Feykir - 19.11.2009, Blaðsíða 2

Feykir
Útgefandi:
Nýprent ehf.
Borgarflöt 1 Sauðárkróki
Póstfang Feykis:
Box 4, 550 Sauðárkrókur
Blaðstjórn:
Árni Gunnarsson,
Áskell Heiðar Ásgeirsson,
Herdís Sæmundardóttir,
Ólafur Sigmarsson og
Páll Dagbjartsson.
Ritstjóri & ábyrgðarmaður:
Guðný Jóhannesdóttir
gudny@feykir.is & 455 7176
feykir@feykir.is
Blaðamenn:
Páll Friðriksson
palli@feykir.is & 861 9842
Óli Arnar Brynjarsson
oli@feykir.is
Lausapenni:
Örn Þórarinsson.
Prófarkalestur:
Karl Jónsson
Áskriftarverð:
275 krónur hvert tbl. með vsk.
Lausasöluverð:
325 krónur með vsk.
Áskrift og dreifing:
Nýprent ehf. Sími 455 7176
Umbrot og prentun:
Nýprent ehf.
Óháð fréttablað á Norðurlandi vestra - alltaf á fimmtudögum
2 Feykir 43/2009
Leiðari
Góður tími framundan
Ég hef eytt síðustu vikum í að undirbúa og skrifa Jólablað
Feykis sem að venju kemur út í vikunni fyrir 1. sunnudag
í aðventu, eða í næstu viku. Jólablaðið er að vanda fullt
af jólalegu efni, viðtölum og uppskriftum. Ég játa fúslega
að það var notaleg tilbreyting frá kreppufréttum og
niðurskurði að skella sér í skrif um jól og jólahald íbúa
á Norðurlandi vestra. Ekki síður varð ég glöð þegar
ég áttaði mig á því að eftir einungis rúma viku gengur
aðventan í garð. Tími ljóss, friðar og tilhlökkunar fyrir
okkur flest, tími trega og ljúfsárra minninga fyrir aðra,
en umfram allt sá árstími sem fjölmiðlar og aðrir leggja
öll leiðindi til hliðar og einbeita sér að jákvæðari hliðum
mannlífsins. Ég er ekki frá því að það sé akkúrat það sem
okkur vantar þessa dagana. Gleði og frið í þjóðarsálina.
Feykir er í styttra lagi þessa vikuna eða einungis átta
síður en í næstu viku sendum við ykkur heim 40 síðna
jólablað.
Já svei mér þá, ég held að ég sé bara formlega komin í
jólaskap.
Guðný Jóhannesdóttir
ritstjóri Feykis
Blönduós
Sýknun á
kröfum
Jónu
Fanneyjar
Blönduósbær hefur í
Héraðsdómi Norðurlands
vestra verið sýknaður í
máli sem Jóna Fanney
Friðriksdóttir, fyrrverandi
bæjarstjóri Blönduós-
bæjar, höfðaði gegn
sveitarfélaginu vegna
meints brots á
jafnréttislögum.
Forsaga málsins er sú að
Jóna Fanney sagði upp
störfum sem bæjarstjóri
árið 2007 og hélt í önnur
störf. Byggði Jóna Fanney
mál sitt upp á því að laun
eftirmanns hennar, Arnars
Þórs Sævarssonar, væru
hærri en laun þau er hún
hafi þegið í bæjarstjóratíð
sinni.
Í dómsorði segir að með
tilliti til biðlaunaréttar
stefnanda hafi launakjör
Jónu Fanneyjar ekki verið
verri en eftirmanns hennar.
Var því málinu vísað frá.
Jónu Fanney er gert að greiða
Blönduósbæ 350 þúsund
króna málskostnað.
Húnaþing vestra
Húnar bjarga kú
úr haughúsi
Björgunarsveitin Húnar
barst beiðni um aðstoð á
bænum Stóra-Ósi í Vestur-
Hún. en þar hafði kýr
sloppið úr fjósinu og fallið
niður í haughús, en verið
var að endurnýja
grindurnar yfir því.
Vel gekk að koma böndum
á beljuna að sögn Húnamanna
og hífa hana aftur upp með
talíum o.þ.h. búnaði og virtist
hún fegin að vera laus úr
hremmingunum. Segja má að
björgunin gengið mjög vel
miðað við aðstæður á staðnum,
þar sem bæði var erfitt að
koma böndum á beljuna og
hífa hana svo upp úr
haughúsinu. En allt gekk vel
með góðri samvinnu bænda
og björgunarsveitar.
Sauðárkrókur
„Hugmyndir ráðherra
eins og köld vatnsgusa”
Jón Eðvald Friðriksson,
framkvæmdastjóri FISK
Seafood hf. á Sauðárkróki
segir þær hugmyndir
sjávarútvegs- og
landbúnaðarráðherra, sem
fram koma í frumvarpi til
laga um breytingu á lögum
um stjórn fiskveiða, eins
og kalda vatnsgusu framan
í starfsfólk fyrirtækisins og
vera með öllu
óskiljanlegar.
Hann gagnrýnir harðlega
hugmyndir í frumvarpinu sem
lúta að skerðingu á geymslurétti
veiðiheimilda á milli ára.
Jón segir í grein, sem birt
var á vefsíðu fyrirtækisins í
morgun og ber yfirskriftina
Hvert eru stjórnvöld að fara?,
að augljós tilgangur þessara
hugmynda sé að koma til móts
við þá aðila sem hafa byggt á
því að leigja til sín veiði-
heimildir og þvinga núverandi
handhafa veiðiheimilda til
þess að leigja þær frá sér, ef
þeim tekst ekki að veiða upp
sínar heimildir sjálfir.
„Þessi áform ganga þvert á
hagsmuni þeirra 230 starfs-
manna FISK sem hafa lifibrauð
sitt af vinnu hjá fyrirtækinu og
starfsfólks fyrirtækja sem
þjónusta FISK. Ekki þjóna
þessi áform heldur þeim
sveitarfélögum sem FISK
starfar í, því fram hefur komið
hjá forsvarsmönnum þeirra að
t.d. útsvarstekjur sjómanna
skila sér 100% hjá fyrirtækjum
eins og FISK, en mun lakar hjá
ýmsum öðrum aðilum svo
sem strandveiðimönnum og
leiguliðum í kvótakerfinu og
það sama á væntanlega við um
hátekjuskattinn til ríkisins."
Ásmundur Einar Daðason
Ætlar að gera Sam-
fylkingunni lífið leitt
Á opnum fundi Vinstri
grænna á Sauðárkróki í
vikunni sagði Ásmundur
Einar Daðason þingmaður
og nýbakaður formaður
Heimssýnar, að hann ætli
sér að gera Samfylkingunni
lífið leitt.
Þetta sagði Ásmundur þegar
hann útskýrði hvernig hann
ætlaði að taka á ESB málum
ríkisstjórnarinnar þar sem
hann væri orðinn formaður
Heimssýnar. –Við erum komin
á þessa braut, að sækja um
aðild að ESB en við megum
ekki hengja haus, sagði
Ásmundur og sagði að stoppa
þurfi umsóknarferlið á næsta
þrepi enda telur hann að ekki
sé meirihluti á Alþingi til að
halda áfram með málið.
–Við slátrum ESB kosning-
unni, sagði Ásmundur og lofaði
fundarmönnum því að hann
muni ekki tipla í kringum
Samfylkinguna í ESB málinu
heldur þvert á móti að gera
Samfylkingunni lífið leitt.
Sauðárkrókur
Maddömur óska eftir
hita og rafmagni
Maddömur á Sauðárkróki
hafa óskað eftir að
Maddömukot, húsnæði sem
sveitarfélagið útvegaði
félaginu, verði tengt
rafmagni og hitaveitu.
Byggðarráð fól sveitarstjóra
að ræða við Maddömurnar
um erindið og árétta að
húsnæðið hafi verið afhent
félagsskapnum til afnota
endurgjaldslaust og án
skuldbindinga fyrir sveitar-
félagið. Maddömur hafa nú
þegar sett nýtt þak á húsið og
hyggjast þær halda þar
jólamarkaði nú í lok nóvember
og í upphafi aðventu.
Félagsskapurinn er byggður
upp af konum sem starfa í
Árskóla og hefur notið velvildar
fyrirtækja í bænum. Þær kynda
húsið í dag með gasi og þurfa
að reiða sig á Byggðasafn
Skagafjarðar með aðgang að
rafmagni.
Húnaþing vestra
Hvað á
stöðin að
heita?
Umhverfisstjóri
Húnaþings vestra hefur
kallað eftir nafnatillögum
á nýja sorpmóttöku- og
flokkunarstöð
sveitarfélagsins.
Stöðin er staðsett á
Höfðabraut 34a á Hvamms-
tanga. Þar mun verða
móttaka fyrir hverskyns
úrgang frá almenningi og
fyrirtækjum og verða þar
staðsettir gámar fyrir
flokkaðan gjaldfrían
úrgang.
Þeim sem hafa góðar
tillögur að nafni er bent á
að senda tillögur sínar á
u m h v e r f i s s t j o r i @
hunathing.is eða koma
þeim í umslagi í ráðhúsið
að Hvammstangabraut 5,
Hvammstanga.
Kýrin í haughúsinu. Mynd:Bjsv. Húnar/SB