Feykir - 19.11.2009, Blaðsíða 6

6 Feykir 43/2009
Axel Kára
Axel Kárason er einn af okkur
mönnum í meistaraflokki Tindastóls
í Körfubolta. Axel er sonur Kára
umsjónarkennara hjá 8. bekk og
Skagfirðingur í húð og hár.
Fjölmiðlaval Árskóla tók Axel í netta
yfirheyrslu.
Hver er maðurinn? -Ég er sonur Kára
Maríssonar og Katrínar heitinnar
Axelsdóttur. Fæddur hér á Króknum árið
1983 og uppalinn um nánast allan fjörð,
fyrst að Sólheimum í Blönduhlíð, síðar í
Varmahlíð og loks hér á Sauðárkróki.
Við hvað starfar þú? -Ég er starfsmaður
hjá Höfuð-verk ehf. og námsmaður hjá
dýrlæknaskólanum í Búdapest.
Af hverju ákvaðst þú að verða dýra-
læknir? -Ég er alinn upp á sveitabæ og
hef alltaf langað til að verða bóndi. Þegar
við fluttum þá langaði mig alltaf að vinna
í kringum landbúnað og dýralæknirinn
heillaði mig mest.
Hvað kom til að þú ákvaðst að vera hér
í vetur? -Í fyrra var ég að læra út í
Búdapest og reyndi að taka tvö fyrstu
árin í einu og náði því að stærstu leyti
nema á eftir að taka lokapróf 2. árs.
Þannig að í vetur er bara að taka þessi
próf þannig það skiptir engu máli hvar í
heiminum ég er.
Fjölmiðalval Árskóla
Hvernig finnst þér nýi þjálfarinn? -Ég
er mjög ánægður með hann. Ég þekki
hann nú frá fornu fari en aldrei spilað
undir hans stjórn, en hann fer vel af stað.
Hann hefur þann kost að tapa aldrei
gleðinni.
Heldur þú að Daanish eigi eftir að
hjálpa í leik Tindastóls? -Já, það er ekki
spurning hann hefur margt sem við
höfum ekki. Hann getur hoppað, er
sterkur, en það er alltaf erfitt að segja til
um þegar svona stutt er liðið síðan hann
kom.
Nú var Tindastóll að keppa leik við
Breiðablik, hvernig fannst þér leikurinn
ganga? -Vörnin var mjög góð sérstaklega
þegar við byrjuðum að taka sóknar-
fráköstin. Við náðum að stoppa þá í þeim
enda sást það á stigaskorinu. Miðað við
vörnina og hvernig Breiðablik spilaði þá
hefði maður viljað sjá fleiri stig á
töflunni.
Þú ert að þjálfa unglingaflokk drengja
hvernig finnst þér þeim ganga í
upphafið tímabils? -Kannski byrjuðum
við ekki nógu vel, held kannski að
ástæðan að lið úti á landi eiga erfiðara
með að taka æfingaleiki og það sást á
fyrstu leikjunum að liðin fyrir sunnan
voru ekki að spila sína fyrstu leiki en
meðan strákarnir taka framförum í
hverjum leik, þá er ég ánægður.
Nú spilar þú alltaf í fótboltasokkum, af
hverju? -Reyndar eru þetta ekki
fótboltasokkar heldur háir körfubolta-
sokkar. Haustið 2002 þá gaf systir mín
mér svona eitt par af háum sokkum og
ég prófaði að spila í þeim og hef haldið
því sem hjátrú.
Hefur þú einhverja aðra hjátrú eða
hvernig undir býrðu þig undir leik?
-Með hjátrú þá reynir maður að gera
það sama og maður gerði fyrir síðasta
sigurleik en varðandi undirbúning þá
passa ég mig alltaf að borða nóg fyrir
hvern leik.
Ertu á lausu? -Já, það verður að
viðurkennast. Ég bý hjá pabba, konunni
hans og tveimur hundum. Þið vitið það
kannski báðir að betra er autt rúm en illa
skipað.
Að hverju ertu þá að leita? - Ég veit það
þegar ég finn það.
Arnar Geir, Dagur Bjarki og Helga
Fjölmiðlavali Árskóla
Leikföng
fullorðna fólksins
Yfir 1200 manns mættu í reiðhöllina
á Sauðárkróki s.l. laugardag til að
líta augum útilífssýninguna Kraft
2009, en þar sýndu nokkur félaga-
samtök í Skagafirði tæki sín og tól.
Að sögn Eyþórs Jónassonar fram-
kvæmdastjóra reiðhallarinnar gekk
sýningin vonum framar og var það
ákveðið af þeim félagasamtökum sem
að þessari sýningu stóðu, að endurtaka
leikinn síðar.
Sýningargestir komu víða að og
sagði Eyþór að margir þeirra hefðu lýst
ánægju sinni með sýninguna, ekki hvað
síst hve fjölbreytt hún væri.
Kraftur 2009
Skotfélagið Ósmann stóð fyrir glæsilegri byssusýningu.
Axel Kárason til vinstri í búningi númer 4.
Bílar af öllum stærðum og gerðum voru til sýnis á Krafti 2009.
Leikföng fullorðna fólksins glöddu augu sýningargesta. Gamlir og nýir sleðar voru dregnir fram.