Víkurfréttir - 30.10.2003, Side 8

NÍUTÍTU ÍSLENSKUM einstaklingum hefur verið sagt upp starfi
sínu hjá Varnarliðinu. SEXTÍU OG NÍU Suðurnesjamenn eru í þeim
hópi. Sorgardagar í lífi Suðurnesjamanna og Kallinn biður svo sannar-
lega fyrir þeim sem nú missa störf sín - sama
hvort fólkið búi á Suðurnesjum eða í Reykja-
vík. En starfsmannahald Varnarliðsins skal
ekki komast upp með að brjóta réttindi á þessu
fólki - það skal aldrei verða. Kallinn treystir
verkalýðsforingjum Suðurnesja til að sjá til
þess að svo verði ekki.
EN HVAÐ GERA stjórnvöld? Utanríkisráðu-
neytið vissi af þessum uppsögnum á þriðjudag
í síðustu viku. Fer Utanríkisráðherra í broddi
fylkingar til Suðurnesja til að tilkynna verkalýðshreyfingunni þetta?
Nei - hann kýs að láta þetta sem vind um eyru þjóta. Hann hefði átt að
hugsa um fólkið sem nú missir senn vinnuna - fólk sem hefur litla
möguleika á að ná sér í atvinnu á nýjan leik, enda atvinnuástandið ekki
upp á það besta hér á Suðurnesjum.
ÞAÐ VERÐUR AÐ horfa á þá staðreynd að í þeim hópi sem sagt var
upp störfum eru einstaklingar sem nýbúnir eru að kaupa sér íbúðir og
einstaklingar sem eru eina fyrirvinna heimilisins. Það verður að horfa
á mannlega þáttinn í málinu öllu.
ÞAÐ ER VITAÐ að Varnarliðið er ekki hér á landi til að skapa at-
vinnu fyrir Suðurnesjamenn, en það gengur ekki að starfsmenn og
þ.a.l. íbúar Suðurnesja eigi á hættu að verða sagt upp störfum hvenær
sem er. Ekki mikið öryggi í því!
ÞAÐ VERÐUR fróðlegt, að mati Kallsins, að fylgjast nú með við-
brögðum bæjar- og sveitastjórna hér á svæðinu. Það er svo sannarlega
mikið að gerast í atvinnumálum hér á svæðinu - en trúir því einhver að
þeim sem sagt var upp störfum á þriðjudag fari að vinna í Stálpípu-
verksmiðju? Það þarf að finna lausn! Það má ekki langur tími líða.
NÚ EIGA ALLIR þeir sem lagt geta lóð sín á vogarskálarnar að taka
höndum saman og aðstoða einstaklinga, fyrirtæki og stofnanir við að
koma á fót atvinnustarfsemi hér á svæðinu. Það er hægt - með sam-
stilltu átaki. Nú á ekki að bíða og kæfa málið - það á strax að halda
hugflæðifund þar sem hugmyndir verða ræddar og framkvæmdaáætl-
un útbúin.
KALLINN ÓSKAR eftir upplýsingum frá starfsmönnum - upplýs-
ingum um það sem er að gerast innan varnarliðsins. Sendið tölvupóst á
kallinn@vf.is
LIFIÐ HEIL OG STÖNDUM SAMAN!
Kveðja, Kallinn
8 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Útgefandi:
Víkurfréttir ehf., kt. 710183-0319
Afgreiðsla, ritstjórn og auglýsingar:
Grundarvegi 23,
260 Njarðvík,
Sími 421 0000 Fax 421 0020
Ritstjóri og ábm.:
Páll Ketilsson,
sími 421 0007, pket@vf.is
Fréttastjóri:
Hilmar Bragi Bárðarson,
sími 421 0002, hilmar@vf.is
Blaðamaður:
Jóhannes Kr. Kristjánsson,
sími 421 0004, johannes@vf.is
Sölu- og markaðsstjóri:
Jónas Franz Sigurjónsson,
sími 421 0001, jonas@vf.is
Auglýsingadeild:
Jófríður Leifsdóttir,
sími 421 0009, jofridur@vf.is
Útlit, umbrot og
prentvistun:
Víkurfréttir ehf.
Prentvinnsla:
Prentsmiðjan Oddi hf.
Dagleg stafræn útgáfa:
www.vf.is og vikurfrettir.is
Kallinn á kassanum
®
Tökum höndum saman
VF 44. tbl. 2003 hbb 29.10.2003 15:35 Page 8