í viðbót. Um morgunin
áður en við lögðum af stað heim þá var
búið að útbúa myndasýningu frá öllu
ævintýrinu, þegar að ég horfði á hana og
lét hugann reika tilbaka þessa daga sem
við vorum búin að upplifa í Skotlandi þá
fylltist ég af svo miklu stolti yfir því hvað
skátarnir væru búnir að standa sig vel,
ég var svo þakklát fyrir að hafa fengið að
vera partur af öllu þessu ferðalagi,
11
r ^
frá hugmyndinni að veruleikanum,
einnig var ég yfir mig snortin af
gestrisninni og kærleikanum sem ég
fann frá skotunum að þegar að ég ætlaði
að þakka fyrir okkur þá bara byrjuðu
tárin að streyma og ég gat varla talað
fyrir ekka, ég var svo hrærð og þakklát
fyrir allt.
Eg vil að lokum koma á framfæri kærum
þökkum til íbúa Vestmannaeyjabæjar
fyrir að taka vel á móti skátunum þegar
að þau voru í fjáröflununum og síðast en
ekki síst vil ég koma kærum þökkum til
fyrirtækjanna sem styrktu okkur svo við
gætum gert þessa ferð að veruleika.
Einnig vil ég nota tækifærið og þakka
fyrir samstarfið í gegnum árin þar sem
ég ætla að taka mér smá frí frá
skátunum vegna veikinda minna.
Ég óska ykkur öllum gleðilegra jóla og
farsældar á komandi ári.
Kær skátakveðja
Alma Eðvaldsdóttir