Feykir - 10.07.2014, Blaðsíða 4
4 Feykir 26/2014
AÐSENT
Námsferð starfsfólks leikskólans Ársala
til Glasgow 27.–30. maí 2014
Eftir drjúgan bíltúr, stuttan
svefn og fyrirtaks flug með
Icelandair, stigu 40
glaðbeittar og námsfúsar
starfskonur leikskólans
Ársala á Sauðárkróki á skoska
grundu í þeim tilgangi að
kynna sér leikskólamenningu
í Glasgow. Skotland heilsaði
hópnum með sumaryl og
fjörugu mannlífi iðandi í
takti skoskrar þjóðlaga-
tónlistar þar sem pilsklæddir,
síðhærðir, alskeggjaðir
skoskir hálandahöfðingjar
börðu bumbur og þöndu
sekkjarpípur.
Við vörðum tveimur dögum til
leikskólaheimsókna þar sem
heimsóttir voru átta mjög ólíkir
leikskólar. Okkur var skipt
niður í fimm manna heim-
sóknarhópa þannig að hver og
ein okkar heimsótti tvo leik-
skóla. Það er öllum hollt að líta í
kringum sig annað slagið og sjá
hvað aðrir eru að gera, hvernig
þeir taka á málum og vinna úr
hlutum. En það er líka gott að
spegla sig við aðra og geta glaðst
yfir því hvað við búum við
góðar aðstæður hér heima.
Eins og áður sagði voru
leikskólarnir mjög ólíkir bæði
hvað varðar ytri umgjörð og
staðsetningu. Allir leikskólarnir
virtust þó leggja áherslu á
svipaða hluti s.s. mikið flæði í
starfinu með börnunum. En
það þýðir að börnin hafa frjálst
val um viðfangsefni og fá að
ganga úr einu í annað eins og
þau vilja án þess að kennararnir
hafi áhrif á val þeirra. Þetta er
ANNA JÓNA GUÐMUNDSDÓTTIR LEIKSKÓLASTJÓRI
alveg í takt við „könnunar-
aðferðina“ þar sem allt starf
byggir á áhuga barnsins og í
anda hins kunna uppeldisfröm-
uðar John Dewey sem lagði
áherslu á „learning by doing“.
Það var greinilegur munur á
hverfum skólanna. Sumir
þeirra minntu okkur á að-
stæður okkar hér heima, nýir
og fínir meðan aðrir voru öllu
fátæklegri. Einn er okkur
sérlega minnisstæður vegna
þess jákvæða anda sem þar ríkti
þrátt fyrir stanslaus skemmdar-
verk á lóð skólans og lélegs
húsnæðis. Kvöldið áður en við
komum í heimsókn hafði mat-
jurtagarðurinn verið eyðilagð-
ur, allt slitið upp með rótum og
úti-bú-krókurinn þeirra eyði-
lagður. Lóðin þeirra er mal-
bikuð að stærstum hluta og
mjög tómleg því það sem þar
var er búið að eyðileggja,
útiskúr brenndur niður og tré
brotin. Húsnæði leikskólans
var þannig að plexigler var í
gluggum svo ekki sást greini-
lega út um gluggana og teppi
voru á öllum gólfum og mottur
þar yfir til að einangra betur
fyrir kulda á veturna. Þrátt fyrir
þessa niðurdrepandi hluti var
starfsfólkið afar elskulegt og
jákvætt og upptekið af því að
vinna gott starf með börnunum.
Að búa börnunum góð upp-
eldisleg skilyrði sem þau fá ekki
að njóta heima fyrir.
Í öðrum leikskóla talaði
60% barnanna ekki ensku og
þar er áherslan á hlýlegt viðmót
og líkamlega tjáningu; að orðin
skipta ekki öllu máli heldur
hvernig líkamstjáning manns
er. Okkur voru sýndar leið-
beiningar fyrir foreldra á sex
tungumálum um hvernig
maður á að lesa fyrir börn.
Skotar eru uppteknir af læsi og í
öllum leikskólunum sem við
heimsóttum var greinileg
áhersla á ýmiss konar vinnu
með tilliti til þess og bókstafir
og tölustafir áberandi alls
staðar. Glasgow-borg greiðir 15
klukkustunda leikskóladvöl á
viku fyrir börn þriggja ára og
eldri og leikskólapláss eru af
Aflafréttir vikuna 29. júní - 5. júlí
Hátt í 600 tonn að landi
Í viku 27 var landað rúmum 28 tonnum á
Skagaströnd. Þá var landað um 6,5 tonnum á
Hofsósi, tæpum 530 tonnum á Sauðárkróki og
tæpum 15 tonnum á Hvammstanga. /KSE
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Dúan SI-130 Handfæri 293
Hafbjörg SK-58 Handfæri 360
Skáley SK-32 Handfæri 1.957
Þorgrímur SK-27 Lína 2.001
Alls á Hofsósi 6.469
Farsæll SH-30 25.691
Hafey SK-10 Handfæri 362
Klakkur SK-5 Botnvarpa 136.749
Kristín SK-77 Handfæri 905
Málmey Botnvarpa 347.900
Már SK-90 Grásleppunet 2.970
Nona SK-141 Handfæri 646
Ríkey SK-111 Handfæri 635
Röst SK-17 11.234
Vinur SK-22 Handfæri 1.241
Ösp SK-135 Handfæri 362
Alls á Sauðárkróki 528.459
Harpa HU-4 Dragnót 14.927
Alls á Hvammstanga 14.927
Alda HU-112 Landb.lína 9.283
Arnar 2 SH-557 Handfæri 1.818
Árni á Eyri ÞH-205 Rækju 195
Ásdís HU-24 Handfæri 895
Bjarmi HU-33 Handfæri 134
Bogga í Vík Handfæri 1.288
Dagrún HU-121 Grásleppunet 1.560
Elín ÞH-82 Handfæri 311
Garpur HU-58 Handfæri 68
Geiri HU-69 Handfæri 220
Guðrún Ragna BA-162 Handfæri 1.556
Húni HU-62 2.410
Lilja SH-16 Handfæri 2.545
María HU-46 Handfæri 87
Nonni HU-9 Handfæri 1.558
Smári HU-7 Handfæri 793
Stella GK-23 Lína 2.213
Sveinbjörg HU-49 Handfæri 388
Sæunn HU Handfæri 1.362
Alls á Skagaströnd: 28.489
Aggi SI-8 Handfæri 277
Ásmundur SK-123 Landb.lína 1.581
skornum skammti á vegum
borgarinnar þannig að börnin
fá ekki lengri vistun en 3 klst. á
dag. Einnig er fullt af einka-
reknum leikskólum sem eru
mjög dýrir og ekki á færi nema
vellaunaðra foreldra að standa
straum af þeim kostnaði. Þeir
leikskólakennarar sem við
töluðum við sögðu okkur að
talsvert flökt væri á kennurum
á milli leikskólanna og meira
virtist vera um leikskólaliða en
leikskólakennara. Opnunartími
leikskólanna virtist vera á bilinu
8-18, þó misjafnt eftir leik-
skólum og þeir fylgja gjarnan
skólafríum grunnskólanna en
það er þó ekki algilt.
Föstudaginn 30. maí fórum
við allar á „storytelling“
námskeið. Vegna stærðar
hópsins var okkur skipt í tvo
hópa, annar hópurinn var fyrir
hádegi og hinn hópurinn var
eftir hádegi. Það voru tveir
kennarar frá „The scottish-
storytelling centre“ sem kenndu
okkur, þær Allison og Frances
sem voru alveg hreint frábærar.
Þær kenndu okkur m.a. fjarska-
lega skemmtilega putta-sögu
um vinkonurnar Bínu og
Boggu. Þetta gengur út á að
segja börnum sögur á lifandi
hátt með látbragði í stað þess að
lesa upp úr bók. Ekki svo að
skilja að við eigum ekki að lesa
fyrir börn upp úr bókum, því
það eigum við svo sannarlega
að gera, heldur er þetta viðbót
við bókalesturinn. Frásagnarlist
er eitthvað sem hægt er að
þjálfa sig í og maður nær svo vel
til barnanna með leikrænum
tilburðum. Það er óhætt að
segja að það voru 40 alsælar
konur innblásnar af nýjum
hugmyndum undir skoskum
áhrifum sem komu heim úr
eftirminnilegri og afar vel
heppnaðri námsferð til
Glasgow.
Fyrir hönd ferðafélaganna
úr Ársölum,
Anna Jóna Guðmundsdóttir,
leikskólastjóri
Glaðbeittar starfskonur leikskólans Ársala í námsferð.
Frá einum leikskólanum sem heimsóttur var í Glasgow.
Opnar dyrnar fyrir
gestum og gangandi
Skagfirski kammerkórinn
Skagfirski kammerkórinn hefur verið að halda æfingar þar sem
gestum og gangandi gefst tækifæri á að líta inn og sjá hvernig
hefðbundin æfing gengur fyrir sig. Haldin verður ein æfing til
viðbótar í dag fimmtudaginn 10. ágúst, í Glaumbæjarkirkju frá
kl. 16 -18.
Samkvæmt vef kammer-kórsins hefur þessi tilraun mælst vel fyrir
og nokkuð margir litið inn en markmiðið er að „kynna okkar söng-
elska hérað fyrir ferðamönnum“ segir á síðu Kammerkórsins. /BÞ