Víkurfréttir - 08.02.2018, Síða 12

12 MANNLÍF Á SUÐURNESJUM f immtudagur 8. febrúar 2018 // 6. tbl. // 39. árg.
Þann 22. febrúar 2018 verða 50 ár
liðin frá því að Kvennakór Suður-
nesja var stofnaður og er hann elsti
starfandi kvennakór landsins. Kór-
inn hefur átt sinn þátt í blómlegu
menningarlífi á Suðurnesjum og
hefur stuðlað að þátttöku kvenna
í tónlistarlífi á svæðinu, en mikill
fjöldi söngkvenna hefur sungið með
kórnum þessi 50 ár.
Kórinn ætlar að halda veglega upp á
stórafmælið með afmælistónleikum
í Stapa, Hljómahöll á sjálfan afmælis-
daginn, auk þess sem haldin verður
sýning í tengslum við afmælið í sam-
starfi við Byggðasafn Reykjanesbæjar
í Stofunni í Duus Safnahúsum. Einnig
munu Víkurfréttir gefa út sérblað í
tilefni afmælisins sem gefið verður út
miðvikudaginn 14. febrúar og dreift í
öll hús á Suðurnesjum, þar sem farið
verður yfir sögu og starfsemi kórsins
í máli og myndum.
Á tónleikunum í Stapa verður flutt
tónlist eftir Suðurnesjatónskáld og
textahöfunda, má þar nefna Magnús
Þór Sigmundsson, Of Monsters and
Men, Gunnar Þórðarson, Valdimar,
Rúnar Júlíusson, Hjálma, Þorstein
Eggertsson, Magnús Kjartansson og
fleiri.
Kórinn fær til liðs við sig frábært tón-
listarfólk af Suðurnesjum, en þau
Valdimar Guðmundsson úr hljóm-
sveitinni Valdimar og Fríða Dís úr
Klassart koma fram á tónleikunum
og um hljóðfæraleik sjá Geirþrúður
Fanney Bogadóttir á píanó, Þor-
valdur Halldórsson á trommur, Jón
Árni Benediktsson á bassa, Ásgeir
Aðalsteinsson á gítar og Valdimar
Guðmundsson á básúnu. Stjórnandi
kórsins er Dagný Þórunn Jónsdóttir.
Sýningin í Duus mun spanna 50
ára sögu kórsins í máli, myndum
og hljóðdæmum. Sýningin verður
opnuð föstudaginn 9. febrúar og mun
kórinn syngja við opnunina kl. 18.
Einnig heldur kórinn tónleika í Bíó-
salnum í Duus við lok sýningarinnar
sunnudaginn 11. mars, en þá helgi er
safnahelgi á Suðurnesjum. Safnið er
opið alla daga frá kl. 12 - 17.
Kórkonur eru stoltar af því að konum
hér á Suðurnesjum hafi tekist að
halda starfseminni svo blómlegri
allan þennan tíma. Þar eiga stofn-
endur kórsins mikinn þátt því vel var
staðið að uppbyggingu fyrstu árin
þrátt fyrir erfiðar aðstæður fyrir kon-
ur á þeim tíma að stunda og reka
félagsstarfssemi. Fjölmargar kon-
ur af Suðurnesjum hafa átt þátt í að
syngja með kórnum og halda honum
gangandi. Þessari starfssemi sem er
hluti af okkar menningarlífi og sögu
kvenna á Suðurnesjum verður gerð
skil á sýningunni. Margir ættu þar að
kannast við ömmu, mömmu, systur
eða vinkonu í sögu kórsins.
Kvennakór Suðurnesja fagnar 50 ára afmæli
Kvennakór Suðurnesja fagnar stórum áfanga á næstunni.
Tvö stöðugildi til Lögregl-
unnar á Suðurnesjum
Sigríður Andersen, dómsmálaráð-
herra tilkynnti á blaðamannafundi í
dómsmálaráðuneytinu að Lögreglan
á Suðurnesjum fengi tvö stöðugildi til
viðbótar til embættisins vegna rann-
sókna kynferðisbrotamála. Með því að
fjölga stöðugildunum ættu lögreglu-
menn að geta lagt enn meiri áherslu á
rannsókn kynferðisbrota, hún segist
jafnframt hafa þær væntingar að þetta
muni skipta sköpum.
Stal viftu úr bókasafni
Karlmaður sem lagði leið sína á Bóka-
safn Reykjanesbæjar um helgina stal
þaðan viftu, lögreglan á Suðurnesjum
hafði skömmu síðar upp á honum á
veitingahúsi í umdæminu. Í fórum
hans fannst viftan og einnig fartölva
sem grunur lék á að hann hefði fengið
með ólögmætum hætti. Skýringar
mannsins á því hvernig hann hefði
eignast þessa muni voru mjög óskýrar
og lögregla komst fljótlega að því að
hvoru tveggja væri stolið. Viftunni og
tölvunni var komið í réttar hendur.
Þá barst lögreglunni tilkynning um
þjófnað á humri úr frystigámi í um-
dæminu, hengilás hafði verið klipptur
sundur til að komast inn í gáminn.
Ekki er ljóst hversu miklu magni var
stolið en lögreglan rannsakar málið.
Suðurnesjaþekking
www.hæfni.is
Þekking skapar hæfni. Hæfni skapar gæði.
Reykjanes sækir á í ferðamennsku.
Ferðaþjónustufyrirtæki og starfsfólk í greininni gera sér
grein fyrir að þekkingin og hæfnin eru hluti af slíkri sókn.
Kynntu þér fjölbreytt framboð á náms- og
fræðslumöguleikum sem kynnt er á vef
Hæfniseturs ferðaþjónustunnar. Leiðrétt
Í síðasta tölublaði Víkurfrétta
sagði Hallur J. Gunnarsson hjá
Minja- og sögufélagi Grindavíkur
að það hefði sprungið hitavatns-
rör í Flaggstangarhúsinu þar
sem að ýmislegt hefði soðnað og
skemmst. Hallur átti við Gesthús
en ekki Flaggstangarhúsið. Þá var
Kvennó byggt árið 1930. Þessum
leiðréttingum er hér með komið
á framfæri.
FRÁ RITSTJÓRN
FRÉTTIR Á SUÐURNESJUM