Fréttablaðið - 16.04.2018, Síða 6

í markaðsstarfi erlendis
Nánari upplýsingar og skráning á www.islandsstofa.is
Hvert er gildi vottana og upprunamerkja í markaðssetningu
á íslenskum matvælum á erlendum mörkuðum?
Kynnt verður greining á stöðu og tækifærum í notkun vottana
og upprunamerkja og fjallað um reynslu matvælafyrirtækja.
Opinn fundur 18. apríl kl. 10-12.30
á Icelandair hótel Reykjavík Natura
SVEITARSTJÓRNIR Píratar telja sig
hafa náð að fylgja stefnumálum
sínum frá því í síðustu kosningum
með því að stofna rafræna þjón-
ustumiðstöð í borginni, festa emb-
ætti umboðsmanns borgarbúa
varanlega í sessi og endurskoða
mannréttindastefnu borgarinnar.
Píratar kynntu í gær framtíðarsýn
sína á sveitarstjórnarstigi með yfir-
ferð yfir stefnumál sín í Reykjavík
frá árinu 2014. Halldór Auðar Svans-
son, fulltrúi Pírata á sveitarstjórnar-
stigi, tók saman uppgjörsskýrslu
fyrir síðasta kjörtímabil og kynnti í
gær helstu niðurstöður skýrslunnar.
Píratar vildu að óháð stjórnsýslu-
úttekt yrði gerð á því hvort spilling
væri til staðar innan embættis-
mannakerfis Reykjavíkurborgar og
vildu bregðast við ef svo reyndist
vera. Innri endurskoðun borgarinn-
ar vinnur nú að mati á misferlisá-
hættu innan borgarkerfisins.
Sérstök áhersla er lögð á að vakta
áhættusvið í starfsemi og stjórn-
sýslu borgarinnar. Þá vildu Píratar
efla fræðslu um þá valkosti sem
bjóðast í hugbúnaðargeiranum,
en ekki hefur verið unnið nægilega
markvisst að því á kjörtímabilinu
sem er að ljúka.
Píratar telja enn vera margt ógert
í framkvæmd fjárhagsaðstoðar og
annarrar þjónustu, en í skýrslunni
segir að bæði starfsfólk Reykjavíkur
og notendur kvarti undan of flóknu
kerfi á innri vef borgarinnar. „Kall-
að er bæði eftir aukinni rafrænni
þjónustu og góðum mannlegum
samskiptum.“
Píratar vildu einnig efla embætti
umboðsmanns borgarbúa og að
hlutverk þess yrði útvíkkað þannig
að borgarar geti leitað þangað með
beiðnir um úrbætur í málum og
málaflokkum. Í skýrslunni kemur
fram að það hafi gengið eftir. – bsp
Píratar kynntu framtíðarsýn sína
Oddvitar Pírata boðuðu til blaðamannafundar í gær. FRÉTTABLAÐIÐ/SIGTRYGGUR ARI
SÝRLAND Fundum verður fram
haldið í Öryggisráði Sameinuðu
þjóðanna í dag til að ræða tillögu
Bandaríkjamanna, Breta og Frakka
að ályktun um aðgerðir vegna Sýr-
lands og auka með því þrýsting á
Rússa um að láta af stuðningi við
Sýrlandsstjórn.
Samkvæmt tillögunni yrði
Alþjóðlega efnavopnastofnunin
(OPCW) að skila skýrslu innan 30
daga um efnavopnabirgðir Sýr-
landsstjórnar, sjúkraflutningar og
öruggir flutningar hjálpargagna til
Sýrlands yrðu tryggðir og gerð krafa
um að stjórn Bashars Al-Assad gangi
til friðarviðræðna í góðri trú og án
allra skilyrða.
Utanríkisráðherrar ríkja Evrópu-
sambandsins hittast einnig í Brussel
í dag og gert er ráð fyrir að þeir styðji
ályktunardrög ríkjanna þriggja.
Guðlaugur Þór Þórðarson og aðrir
utanríkisráðherrar Norðurlandanna
hittast í Stokkhólmi í dag, en þar er
Guðlaugur Þór staddur til að taka
þátt í jafnréttisþingi.
Þótt flestir þjóðarleiðtogar Vest-
urlanda hafi ýmist lýst stuðningi
eða fullum skilningi á loftárásum
Bandaríkjamanna, Frakka og Breta
í Sýrlandi eru mjög skiptar skoð-
anir um þær víða um heim og hafa
almennir borgarar bæði í Bandaríkj-
unum og víðar mótmælt á götum úti
um helgina.
Þingmenn í árásarríkjunum hafa
einnig gagnrýnt að ekki hafi verið
haft samráð við þjóðþing ríkjanna
um árásirnar. Þá skiptast sérfræð-
ingar í þjóðarétti á skoðunum um
lögmæti árásanna.
Af yfirlýsingum leiðtoga ríkjanna
þriggja að dæma virðast árásirnar
fyrst og fremst hafa haft pólitísk
markmið; það er, að halda uppi trú-
verðugleika ríkjanna, ekki síst gagn-
vart leiðtogum Sýrlands og Rúss-
lands, enda hafi línan verið löngu
dregin í sandinn og Assad farið yfir
þá línu með efnavopnaárásum á
eigin borgara, eins og Macron Frakk-
landsforseti lýsti í yfirlýsingu í kjöl-
far árásanna.
Um einangraða aðgerð var að
ræða en ekki lið í röð aðgerða.
Þannig var ekki um að ræða aðgerð
til að rjúfa samgönguleiðir eða sam-
skiptaleiðir eða aðra innviði. Val á
skotmörkunum þremur virðist
þannig ekki haft þann tilgang sér-
staklega að hindra frekari efna-
vopnaárásir heldur hafi verið valin
skotmörk með tengingu við efna-
vopnaframleiðslu.
Breska stjórnin hefur þó, ein
ríkisstjórnanna þriggja, vísað sér-
staklega til mannúðarsjónarmiða
í yfirlýsingu um lögmæti árásanna
og vísar með því til þeirra viðhorfa
að heimilt sé í undantekningartil-
vikum að beita hervaldi í öðru ríki
af knýjandi mannúðarástæðum.
Þrátt fyrir að stofnsamþykktir
Sameinuðu þjóðanna heimili ein-
göngu hernaðaríhlutanir þvert á
landamæri ef um sjálfsvörn er að
ræða, hafa verið færð rök fyrir því
að beita megi hervaldi af knýjandi
mannúðarástæðum.
Hernaðaríhlutun hefur nokkuð
oft átt sér stað með þessum rökum,
meðal annars í Persaflóastríðinu,
í stríðinu á Balkanskaga, í Síerra
Leóne og Líberíu svo dæmi séu
tekin.
Að mati Marcs Weller, prófessors í
þjóðarétti við Camebridge-háskóla,
myndu hvers kyns hernaðarað-
gerðir innan landamæra annarra
fullvalda ríkja af öðrum ástæðum
alltaf þarfnast fyrirfram samþykkis
Öryggisráðs Sameinuðu þjóðanna
til að geta talist samræmast sam-
þykktum SÞ, þar á meðal aðgerðir
til að knýja önnur ríki til að virða
alþjóðalög. adalheidur@frettabladid.is
Þjóðarleiðtogar heims ræðast
víða við í dag vegna Sýrlands
Öryggisráð Sameinuðu þjóðanna fundar í dag um tillögu að nýrri ályktun um Sýrland. Leiðtogar Evrópu-
sambandsríkja funda sömuleiðis. Utanríkisráðherrar Norðurlandanna hittast í Stokkhólmi. Þótt leiðtogar
Vesturlanda sýni loftárásum skilning eru skiptar skoðanir meðal almennings og fræðimanna.
Öryggisráð Sameinuðu þjóðanna fundaði um helgina og hittist aftur í dag og ræðir drög að ályktun. FRÉTTABLAÐIÐ/EPA
SPÁNN Þúsundir mótmælenda
söfnuðust saman á götum Barce-
lona í gær til að krefjast þess að
ráðamönnum í Katalóníu sé haldið
í fangelsi fyrir þátt sinn í sjálfstæðis-
baráttu héraðsins. Independent
greinir frá því að mótmælendur hafi
klæðst gulu og fyllt breiðstræti mið-
borgarinnar.
Þá héldu mótmælendur á gulum
borðum og kröfðust þess að þing-
mönnum og öðrum ráðamönnum
yrði sleppt úr haldi. Átta þingmenn
katalónsku heimastjórnarinnar
bíða nú örlaga sinna eftir að hæsti-
réttur Spánar fyrirskipaði fangelsun
þeirra. Réttað verður yfir þeim á
næstu misserum, einn þeirra er
Jordi Sancez sem sóttist eftir því að
verða forseti heimastjórnarinnar.
Katalönsk stjórnvöld lýstu yfir
sjálfstæði Katalóníu frá Spáni þann
27. október í fyrra. Síðan þá hefur
ástandið á svæðinu verið nokkuð
eldfimt. – bsp
Þúsundir komu
saman til að
krefjast frelsis
Frá mótmælunum í Barcelona.
NORDICPHOTOS/GETTY
Átta katalónskir þing-
menn hafa verið fangelsaðir
og bíða nú örlaga sinna.
1 6 . A P R Í L 2 0 1 8 M Á N U D A G U R6 F R É T T I R ∙ F R É T T A B L A Ð I Ð
1
6
-0
4
-2
0
1
8

0
5
:2
6
F
B
0
4
8
s
_
P
0
4
3
K
.p
1
.p
d
f
F
B
0
4
8
s
_
P
0
4
2
K
.p
1
.p
d
f
F
B
0
4
8
s
_
P
0
0
6
K
.p
1
.p
d
f
F
B
0
4
8
s
_
P
0
0
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
7
6
-7
2
4
4
1
F
7
6
-7
1
0
8
1
F
7
6
-6
F
C
C
1
F
7
6
-6
E
9
0
2
7
5
X
4
0
0
.0
0
1
5
B

F
B
0
4
8
s
_
1
5
_
4
_
2
0
1
8
C
M
Y
K