Víkurfréttir - 08.02.2018, Qupperneq 10

10 MANNLÍF Á SUÐURNESJUM f immtudagur 8. febrúar 2018 // 6. tbl. // 39. árg.
Sumarstörf við öryggisvörslu
Tækniþjónusta Icelandair á Keflavíkurflugvelli leitar að þjónustulunduðum, snyrtilegum og reyklausum einstaklingum.
Óskað er eftir starfsfólki í vaktavinnu
Um er að ræða vaktavinnu þar sem unnið er á 12 tíma næturvöktum, 5-5-4 vaktafyrirkomulag.
STARFSSVIÐ:
| Í starfinu felst meðal annars vopna- og öryggisleit eftirlit og önnur verkefni.
HÆFNISKRÖFUR:
| Aldurstakmark 20 ár
| Hafa gott vald á íslenskri og enskri tungu.
| Almenn tölvukunnátta
Umsóknir óskast fylltar út á www.icelandair.is/umsokn eigi síðar en 18. febrúar nk.

Nánari upplýsinar veita:
Sveina Berglind Jónsdóttir | netfang: sveinaj@icelandair.is
Sævar Þorkell Jensson | netfang: saevars@its.is
Miðstöð Símenntunar á Suðurnesjum fagnaði tuttugu ára af-
mæli í húsakynnum MSS í Krossmóa sl. fimmtudag. Einnig var
tíu ára afmæli Samvinnu starfsendurhæfingar fagnað. Fjöldi
fólks mætti í afmælisfagnaðinn en tímamótanna verður einnig
minnst á afmælisárinu með skemmtilegum viðburðum.
Núverandi og fyrrverandi
forstöðumenn MSS héldu
ræður og minntust upp-
hafsára stofnunarinnar en reksturinn
hófst í bakherbergi í húsnæði Fjöl-
brautaskóla Suðurnesja. Kjartan Már
Kjartansson, bæjarstjóri Reykjanes-
bæjar var fyrsti forstöðumaðurinn
og hann sagði í ávarpi sínu að eitt
það helsta sem Ólafur Arnbjörnsson,
skólameistari Fjölbrautaskólans hefði
sagt við sig að nú þyrfti hann að kynna
sér internetið. Allir viti sögu þess
núna. Guðjónína Sæmundsdóttir,
núverandi forstöðumaður sagði að
MSS hafi vaxið mikið og starfsemin
væri orðið mjög fjölbreytt.
Gylfi Arnbjörnsson, forseti ASÍ sagði
að verkefnið Samvinna endurhæfing
hafi gengið mjög vel en hann fór yfir
það í máli sínu. Hugmyndafræði
Samvinnu gengur út á að vinna að
heilstæðri úrlausn með hindranir
þátttakenda á einstaklingsmiðaðan
hátt. Samvinna býður upp á fjölbreytt
úrræði sem aðstoðar þátttakendur
við að bæta heilsu sína og líðan,
halda virkni og rútínu, hitta aðra
einstaklinga sem eru að vinna með
eigin hindranir ásamt því að kynnast
vinnumarkaðinum á svæðinu og fá
tækifæri til að láta reyna á vinnugetu
sína. Tveir einstaklingar sögðu frá
reynslu sinni í afmælisfagnaðinum
og lofuðu mjög hjálpina sem þau
fengu í sínum erfiðleikum. Þau af-
hjúpuðu listaverkið „Veruleikakass-
ann“ sem var unnið af þátttakendum
Samvinnu starfsendurhæfingar. Þá
var annað listaverk afhjúpað en það
var „Skrefin“, gert af listamanninum
Eyþóri Eyjólfssyni eða Ethorio en
verkið var unnið út frá upplifun nem-
enda MSS.
Sönghópurinn Vox Felix söng og
Eyþór Ingi Gunnlaugsson skemmti
gestum og starfsmönnum MSS.
MERK TÍMAMÓT HJÁ
MIÐSTÖÐ SÍMENNTUNAR Á SUÐURNESJUM
Starfsmenn MSS voru í góðum gír á tímamótunum.
Guðjónía Sæmundsdóttir, forstöðumaður MSS með
Skúla Thoroddsen, fyrrverandi forstöðumanni.
Listaverkið „Skrefin“ var afhjúpað.
Listamaðurinn Ethorio er hér fyrir framan verkið.
Kristín María Birgisdóttir,
bæjarfulltrúi í Grindavík og
formaður stjórnar MSS var
veislustjóri.
„Veruleikakassinn“, listaverk sem
var unnið af þáttakendum Samvinnu
starfsendurhæfingar undir leiðsögn
Tobbu listakonu, var afhjúpað á
afmælinu.