Víkurfréttir - 26.06.2014, Blaðsíða 10
fimmtudagurinn 26. júní 2014 • VÍKURFRÉTTIR10
Hjónin Böðvar Kristjánsson og Guðrún Karitas Garðarsdóttir ákváðu
fyrir skömmu að ráðast í rekstur gistiheimilis á Akureyri en þar í bæ
hafa þau verið með annan fótinn um allnokkurt skeið. Böðvar er Kefl-
víkingur í húð og hár en körfuboltinn togaði hann norður á sínum
tíma. Guðrún sem er Reykvíkingur bjó um árabil í Reykjanesbæ á
árum áður.
„Það var bara ævintýramennska
sem dró okkur út í þetta. Okkur
langaði að prófa eitthvað nýtt,“
segir Guðrún í samtali við VF en
þau hjónin höfðu talsvert verið að
ferðast og lengi haft áhuga á ferða-
bransanum.
Gistihúsið kallast Hvítahúsið en
upphaflega var það nú bara grín
hjá þeim hjónum. „Það átti vel við
og við höfum haldið okkur við það,
húsið er jú hvítt,“ segir Guðrún
og hlær. „Ég vil þó síður að það sé
svarað í símann „The White ho-
use,“ þegar útlendingarnir hringja,
það er ekki alveg að ganga upp,“
bætir hún við hress í bragði. Um
sannkallað fjölskyldufyrirtæki er
að ræða en unglingsstúlkurnar
tvær á heimilinu eru duglegar að
hjálpa til. „Þannig gengur þetta
upp en vissulega er þetta erilsamt
og mikil binding sem fylgir þessu.“
Húsið er byggt árið 1946 og stað-
sett í eldri hluta Akureyrar á milli
miðbæjar og sundlaugar. Sem sagt
á besta stað í bænum. Þau Guð-
rún og Böðvar kunna ákaflega
vel við sig fyrir norðan og hafa í
nógu að snúast. „Það er ótrúlega
fínt að vera á Akureyri. Sumrin
geta verið svo ótrúlega góð hérna
og á veturna hefur maður Hlíðar-
fjallið, svo finnst mér bara mjög
stutt til höfuðborgarinnar, það er
ekki mikið mál að skjótast suður,“
segir Guðrún. „Ég hugsa að maður
sé ekki á leiðinni „heim.“ Ég kann
mjög vel við mig hérna,“ segir
Böðvar sem þó fylgist vel með
gangi mála á Suðurnesjunum.
Mynda gott teymi
„Við keyptum húsið gagngert til
þess að fara út í þennan rekstur. Við
vildum finna hús sem gæti hentað
sem húsnæði fyrir okkur og sem
gistihús.“ Böðvar er húsasmíða-
meistari og byggingarfræðingur og
hann tók að sér breytingar á hús-
næðinu, svo það hentaði sem gisti-
rými. „Guðrún er að koma með
þessar hugmyndir og svo segir hún
mér bara hvað ég á að smíða. Við
náum vel saman í vinnu,“ segir
Böðvar. Guðrún er viðskiptafræð-
ingur svo hún tók bókhaldið að
sér. „Þetta er fín blanda hjá okkur,“
segir Guðrún en þau Böðvar eru
með mikið á sinni könnu þar sem
Böðvar setti nýlega á laggirnar
byggingafyrirtæki. Þannig að bæði
eru þau í fullri vinnu og Guðrún
heldur utan um bókhald fyrir
þessi tvö litlu fjölskyldufyrirtæki
auk þess að vera verslunarstjóri hjá
Eymundsson. „Við reynum svo að
fara í golf þess á milli, þannig að
það er aldrei dauð stund,“ segir
Guðrún.
Böðvar flutti upphaflega norður
árið 1995 til þess að spila körfubolta
með Þórsurum. Hann hefur svo
alla tíð síðan verið viðloðinn körfu-
boltann og m.a. þjálfað um árabil.
Nú hefur hann lagt körfuboltann
til hliðar enda hefur gistibransinn
farið vel af stað hjá þeim hjónum.
„Við höfum fengið hlýlegar mót-
tökur og fólki finnst vera góður
andi í húsinu. Þetta hefur verið
ákaflega skemmtilegt,“ segir Kefl-
víkingurinn. „Það er búið að vera
miklu meira að gera en við gerðum
ráð fyrir. Sumarið lítur rosalega vel
út og þetta er búið að vera virkilega
skemmtilegt. Hér hafa verið margir
Íslendingar frá því við opnuðum í
febrúar. Það er alltaf eitthvað um
að vera á Akureyri,“ segir Guðrún.
Hún segir Suðurnesjamenn hafa
rekið inn nefið hjá þeim en hún vill
sjá fleiri slíka. „Þetta er auðvitað
eðalfólk, það er bara þannig,“ bætir
hún við.
Smáatriðin eru oft stærstu
atriðin
Hjónin hafa lagt áherslu á að fylgja
stemmingu hússins (það er byggt
1946). Þau leggja upp með að finna
gamla hluti og nota þá til að gera
gistiheimilið hlýlegt og heimilis-
legt. Þetta mjatlast því inn því hver
hlutur sem kemur inn er úthugs-
aður.
Guðrún eyddi t.d. nóvember til
janúar í að gera upp gamla stóla
og borð. Bæði er það ódýr leið
til að mubla upp eitt stykki gisti-
heimili nú og svo er það hlýlegt og
umfram allt umhverfisvænt. Fata-
hengin koma svo úr Kjarnaskógi og
hinni íslensku fjöru. Böðvar sá um
að smíða bekki í setustofu sem og
rúmgafla og náttborð.
-viðtal pósturu vf@vf.is
-fréttir pósturu vf@vf.is
Um sannkallað fjölskyldufyrirtæki er að ræða
en unglingsstúlkurnar tvær á heimilinu eru
duglegar að hjálpa til við reksturinn.
Böðvar var verkefnastjóri hjá stærsta byggingarverktaka á Akureyri en
honum fannst sem hann væri staðnaður þar. Hann fór því að starfa sjálf-
stætt við verkefnastjórnun. „Síðan er ég beðinn um að stofna byggingar-
fyrirtæki ásamt kunningja mínum. Ég ákveð að láta slag standa. Það er
mjög mikið að gera hérna í byggingarbransanum.“Hvítahúsinu
- Böðvar og Guðrún reka gistihús
á besta stað á Akureyri
■■ Sveitarfélagið Garður:
Einar Jón forseti og
Jónína formaður
Einar Jón Pálsson verður for s e t i b æ j ar stj ór n ar
Sveitarfélagsins Garðs næstu
fjögur árin. Þetta var samþykkt
með fimm atkvæðum D-lista
á fundi bæjarstjórnar Garðs
þann 18. júní sl. Fulltrúar N-
lista sátu hjá. Brynja Kristjáns-
dóttir verður fyrsti varaforseti
bæjarstjórnar og Jónína Hólm
2. varaforseti.
Jónína Magnúsdóttir verður for-
maður bæjarráðs. Skipað var
í bæjarráð til eins árs en auk
Jónínu Magnúsdóttur skipa það
þau Gísli Heiðarsson og Jónína
Hólm. Varamenn í bæjarráði eru
Einar Tryggvason, Brynja Krist-
jánsdóttir og Pálmi Guðmunds-
son en bæjarráð var samþykkt
samhljóða á síðasta fundi bæjar-
stjórnar.
Magnús Stefánsson
ráðinn bæjarstjóri
Bæjarstjórn Sveitarfélags-ins Garðs hefur samþykkt
samhljóða að ráða Magnús
Stefánsson sem bæjarstjóra
Garðs og gildir ráðningin
fyrir kjörtímabilið 2014 til
2018, með þeim fyrirvara að ef
honum verður sagt upp áður en
kjörtímabilinu lýkur fái hann
laun í sex mánuði.
Einari Jóni Pálssyni, forseta
bæjarstjórnar, hefur verið falið
að gera ráðningarsamning við
bæjarstjóra sem verður lagður
fyrir bæjarráð og staðfestur af
bæjarstjórn.
Magnús var ráðinn sem bæjar-
stjóri í Garði á nýliðnu kjör-
tímabili eftir að meirihluti sjálf-
stæðismanna klofnaði og Ás-
mundi Friðrikssyni var sagt upp
starfi bæjarstjóra.
Duglegir nemendur
sem auka lestrarkunnáttu
sína í sumarfríinu
Þessa dagana eru nemendur í 1.- 4. bekk í Stóru-Vogaskóla á nám-skeiði sem hefur það að markmiði að auka lestrarfærni þeirra.
Þrettán nemendum var boðin þátttaka og þáðu allir boðið. Á nám-
skeiðinu eru notaðar tvær stofur, (hreyfistofa og vinnustofa), útisvæði
og bókasafn. Unnið er með nemendum á fjölbreyttan hátt þar sem
skiptast á leikir og lestrarverkefni. Áhersla er lögð á samhæfingu hugar
og handar, hlustun, minni, einbeitingu, málörvun, hreyfileiki o.fl. Öll
verkefni eru þannig sett upp að allir geti tekið þátt og skemmt sér.
Einn reyndur kennari skipuleggur
námskeiðið og hefur sér til að-
stoðar þrjá nemendur úr vinnu-
skólanum.
Hver dagur hefst í hreyfistofunni
þar sem unnið er með málörvun
og hreyfingu. Þá er farið í vinnu-
stofu þar sem unnin eru alls konar
lestrarverkefni. Í frímínútum er
farið í skipulagða leiki þar sem
reynir á einbeitingu, jafnvægi og
samhæfingu. Þá er komið inn í
nesti og kenndur nýr hreyfileikur
áður en farið er í vinnustofu þar
sem unnin eru lestrarverkefni og
endað á félagalestri (PALS, pör að
lesa saman).
Í lok dags er slakað á í hreyfistof-
unni, rifjaður upp lærdómur
dagsins, og allir fara sáttir og glaðir
heim.
Síðan verður boðið upp á fram-
haldsnámskeið í ágúst.
„Það er virkilega gaman að fylgjast
með glöðum og eftirvæntingar-
fullum börnunum, áhugasömum
og flottum unglingunum og kenn-
ara dansa, leika og síðast en ekki
síst lesa,“ segir Svava Bogadóttir
skólastjóri Stóru-Vogaskóla.
■■ Leikum og lesum
í Vogunum: