Víkurfréttir - 26.10.2006, Blaðsíða 22

22 VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!VÍKURFRÉTTIR I 43. TÖLUBLAÐ I 27. ÁRGANGUR
Foreldrar borga sektir
Eitt af því sem talað er um í sam-
bandi við umferðarmálin, eru
sektirnar. Mörgum finnst að
þær eigi að vera hærri. Jón telur
hins vegar að gera eigi meira
af því að svipta menn ökurétt-
indum þegar þeir verða uppvísir
að glannaakstri.
„Mönnum virðist hreinlega oft
vera sama um sektirnar. Ég tel
að menn finni miklu frekar fyrir
því að missa prófið heldur en
að borga sekt. Sektirnar þyrftu
þá að vera þess mun hærri til
að þær ættu að virka. Þær geta
verið all lengi að innheimtast
og hitt hefur maður líka séð að
sumir eiga foreldra sem hika
ekki við að greiða sektirnar fyrir
þá. Við höfum lent því því að
foreldrar koma og hundskamm-
ast yfir því að við skulum vera
að skipta okkur af börnunum
þeirra. Sem eru þó að stefna
sjálfum sér og öðrum í stór-
hættu með áhættusamri hegðun.
Þá fáum við gjarnan að heyra að
þessi eða hinn hagi sér miklu
verr og það væri nú nær að við
skiptum okkur af þeim. Sem
betur fer heyrir þetta til und-
antekninga en er því miður til
staðar. Slík afneitun er auðvitað
ekki til þess fallin að áróður um
bætta umferðarmenningu nái
eyrum fólks. Einnig má deila
um það hversu góðar uppeldis-
aðferðir þetta eru,“ segir Jón.
Nóg að gera
Að lokum beinist talið að því
sem framundan er hjá Jóni,
núna þegar hann er kominn á
eftirlaunin.
„Tja, ég var nú að fá staðfestingu
á því frá ráðuneytinu að mála-
færsluréttindin mín væru enn
í fullu gildi, þannig að það er
alls ekki útilokað að maður taki
að sér að flytja einhver smámál
þegar manni fer að leið-
ast eftir kannski svona
tvo mánuði,“ segir hann
kankvís og brosir út í
annað.
„Annars hefur maður
alveg nóg að gera. Við
systkinin erum að und-
irbúa málþing til minn-
ingar um föður okkar í
tilefni þess að núna 13.
nóvember nk. eru liðin
100 ár frá fæðingu hans.
Þetta verður nokkuð
v e g l e g t þ i n g s e m
haldið verður í Þjóðmenning-
arhúsinu með þátttöku ýmissa
framámanna í íslenskum stjórn-
málum fyrr og nú. Það þarf að
taka saman fullt af gögnum og
annað í tengslum við þetta og ég
er að grúska í því núna. Núna á
sunnudaginn var ég að koma
frá Djúpavogi þar sem haldin
var minningarathöfn um pabba
en hann var þaðan. Þar flutti Ey-
steinn sonur minn athyglisverða
tölu um afa sinn og nafna. Þetta
var reyndar hin mesta svaðilför,
veðrið var svo svakalegt að ég
hélt að þessi flugferð yrði mitt
síðasta. En það er nú önnur
saga,” sagði Jón að lokum.
Jón Eysteinsson, valdsmannslegur í einkennisbúningnum, sem hann
klæddist í rúm 30 ár sem sýslumaður í Keflavík.
Þann 11. febr ú ar sl. vetur hélt Karlakór Keflavíkur, í samvinnu
við Félag harmonikuunenda
á Suðurnesjum, skemmtun í
húsi sínu að Vesturbraut 17.
Var skemmtun þessi kölluð
Stuðkvöld. Þema kvöldsins
var tengt sjó og sjávarútvegi
og voru skreytingar í sal mið-
aðar við það.
Veislustjóri var Stefán Jón
Bjarnason. Örn Garðarson
matreiðslumeistari tók að
sér að sjá um mat og var
á boðstólnum sjávarréttar-
súpa bor in fram í brauði
og kjúklingasalat. Leynig-
estur kvöldsins var Hjálmar
Árna son al þing is mað ur.
Kórfé lagar sáu sjálf ir um
framreiðslu og alla þjónustu
í sal og var þá sleppt hinum
hefð bundna græna karla-
kóra jakka og gengu félagar
um á hvítum skyrtum með
rauðan mittislinda og voru
pínulítið suður-amerískir í
útliti. Söngur var þannig út-
færður að ekki var stillt upp
óhefðbundið þannig að þegar
söngstjórinn, Guðlaugur Vikt-
orsson, kallaði til söngs var
sungið nokkurn veginn þar
sem menn stóðu í það og það
skiptið og milli söngatriða spil-
uðu svo félagar úr harmonikku-
félaginu. Matur undir styrkri
stjórn Arnar Garðarsonar var
mjög góður og gerðu gestir
honum góð skil. Hjálmar
Árnason, „leynigestur,” fór á
kostum eins og honum einum
er lagið. Söngur karlakórsins
mæltist vel fyrir en lagaval var
létt og hæfði tilefninu, ljúf tón-
list harmonikkunnar fyllti svo
upp í og gerði kvöldið að hinni
ljúfustu skemmtun. Kvöldinu
lauk með dansi við undirleik
harmonikkufélagsins. Er það
mál manna er þarna voru að
sérstaklega hafi vel til tekist.

Þann 4. nóvember n.k. ætlar
karlakórinn að endurtaka
skemmtunina ásamt harmon-
ikkufélaginu með áherslum
á írska tónlist. Mun skemmt-
unin verða með svipuðu sniði
og áður. Örn Garðarson mun
sjá um matinn, leynigestur
verður á sínum stað og mun
Kjartan Már Kjartansson sjá
um veislustjórn. Samkvæmt
öruggustu heimildum hefur
verið rætt um það innan karla-
kórsins að annað svona kvöld
verði síðar í vetur og telja bjart-
sýnir menn að Stuðkvöld séu
komin til að vera.
Aðgöngumiðar að skemmtun-
inni verða seldir í KK salnum
að Vesturbraut 17 mánudag-
inn 30. okóber og miðviku-
daginn 1. nóvember klukkan
20:00 og er miðaverð 2900
krón ur, eins verða mið ar
seldir við innganginn ef ekki
verður þegar uppselt en síð-
ast komust miklu færri að en
vildu.
Stuðkvöld KK
Konukvöld
Lilja Samúelsdóttir og Lúðvík Bergvinsson
bjóða til konukvölds í Aðalveri
(sal fyrir ofan Aðalstöðina) í kvöld kl. 20:30
Dagskrá:
Gestur kvöldsins verður Bryndís Schram
Förðunarfræðingur frá Snyrtiskóla Íslands
Myndlistasýning og fleira.
Léttar veitingar og ljúf tónlist
Allar konur hjartanlega velkomnar