Víkurfréttir - 06.03.2003, Blaðsíða 6

6 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Við fjölskyldan ferðuðumst á
eigin bíl í Noregi í sumar. Þar
sáum við hvernig Norðmenn
byggja ólíka vegi, annars vegar
fyrir þá sem vilja komast sem
fljótast milli staða og hins vegar
fyrir ferðafólk sem vill njóta
hrífandi náttúru. Hraðbrautir
liggja beinustu leið og
langtímum saman um dimm
göng, en ferðamannavegir
hlykkjast með fjörðum og yfir
heiðar - mun seinkeyrðari, en
langtum fallegri leiðir og mjög
vandað til áningarstaða. Þar þykir
ekki tiltökumál þótt ferðamanna-
fjallvegir séu lokaðir yfir há-
veturinn. Mér er tjáð að Danir
leggi sérstaklega merkta ferða-
mannavegi með lægri hámarks-
hraða en þarfir fólks til útsýnis í
fyrirrúmi. Við fórum að hugleiða
hvort við Íslendingar þurfum
ekki að fara að gera greinarmun
á því hvort nýr vegur sem við
leggjum eigi fyrst og fremst að
þjóna flutningum eða ferða-
mennsku.
Hvað með Suðurstrandarveg?
Nú er Suðurstrandarvegur á
teikniborðinu. Sú leið er mjög
mikilvæg fyrir ferðamenn, bæði
innlenda og erlenda, enda frábært
svæði nálægt þéttbýli, lítt markað
af mannvirkjum. Vegurinn veldur
hins vegar engri byltingu í teng-
ingu atvinnusvæða eins og sumir
halda. Að vísu styttist leiðin milli
Grindavíkur og Suðurlands
nokkuð, en stysta leið milli
Reykjanesbæjar og Suðurlands
verður eftir sem áður um
Reykjanesbraut og Hellisheiði
eða Þrengsli.
Ég er ekki að benda á þetta til að
draga úr gildi Suðurstrandar-
vegar heldur til að leggja áherslu
á að vegurinn verði hannaður á
réttum forsendum svo hann komi
að sem mestum notum án þess
að valda miklum náttúru-
spjöllum. Þarna er verið að
hanna svokallaðan C-1 veg, þ.e.
tvær 3 m breiðar akreinar með
bundnu slitlagi og 75 cm
vegöxlum og upphækkun um
rúman metra. Meginmarkmiðið
virðist vera að stytta ferðatímann
og tekur vegarstæðið og gerð
vegarins mið af því. Slíkur vegur
hentar vel til þungaflutninga og
þeim sem eiga brýn erindi, en
þarf alls ekki að henta ferðafólki
sem vill njóta náttúrufegurðar
þessa svæðis. Þá getur lægri og
krókóttari vegur hentað betur,
auk þess sem hægt er að fela
slíkan veg betur í landslaginu og
sveigja fram hjá helstu náttúru-
og söguminjum. Það ber að
forðast að skera heilleg lítt snort-
in svæði sundur með áberandi
háum og beinum hraðbrautum.
Ég treysti því að hönnuðir vinni
vel sitt verk og spilli ekki nátt-
úrufegurð að óþörfu, en þurfa
stjórnvöld ekki að gefa tóninn
fyrir nýja og fjölþættari vega-
staðla?
Hvað með Sprengisand og Kjöl?
Nýlega voru fréttir frá fundar-
höldum áhugahóps um byggingu
fjallvega þar sem óskað var eftir
heilsárs vegum yfir miðhálendið.
Víst er þarft að endurbæta há-
lendisvegina, en ekki þar með
sagt að þeir eigi að verða eins og
þjóðvegur 1, enda ólíklegt og
óæskilegt að mikið af
þungaflutningum færist á þá.
Er ekki tímabært að við lærum
að hanna fullkomna ferðamanna-
vegi, ýmist malarvegi eða með
bundnu slitlagi, sem falla vel í
landslag og þjóna vel þörf
ferðamanna, jafnt til útsýnis úr
bílum og til styttri og lengri
áningar? Hugum að því.
Þorvaldur Örn Árnason,
Vogum, í framboði fyrir Vinstri
hreyfinguna grænt framboð í
Suðurkjördæmi. valdur@gi.is
Góða vegi fyrir ferðamenn
UMHVERFIÐ \\ Þorvaldur Örn Árnason skrifar:
L ionsklúbbarnir á Suðurnesjum ogLionessuklúbbur Keflavíkur afhentuÞroskahjálp á Suðurnesjum persónulyftu
formlega að gjöf í dag á Ragnarsseli. Lyftubún-
aður þessi er notaður til að lyfta upp einstak-
lingum sem ekki getað bjargað sér sjálfir og
mun hann koma starfsfólki á Ragnarsseli að
góðum notum.
Í apríl á síðasta ári stóðu Lionsklúbbarnir á Suður-
nesjum og Lionessuklúbbur Keflavíkur fyrir hinu
árlega þingi Lionshreyfingarinnar. Ákveðið var í
tilefni þingsins að gefa út kynningarblað sem
dreift var í öll hús á Suðurnesjum til að kynna
starfsemi Lionsklúbbana á svæðinu. Blaðið var
fjármagnað með auglýsingum og var afgangurinn
af þeim auglýsingatekjum notaður í þetta verk-
efni. Einnig var ákveðið að styrkja einstakling í
Reykjanesbæ vegna læknameðferðar erlendis
ásamt því að Gerðaskóli fékk tölvuforritið P.C.S. -
Board maker, en það er tjáningarforrit til að nota
við sérkennslu.
Lionsklúbbarnir á Suður-
nesjum styrkja gott málefni
10. tbl. 2003 3/5/03 17:00 Page 6