Víkurfréttir - 12.07.2007, Blaðsíða 9

VÍKURFRÉTTIR I FIMMTUDAGURINN 12. JÚLÍ 2007 9STÆRSTA FRÉTTA- OG AUGLÝSINGABLAÐIÐ Á SUÐURNESJUM
Tímarit Víkurfrétta
kemur út í næstu viku!
Innilaugin og vatnaveröldin í Sundmiðstöðinni verða lokuð um óákveðinn tíma vegna viðgerða. Dúkurinn í nýju 50
metra innilauginni verður lagfærður sem og flísar og dúkur í
vatnaveröldinni. Útilaugin, pottarnir og gufubaðið verða enn
opin. Vonast er til að þessi viðgerð taki sem skemmstan tíma.
Skemmdarverk voru framin á svæði Skógræktarfélagsins nú í vikunni. Um 200 birkiplöntur sem nýbúið var að
gróðursetja voru rifnar upp og skildar eftir í hrúgum eða
teknar burt. Ekki er hægt að nýta plönturnar aftur sem eftir
lágu og auk þess var mikil vinna lögð í að gróðursetja þær.
Það var 9. bekkur úr Njarðvík sem gróðursetti plönturnar og
tók það alla síðustu viku.
Jóhönna Pálsdóttir uppgötvaði ódæðið þegar hún ásamt nýjum
vinnuhóp ætlaði að vökva plönturnar. Að hennar sögn ætla
þau hjá Skógræktarfélaginu að reyna að nýta holurnar aftur
og gróðursetja nýjar plöntur í þær fljótlega, en ljóst er að það
er mikil vinna. Erfitt er að skilja hvað vakir fyrir fólki sem
eyðileggur vinnu annara með þessum hætti.
Skemmdarverk
í skógrækt
Innilaug og Vatnaveröld
loka tímabundið
VF-mynd: maggi@vf.is
Loftmynd: Oddgeir Karlsson