Víkurfréttir - 30.11.2017, Síða 14

14 MANNLÍF Á SUÐURNESJUM f immtudagur 30. nóvember 2017 // 47. tbl. // 38. árg.
SUNNUDAGURINN 3. DESEMBER KL. 11
Ljósamessa í Keflavíkurkirkju. Sr. Fritz Már
þjónar ásamt fermingarbörnum og messu-
þjónum. Arnór og kór Keflavíkurkirkju leiða
okkur í söng. Sunnudagaskólinn verður á sínum
stað og eftir stundina fáum við dásemdarsúpu í
boði sóknarnefndar og fermingarforeldra.
Jón okkar Ísleifsson færir okkur brauð sem
Sigurjónsbakarí gefur að venju.
SUNNUDAGURINN 3. DESEMBER KL. 20
Englakór frá himnahöll. Aðventukvöld með
Eldey, kór eldri borgara á Suðurnesjum.
Njótum saman yndislegrar stundar með söng,
hugleiðingu og góðum félagsskap. Díana Ósk
Óskarsdóttir guðfræðingur flytur okkur hug-
leiðingu, Arnór stýrir tónlistinni og sr. Fritz Már
leiðir stundina.
MIÐVIKUDAGURINN 6. DESEMBER KL. 12
Síðasta kyrrðarstund fyrir áramót í kapellu
vonarinnar í umsjón presta og Arnórs
organista. Við eigum saman gæðastund í
kapellunni og njótum síðan góðra veitinga að
venju eftir stundina.
Verið alltaf öll velkominÁ dagskrá verða vönduð og skemmtileg jólalög og viðeigandi efni í léttum dúr í anda hópsins.
Undirleikarar eru Ingólfur Magnússon á bassa, Þorvaldur Halldórsson á trommur
og Agnar Már Magnússon á píanó.
Einsöngvarar eru Jana María Guðmundsdóttir, Guðmundur Hreinsson,
Guðmundur Hermannsson og Sólmundur Friðriksson.
Miðar eru seldir í Hljómahöll og á vefnum hljomaholl.is
Aðventutónleikar Sönghóps Suðurnesja
verða í Stapa, Hljómahöll 7. desember kl. 20. Stjórnandi Magnús Kjartansson.
Nemendur Grunnskóla
Grindavíkur tóku þátt í
Nordens dage
- Tala dönsku, sænsku og norsku við jafn-
aldra sína á Norðurlöndunum á netinu
Níundi bekkur Grunnskóla Grindavíkur tók þátt, einn af þremur skólum
á landinu, í Norræna verkefninu Nordens dage dagana 22.-24. nóvember.
Verkefnið er styrkt og stjórnað af Nord-plus, Norræna ráðinu og fleiri
aðilum. Verkefnið gengur út á að nemendur frá öllum Norðurlöndunum
hafa samskipti sín á milli, búa til kynningarmyndbönd, vinna verkefni og
tala saman á samskiptaforritinu Hangout á netinu þar sem hver hópur er
með aðgang í gegnum Google +.
Nemendur kynnast jafnöldrum sínum
á hinum Norðurlöndunum og nota
til tjáskiptanna skandinavísku málin
dönsku, sænsku og norsku. Á þremur
dögum eru nemendur einungis í
þessum verkefnum á skólatíma og
á lokadeginum spila þeir samtímis
með hinum skólunum spurninga-
leikinn Kahoot og vakti sú keppni
mikla lukku hjá bekkjunum tveimur.
Þessir sömu nemendur tóku þátt í
sambærilegu verkefni í fyrra og vegna
þess hve vel tókst til var ákveðið að
taka þátt aftur í ár.
Gaman er að geta þess að Marianne
Scöttel, sem nú er gestakennari í
dönsku í skólum Reykjanesbæjar,
fékk áhuga á Íslandi vegna þátttöku og
samstarfs hennar í verkefninu í fyrra.
Dönskukennararnir Arna Guðmunds-
dóttir og Valdís Kristinsdóttir sóttu
undirbúningsnámsskeið í Danmörku í
haust og stýrðu verkefninu í samstarfi
við kennara á hinum Norðurlönd-
unum. Þær voru ánægðar með hversu
ánægðir, glaðir, virkir og áhugasamir
nemendur voru þessa daga.
Meðfylgjandi myndir eru frá því að
nemendur spiluðu spurningaleikinn
Kahoot og hringdu í aðra samnem-
endur á Norðurlöndunum í gegnum
forritið Hangout.
Helgihald og viðburðir í
Njarðvíkurprestakalli
Ytri-Njarðvíkurkirkja.
Messa. Altarisganga 3. desemb-
er kl.11. Sr. Baldur Rafn Sigurðsson
þjónar. Kór kirkjunnar leiðir söng
við undirleik Stefáns organista.
Fyrsta aðventukertið tendrað. Kaffi,
djús og kex að samveru lokinni.
Sunnudagaskóli á sama tíma.
Allir velkomnir að fagna
upphafi nýs kirkjuárs.
Kóræfing 5. desember kl.19.30.
Nýtt söngfólk boðið velkomið.
Vinavoðir 29.11. og 6.12.
kl.10:30-13:30.
Fermingarfræðsla 6. desember
kl.14 og kl. 16.
Njarðvíkurkirkja (Innri-Njarðvík)
Messa og sunnudagaskóli verður
í Ytri-Njarðvíkurkirkju 3. desember
kl. 11.
Æskulýðsstarfssemi KFUM/K í
Innri-Njarðvíkurkirkju 30. nóvem-
ber kl. 19.30.-20.30. .
Foreldramorgun í Safnaðarheimili
Njarðvíkurkirkju þriðjudaginn 5.
desember kl.10.30.
Fermingarfræðsla 6. desember
kl.15.
Minnum á heimasíðu Njarðvíkur-
prestakalls, njardvikurkirkja.is
Dína María Margeirsdóttir býr í Kaliforníu
þar sem hún starfar sem verkefnastjóri.
Hún segir tækifærin á atvinnumarkaðnum
úti mun betri en á Íslandi en saknar þó vina
og fjölskyldu. Henni finnst loftslagið í Kali-
forníu mjög gott og eru ferðalög stór hluti
af hennar vinnu. Við spjölluðum aðeins við
Dínu Maríu og fengum hana til að svara
nokkrum spurningum um lífið í Kaliforníu.
Hvað ert þú að gera úti í Kaliforníu?
Ég vinn fyrir Charles River Develop-
ment sem býður uppá fjárfestinga-
stjórnunarkerfi. Ég er verkefnastjóri
og hjálpa viðskiptavinum að uppfæra
kerfið eða setja það upp í fyrsta sinn.
Í því felst vinna með öllum deildum
viðskiptavinarins sem koma að þessu,
eins og sjóðsstjórum, verðbréfasölum,
fjármálaráðgjöfum, tæknideildum
o.s.frv.
Hvað hefurðu búið lengi í Kaliforníu?
Ég hef búið hérna í sjö ár.
Hvað heillar mest úti?
Tækifærin á atvinnumarkaðnum.
Hér er að finna margs konar störf
hjá mjög mismunandi fyrirtækjum
í stærð og geira. Á þessu svæði er
einnig hægt að sækja margbreytilega
afþreyingu. Ég get farið á skíði í Tahoe
sem er þriggja tíma keyrsla, smakkað
rauðvín í Napa sem er klukkutíma í
burtu, skellt mér til stórborgarinnar
San Francisco á þrjátíu mínútum og
farið á ströndina í Santa Cruz eða
sunnar á níutíu mínútum.
Saknar þú einhvers á Íslandi?
Ég sakna vina og fjölskyldu mest og
kannski þess hversu auðvelt aðgengið
er að fólkinu sem er mér næst. Hérna
þarf að skipuleggja heimsóknir mun
meira en maður gerir á Íslandi. Það
væri líka rosalega gott ef ég gæti
fengið pulsu aðeins oftar.
Hver er helsti munurinn á Íslandi og
Kaliforníu að þínu mati?
Þægilegra loftslag er ekki hægt að
biðja um. Það er hvorki of heitt né kalt.
Getur þú lýst vikunni þinni?
Ég vinn annars vegar að heiman eða
hjá viðskiptavininum. Þegar ég er að
vinna að heiman er ég yfirleitt vöknuð
mjög snemma þar sem að ég er mætt
á fundi klukkan fimm á morgnana
því ég vinn á austurstrandartíma.
Ég byrja á því að búa mér til kaffi og
sest svo fyrir framan tölvuna. Allir
fundirnir fara fram á netinu og ég er
mest megnis í símanum og tölvunni
allan daginn. Ég reyni eins og ég get að
komast í ræktina og svo þegar eigin-
maðurinn kemur heim úr vinnunni
borðum við saman kvöldmat. Ef ég
er að ferðast þá fer ég upp á flugvöll á
mánudagsmorgni. Undanfarið hef ég
verið að fljúga til St. Louis til að sinna
kúnna þar og er ég mætt þangað um
kvöldmatarleytið. Svo flýg ég yfirleitt
heim á fimmtudögum eftir vinnu-
daginn. Um helgar reyni ég að fara í
hjólatúr með vinkonum mínum og svo
finnst okkur hjónunum mjög gaman
að fara í bíó og hitta vini.
Mælir þú með því að fólk búi erlendis?
Já, ég mæli með því. Þetta hefur verið
frábær reynsla og rosalega skemmti-
leg upplifun. Held að það sé gott að
upplifa aðra menningu og stíga aðeins
út fyrir þægindarammann. Að vera í
enskumælandi landi er mjög þægilegt
og einfaldar hlutina verulega. Ég bjó
á Spáni í hálft ár og átti í algjöru basli
með tungumálið en ég myndi ekki
hika við að gera það aftur.
Nýtur lífsins í Kaliforníu
Gott að upplifa
aðra menningu
og stíga út fyrir
þægindarammann
- Dína María segir það
skemmtilega upplifun
að búa erlendis
Valdís og Arna umsjónarkennarar 9. bekkja.
Dína María með systur sinni Stefaníu.