Feykir - 19.11.2009, Blaðsíða 5
43/2009 Feykir 5
( MITT LIÐ )
Nafn: Auður Hafþórsdóttir og Óli
Laursen.
Heimili: Melabraut 25
Blönduósi.
Starf: Heimavinnandi.
Hvert er uppáhaldsliðið þitt í
enska boltanum og af hverju?
LIVERPOOL. Það bara kom ein-
hvernveginn ekkert annað lið til
greina.
Hefur þú einhvern tímann lent í
deilum vegna aðdáunar þinnar
á umræddu liði? Já oft það
hefur reynst mörgum aðdáendum
annarra liða erfitt að sætta sig
við hvað liðinu hefur gengið vel
gegnum tíðina.
Hver er uppáhaldsleikmaðurinn
fyrr og síðar? Það er marka-
maskínan Robbie Fowler.
Hefur þú farið á leik með liðinu
þínu? Nei við eigum eftir að láta
þann draum rætast og það verður
örugglega gert í náinni framtíð
kannski í næsta góðæri...........
Áttu einhvern hlut sem tengist
liðinu? Já, já, við eigum treyjur,
trefla og ýmislegt smádót.
Hvernig gengur að ala aðra
fjölskyldumeðlimi upp í stuðn-
ingi við liðið? Það gengur
mjög vel allir á heimilinu harðir
POOLARAR, börnin
fengu þetta með
móðurmjólkinni.
Hefur þú einhvern
tímann skipt um
uppáhalds félag?
Nei það kæmi aldrei
til greina þetta eru
trúarbrögð.
Uppáhalds málsháttur? Aldrei er
góðum liðsmanni ofaukið.
Einhver góð saga úr boltanum?
Istanbúl 2005 LIVERPOOL - AC
Milan, sennilega besti knatt-
spyrnuleikur allra tíma.
Spurning til þín frá Hans
Vilberg – Hvað finnst þér að hjá
Liverpool í dag og hvað viltu að
verði gert í leikmannamálum?
Svar... Það sem er að hjá
LIVERPOOL er það að þeir spila
ekki við Man´u í hverri viku,
því þá værum við með fullt hús
stiga og öryggir með titilinn :).
En annars er það klárlega Rafael
Benitez sem er höfuðverkurinn,
hann virðist ekki ná því besta út
úr liðinu. Það væri gaman að sjá
einhvern annan í starfinu sem
þekkir betur til enska boltans.
Varðandi leikmannamálin þá
hafa margir leikmenn sem Benitez
hefur fengið til liðsins ekki staðið
undir væntingum, hafa verið
mikið í meiðslum og ekki náð að
aðlagast enska boltanum, þannig
að það þarf að taka svolítið til
þar.
Hvern viltu sjá svara þessum
spurningum?
Guðmund Karl Ellertsson.
Hvaða spurningu
viltu lauma að
viðkomandi? Hvað
eru mörg ár síðan
Bolton vann síðast titil
og sérðu það gerast í
náinni framtíð?
Rafael Benitez
er höfuðverkurinn
Gísli Svan Einarsson
framkvæmdastjóri Versins
Vísindagarða, hóf leikinn
á að bjóða fólki að setjast
og meðan gestir voru að
koma sér fyrir greindi hann
frá ástæðum þess að efnt
var til kynningarþingsins
undir yfirskriftinni „Hvað
er að gerast í Verinu?“. Að
svo búnu tók Áskell Heiðar
Ásgeirsson sviðsstjóri hjá
Sveitarfélaginu Skagafirði við
fundarstjórn og Guðmundur
Guðlaugsson sveitarstjóri
setti kynningarþingið.
Þá kynnti Gísli Svan starf-
semi Versins Vísindagarða og
sýndi myndir af fyrirhugaðri
nýbyggingu sem áformað er að
verði byggð við Verið á næsta
ári.
Helgi Thorarensen deild-
arstjóri fiskeldis- og fiskalíf-
fræðideildar Háskólans á
Hólum greindi meðal annars frá
þeim árangri sem náðst hefur í
kynbótarstarfi með bleikju.
Gunnlaugur Sighvatsson
greindi frá þeim breytingum
á eignarhaldi Iceprotein sem
gengu í gegn fyrr á þessu ári,
þá ítrekaði hann ennfremur
áherslur Iceprotein er snúa að
betri nýtni auðlinda og stuðla
með því að sjálfbærni. Áhersla
Iceprotein verður á greiningu
markaðstækifæra og vöruþróun
sem nýtist sem farvegur til
nýtinga rannsóknaniðurstaðna.
Enn sem fyrr er litið á þau
tækifæri sem felast á markaði
með fæðubótarefni og lyf.
Þá greindi Arnljótur Bjarki
Bergsson frá starfsemi Líftækni-
smiðju Matís sem hefur verið
starfrækt í Verinu í tæpt ár, með
staðarvali fyrir líftæknismiðjuna
var litið til hinnar öflugu
matvælaframleiðslu sem stund-
uð er í Skagafirði og nágrenni,
þá þakkaði Arnljótur fyrir
nýveittan styrk Vaxtarsamnings
Norðurlands vestra sem Hólm-
fríður Sveinsdóttir, sérfræðingur
hjá Matís, landaði samdægurs í
Verinu, og sagðist vonast til að
sá styrkur gæti aukið samstarfið
milli Verbúa enn frekar.
Matthildur Ingólfsdóttir
kynnti sjálfseignarstofnunina
Umhverfið þitt, sem bættist
í hóp Verbúa um síðustu
mánaðarmót, jafnframt greindi
Matthildur frá tveimur verk-
efnum sem Umhverfið þitt
vinnur nú að; verkefni við
þróun undirburðar fyrir hross
og lífdísilverkefni.
Stefán Óli Steingrímsson
greindi frá rannsókn á óðals-
Það var margt um manninn í Verinu á Sauðárkróki
föstudaginn 13. nóvember s.l. þar sem starfsemin
í Verinu var kynnt fyrir gestum og gangandi
Góður dagur í Verinu
atferli laxfiska, og sýndi fram
á mun milli urriða og bleikju í
Skagfirskum og Húnvetnskum
ám, lækjum og vötnum. Ólafur
Sigurgeirsson gat þess í sínu
erindi að ekki er nauðsyn á að
allt það prótein sem bleikja
er alin á sé unnið úr fiskum,
því jurtaprótein megi nýta til
fóðrunar á bleikju.
Jón Þór Jósepsson fór yfir
umhverfislegar og fjárhags-
legar forsendur þess að breyta
ostamysu í arðbæra fram-
leiðsluvöru.
Björn Margeirsson sagði að
réttara væri að tala um frost-
geymslur en frysti geymslur
þar sem ætlunin ætti að vera
að viðhalda frosti fremur en
að frysta vöru og sýndi hvaða
afleiðingar það hefur að setja
misheita vöru í frost, þar sem
hann fór yfir nokkrar af þeim
niðurstöðum sem hann hefur
fengið úr vinnu samhliða
doktorsnámi sínu.
Hörður Kristinsson fór yfir
tækifæri í lífefnavinnslu og sýndi
fram á verðmun þeirra afurða
sem nú eru framleiddar hér á
landi og fluttar út og afurða sem
eru unnar úr sama hráefni en
seldar við hærra verði á vaxandi
mörkuðum með fæðubótarefni.
Þá greindi hann frá stöðu
nokkurra rannsóknarverkefna
sem unnin hafa verið á vegum
Líftæknismiðju Matís.
Loks opnaði Þorsteinn
Ingi Sigfússon starfsstöð
Nýsköpunarmiðstöðvar Ís-
lands í Verinu og sýndi hann
viðstöddum við hverskonar
starfsemi Skagfirðingar mættu
búast af hálfu Nýsköpunar-
miðstöðvar með myndum úr
sýndarsmiðju fyrirtækisins
í Vestmannaeyjum, en Ný-
sköpunarmiðstöð áætlar að
opna aðra sýndarsmiðju á
Sauðárkróki seinna í vetur.
Berglind Hallgrímsdóttir
framkvæmdastjóri, kynnti
starfsmenn Nýsköpunarmið-
stöðvar Íslands í Verinu, þá
Val Árnason og Þorstein
Broddason, til leiks.
Tónlistarskóli Skagafjarðar
stóð fyrir hljómsveita-
tónleikum í Miðgarði
mánudaginn 2. nóvember
s.l. þar sem fram komu
hátt í 100 nemendur
úr tónlistarskólanum í
Varmahlíð.
M.a. komu fram strengja-
sveitir af ýmsum stærðum,
rokkhljómsveitin Ísbirnirnir,
samspil ásláttarhljóðfæra og
harmonikkuleikara af ýmsum
gerðum og loks samspil 100
nemenda, sem hljómaði einkar
glæsilega. Einnig sáu nemendur
um kynningar á lögum með
skemmtilegum hætti. Þessa sömu
viku voru einnig haldnir tónfundir
á Hofósi, Grunnskólanum að
Hólum og Tónlistarskólanum á
Sauðárkróki.
Þá hefur skólinn staðið fyrir
söngnámskeiðum í vetur. Helga
Rós Indriðadóttir söngkona
hefur verið og verður með föst
helgarnámskeið í vetur en næsta
námskeið verður haldið 27.-
30. nóvember. Námskeiðið er
einkum ætlað þeim sem vilja bæta
söngtækni sína og þá sérstaklega
með söngfólk í kórum í huga.
Tónlistarskóli Skagafjarðar tíu ára
Margt að gerast
Fjöldi manns mætti á kynningarþing í Verinu síðastliðinn föstudag.
Frá hljómsveitatónleikum í Miðgarði þar sem fram komu hátt í 100 nemendur úr tónlistarskólanum í Varmahlíð.