Feykir - 22.01.2015, Blaðsíða 4
4 3/2015
Stéttarfélagið Samstaða sinnir
margvíslegri þjónustu fyrir sína
félagsmenn, annarri en því að
semja um kaup þeirra og kjör.
Félagið er með sjúkrassjóð og
orlofssjóð sem á og rekur íbúðir
og sumarhús. Það er aðili að
fræðslusjóðum sem voru stofn-
aðir um síðustu aldamót, og
félagsmenn hafa nýtt sér í
miklum mæli til að afla sér
menntunar og bæta sín kjör. Þá
VIÐTAL
Karl Eskil Pálsson
veitum við upplýsingar um
lífeyrismál, málefni atvinnu-
lausra og um fæðingarorlof, svo
dæmi séu tekin. Það hafa sífellt
bæst ný verkefni við starfsemi
stéttarfélaganna, þannig erum
við í samvinnu við VIRK
starfsendurhæfingu og Samtök
atvinnulífsins við að innleiða
vinnustaðaskírteini og höfum
eftirlit með þeim í samstarfi við
aðra aðila. Af þessari upptaln-
ingu má sjá að verkefnin geta
verið af ýmsum toga.
Stéttarfélagið Samstaða er ekki
stórt félag, þannig að starfsfólkið
þarf að vera nokkuð vel upplýst
á mörgum sviðum og ég tel að
okkur hafi tekist ágætlega að
sinna okkar hlutverki. Við
höfum líka góða bakjarla, sem
hægt er að leita til, ef okkur
rekur í vörðurnar,“ segir
Ásgerður. Félagsmenn eru
liðlega áttahundruð.
Sameiningin
skynsamleg
Valdimar Guðmannsson for-
maður Samstöðu ákvað að
draga sig í hlé árið 2001 og þrjú
framboð um formennsku bár-
ust. Ásgerður var ein þeirra og
hlaut hún flest atkvæði og tók
því við formennskunni í kjölfar
kosninganna. „Ég hafði starfað
töluvert að félagsmálum og eftir
nokkra umhugsun ákvað ég að
gefa kost á mér. Starfsemi
félagsins hefur tekið miklum
breytingum, eftir að nokkur
sambærileg félög á svæðinu
voru sameinuð. Ég tel að sam-
einingin hafi verið skynsamleg,
enda hefur stéttarfélögum
landsins fækkað umtalsvert á
undanförnum árum.“
Aðalskrifstofan er á Blöndu-
ósi, en einnig er félagið með
skrifstofu á Hvammstanga.
Ásgerður segir að margir leiti til
félagsins. „Já, það er oft mikið að
gera hjá okkur. Við bætist að á
svæðinu eru ekki margar
opinberar stofnanir sem fólk
getur haft samskipti við með
beinum hætti og leitar þess
vegna til okkar um upplýsingar
eða aðstoð. Sum mál eru lítið
eða ekkert tengd launamálum.
Ég hef átt ansi mörg trúnaðar-
samtöl við fólk, sem hefur snúið
sér til okkar. Þá er alltaf töluverð
vinna í kringum starfsemi sjóða
félagsins. Mörg erindi til okkar
lúta að túlkun kjarasamninga og
aðstoð við launaleiðréttingar eða
innheimtu launa. Ágætur félagi
líkti starfseminni við þjónustu-
miðstöð með sálgæsluívafi, sem
er á vissan hátt rétt. Öll erindin
eiga það hins vegar sameiginlegt
að um fólk er að ræða, sú
staðreynd má aldrei gleymast.“
Þannig að starfið er gefandi,
eins og sagt er? -„Já, sannarlega
og líka skemmtilegt og þrosk-
andi. Hins vegar getur þetta starf
verið erfitt á köflum, rétt eins og
gengur og gerist í lífinu.
Stundum kemur fólk hingað
með kröfur og erindi sem ekki er
hægt að uppfylla og þá geta
kveðjurnar á stundum orðið ansi
kaldar. En sem betur fer, fær
þjónusta skrifstofunnar almennt
góða umsögn og fyrir það erum
við þakklát.“
Vinnutími formannsins er
líklega ekki alltaf frá níu til
fimm? -„Nei, það er nú ekki svo.
Viðverutími á skrifstofunni er
frá kl. 8:00 - 16:00 virka daga en
mikill tími fer þess utan í
fundahöld og mætingar hér og
þar sem tengjast starfinu. Félags-
menn geta líka alltaf hringt í mig
utan hefðbundins skrifstofutíma,
ef þess þarf. Þegar kemur að
samningagerð sem tekur oft
langan tíma, þarf formaðurinn
oft á tíðum að dvelja sólar-
hringum saman utan heimilis.
Starfinu fylgir líka mikill akstur,
enda er félagssvæðið nokkuð
stórt.“
Margir útlendingar
Ásgerður segir að margt erlent
fólk starfi á félagssvæði Sam-
stöðu, sem eðli málsins sam-
kvæmt þekki ekki alltaf vel til
gildandi reglna. „Því miður
hefur borið við að atvinnu-
rekendur hafa nýtt sér það.
Margir hafa að vísu verið hérna í
nokkuð langan tíma og þekkja
kerfið því ágætlega. Nýtt fólk
þarf hins vegar töluverða aðstoð,
enda eru reglurnar mismunandi
eftir löndum. Ég hef smátt og
smátt komist að því að íslenskt
launafólk nýtur á margan hátt
kjara, sem alls ekki eru fyrir
hendi í öðrum löndum. Ýmislegt
sem okkur finnst kannski vera
eðlilegt og sjálfsagt, kemur út-
lendingum stundum á óvart.“
Margar ferðir suður
„Þegar samningalotan hefst fyrir
alvöru, verð ég eðli málsins
samkvæmt mikið í Reykjavík,
jafnvel dögum saman. Kjara-
samningar eru lausir í lok
febrúar, en á þessari stundu er
ómögulegt að segja til um
hvernig málin þróast og samn-
inganefndin þarf alltaf að vera til
taks. Samningaferlið er flókið og
stundum heyrir maður að það
hljóti að vera hægt að gera
hlutina á einfaldari hátt.
Kjaraviðræðurnar árið 2011 eru
líklega þær erfiðustu sem ég hef
komið að, þá hvorki gekk né rak
og verkalýðhreyfingin gekk af
samningafundi og sleit þar með
viðræðum. Andrúmsloftið var
þrungið spennu og allt gat gerst,
en sem betur fer kom ekki til
verkfallsaðgerða. Viðræður voru
teknar upp á nýjan leik og nýr
kjarasamningur leit fljótlega
dagsins ljós. Þá voru síðustu
kjarasamningar einnig erfiðir á
margan hátt og kom þar margt
til.“
Ríkið ekki staðið við
gerða samninga
Ásgerður segir að fleiri atriði en
sjálfur launaliðurinn setji mark
sitt á kjaraviðræður. Hún segist
ekki vera sátt við nokkur atriði í
fjárlögum ríkisins fyrir þetta ár.
„Verkalýðshreyfingin telur að
ríkisstjórnin hafi ekki staðið við
ýmsa samninga og hefur sér-
staklega bent á gefin fyrirheit
varðandi fjárframlög til VIRK
starfsendurhæfingar. Ég fæ ekki
betur séð en að ríkið ætli ekki að
standa við sín orð um greiðslur
„Almennir launþegar hafa sannarlega lagt sitt að mörkum til þjóðfélagsins og eiga að njóta þess. Við mætum
vel undirbúin til kjaraviðræðnanna,“ segir Ásgerður Pálsdóttir formaður Stéttarfélagsins Samstöðu. Mynd/ Jón
Sigurðsson, Blönduósi.
Rætt við Ásgerði Pálsdóttur formann Stéttarfélagsins Samstöðu
„Ég hef verið formaður félagsins í nærri fjórtán ár, sem er dágóður tími. Áður
hafði ég verið trúnaðarmaður á vinnustað, þannig að ég taldi mig í upphafi
vita ýmislegt um verkalýðsmál, en fljótlega uppgötvaði ég að vitneskjan var af
skornum skammti, enda starfsemi stéttarfélagsins afskaplega fjölþætt og á
köflum flókin,“ segir Ásgerður Pálsdóttir formaður Stéttarfélagsins
Samstöðu í samtali við Feyki.
Slagkraftur
launþega er mikill