Víkurfréttir - 30.10.2003, Blaðsíða 17

VÍKURFRÉTTIR I 44. TÖLUBLAÐ I FIMMTUDAGURINN 30. OKTÓBER 2003 I 17
„Maður finnur að þetta er bara
fyrsta skóflustungan í þessu ferli
og það er í sjálfu sér ágætt að
fara í fyrsta holli,” segir Páll
Árnason fyrrverandi starfsmaður
Varnarliðsins, en hann er einn 90
starfsmanna sem fengu uppsagn-
arbréf. Páll býr ásamt eiginkonu
sinni Hörpu Jóhannsdóttur í
Reykjanesbæ en þau eiga þrjú
börn, auk þess sem barnabarn
þeirra er á heimilinu. „Ég er eina
fyrirvinna heimilisins því konan
mín er öryrki. Maður er ennþá að
reyna að kyngja því að manni
hafi verið sagt upp og þetta er
ekkert smá sjokk fyrir fjölskyld-
una. Ég tala nú ekki um hve mik-
il áhrif þetta hefur á þær skuld-
bindingar sem maður hefur gert.”
Páll hefur unnið hjá Varnarliðinu
síðustu 6 ár, fyrst á véladeild og
síðustu 2 árin hefur hann starfað
á lagerdeild Varnarliðsins. Á
fimmtudaginn í síðustu viku
ræddi verkstjóri Páls við hann og
sagði að hann væri hræddur um
að hann yrði fyrstur til að fara, en
verkstjórinn var þá nýkominn af
fundi þar sem uppsagnirnar voru
kynntar. „Ég neitaði að trúa því,
enda með lengsta starfsaldurinn í
deildinni minni.”
Páll segir að andrúmsloftið hafi
verið mjög þvingað innan Varn-
arliðsins í gær, eftir að frétta-
flutningur af málinu hófst. „Það
vissi í raun engin neitt og allir
gátu búist við því að fá uppsagn-
arbréf. Það er svo sannarlega
þungt í mönnum hljóðið og það
veit í raun enginn hvert fram-
haldið verður.”
Páll er mjög ósáttur við uppsögn-
ina og vill helst ekki þurfa að
mæta til vinnu á morgun. Hann á
inni 2 vikna sumarfrí sem hann
ætlar að taka út frá og með morg-
undeginum. „Ég ætla að fara að
sækja um vinnu og ætli ég byrji
ekki á að sækja um vinnu við
Kárahnjúka. Ég hef enga trú á
því að ég fái vinnu hér á Suður-
nesjum.”
Páll gagnrýnir mjög hvernig
staðið var að uppsögnunum.
„Það er náttúrulega fáránlegt að
fólk frétti það í fjölmiðlum að
það sé að missa vinnuna. Ég tala
nú ekki um þegar maður les það
einnig í fjölmiðlum að stjórnvöld
hafi vitað af þessum uppsögnum
í byrjun síðustu viku og ákveðið
að gera ekki neitt. Það finnst mér
vera skuggalegt og til skammar.”
„Þungt í mönnum hljóðið
og enginn veit hvert fram-
haldið verður”
Páll með barnabarni sínu, Kolbrúnu Hörpu 15 mánaða á heimili þeirra.
-segir Páll Árnason sem sagt var upp störfum
hjá Varnarliðinu á þriðjudaginn.
VF
-lj
ós
m
yn
d/
Jó
ha
nn
es
K
r. K
ris
tjá
ns
so
n
Texti: Jóhannes Kr. Kristjánsson - johannes@vf.is
RAUÐUR SÍMI - TALHÓLF VÍKURFRÉTTA 888 2222
VF 44. tbl. 2003 hbb 29.10.2003 13:31 Page 17