Víkurfréttir - 08.02.2018, Blaðsíða 14

14 MANNLÍF Á SUÐURNESJUM f immtudagur 8. febrúar 2018 // 6. tbl. // 39. árg.
Benedikt Máni Möller sýnir tréskurðarverk sín á Bókasafni Reykjanesbæjar:
Þrettán ára listamaður
Sýning á tréskurðarverkum hins þrettán ára gamla Benedikts Mána stendur nú yfir í Bókasafni Reykja-
nesbæjar, en Benedikt hefur einungis fengist við tréskurð í eitt ár og hefur náð ótrúlegri færni stuttum
tíma. Benedikt Máni er einhverfur en hann segir það að skera út eitt það skemmtilegasta sem hann geri
og er það hans helsta áhugamál um þessar mundir. Víkurfréttir hittu Benedikt á Bókasafni Reykjanes-
bæjar og spurðu hann aðeins út í sýninguna og tréskurðinn.
Gleymir stund og stað þegar
hann tálgar
Benedikt tálgar meðal annars hnífa,
dýr og andlit. Hann sýnir muni sem
hann hefur tálgað frá byrjun en það
er augljóst að það er listamaður hér
á ferð og er handverk hans afar fal-
legt og vandað. „Pabbi gaf mér fyrsta
hnífinn minn til að tálga með og þá
var ekki aftur snúið. Þetta er það
skemmtilegasta sem ég geri og eftir
skóla fer ég heim þar sem að ég er með
sér aðstöðu og byrja að tálga. Ég á það
meira að segja til að gleyma að borða,
mér finnst þetta svo skemmtilegt.“
Áhuginn kviknaði eftir að
hann horfði á jólamynd
Benedikt fékk áhuga á tálgun eftir
að hann horfði á kvikmynd sem
heitir „Christmas Story“ en í henni
er strákur sem er að tálga, þá langaði
Benedikt í hníf eins og hann var með
í myndinni og þar kviknaði áhuginn.
„Ég er orðinn töluvert betri að tálga
núna heldur en þegar ég byrjaði, ég
er bestur í því að skera út andlit með
skegg og er ágætur að gera hnífa eða
er bara nokkuð góður í því.“ Viðurinn
sem Benedikt notar er náttúruviður
sem hann finnur úti en hann segir að
það sé besti viðurinn til að tálga. „Mér
finnst best að nota við sem er þéttur
í sér, Ösp er frábært að tálga en það
er eins og ég sé að skræla kartöflu
þegar ég tálga hana.“
Ekta verkfæri fyrir ekta
listamann
Verkfærin eru mjög mikilvæg þegar
kemur að tálgun og það skiptir miklu
máli að fara vel með þau og nota þau
rétt. „Ég elska að fara í Handverks-
búðina, það er draumastaðurinn
minn en þar fæ ég allt sem ég þarf að
nota til að tálga. Núna er ég kominn
með verkfærasett fyrir ekta listamann
og ég fer með þau eins og gull, ég gerði
það ekki hér áður en núna fer ég mjög
vel með öll þau verkfæri sem ég á því
þau eiga það til að ryðga.“
Þegar Benedikt er spurður hvers
vegna hann er með sýningu á Bóka-
safni Reykjanesbæjar segir hann frá
því að einn daginn hafi hann verið
að leita að bókum um tálgun og þá
hafi hann verið spurður hvort hann
vildi ekki setja upp sýningu á safninu.
Sýningin stendur yfir í fimm vikur
eða fram í byrjun mars og hægt er að
skoða fígúrur og karla sem Benedikt
hefur tálgað á síðastliðnu ári en það
er óhætt að segja að Benedikt eigi
framtíðina fyrir sér og í honum búi
sannur listamaður.
Rannveig Jónína
Guðmundsdóttir
rannveig@vf.is
VIÐTAL
DAGUR TÓNLISTARSKÓLANNA
Á LAUGARDAGINN
Dagur tónlistarskólanna verður haldinn hátíðlegur laugar-
daginn 10. febrúar n.k.
Af því tilefni verður hátíðardagskrá í Tónlistarskólanum
frá kl. 10.45 til 13.15.

10.45 Kaffihús Strengjadeildar opnar
Rokkhljómsveit spilar
11.00–12.00 Hljóðfærakynningar og prufutímar
fyrir nemendur Forskóla 2
Ör-tónleikar til skiptis á þremur tónleika-
stöðvum í skólanum
12.00–12.50 Tónfræðikeppnin Kontrapunktur í Bergi.
Öllum velkomið að fylgjast með
12.50 „Hljómsveitir kallast á“. Strengja-/Gítarsveit
og yngri Lúðrasveit „tala saman“

Tónver skólans starfrækir netsjónvarp á Facebook-síðu hans
meðan á dagskránni stendur
Kaffihús Strengjadeildar verður opið frá 10.45–13.15
Ágóðinn rennur í ferðasjóð Strengjadeildar
Sjá nánar á vefsíðunni tonlistarskoli.reykjanesbaer.is
og á Facebook
Allir hjartanlega velkomnir
Skólastjóri