Feykir - 21.05.2015, Blaðsíða 2
2 19/2015
Einelti og andlegt ofbeldi hefur verið mjög til umræðu í
samfélagsmiðlum og er það vel. Ungt fólk sem stigið hefur
fram að undanförnu og vakið athygli á slíku vekur aðdáun
mína og raunar hrífst ég
ævinlega af því þegar fólk
kýs að deila erfiðri lífs-
reynslu, hvort sem hún er
tilkomin vegna ofbeldis,
veikinda eða missis af
einhverju tagi, eða af öðrum
völdum, í því skyni að hjálpa
öðrum.
En gagnsemi samfélagsmiðla
í þessu tilliti getur líka snúist
upp í andhverfu sína. Oftar
en ekki fara nettröllin offari og gerandinn, sem á í mörgum
tilfellum bágt líka, er „tekinn af lífi“ og dæmdur hart, á þann
hátt að sá gjörningur er oft farinn að nálgast það að vera jafn
slæmur og framkoma hins upphaflega geranda. „Aðgát skal
höfð í nærveru sálar“ segir einhvers staðar og á sú speki alltaf
jafn vel við þó gömul sé.
Það er líka svo að þegar við setjumst í dómarasæti gagnvart
náunganum þá höfum við ekki öll dómsskjölin í höndunum.
Gæti til dæmis ekki eitthvað verið að hjá nágrannanum sem
hefur ekki slegið garðinn sinn í allt sumar? Eða konunni sem
fór yfir strikið á barnum og dansaði upp á borðum? Og af
hverju eru Jón og Gunna í útlöndum þó þau hafi ekki getað
borgað rafmagnsreikninginn? Hvað veldur því að fólk hugsar
illa um dýrin sín eða jafnvel börnin sín? Kemur okkur þetta
yfirhöfuð við?
Ættum við ekki oftar að huga að bjálkanum í eigin auga en
flísinni í auga náungans? Kannski getum við meira að segja
hjálpað náunganum í stað þess að dæma hann. Þó ekki væri
nema að senda honum örlítið bros út í daginn. Slíkt getur
dimmu í dagsljós breytt. Og ekki veitir nú af á þessu kalda
vori þar sem verkföll og verðbólguspár eru í algleymingi og
erfitt getur reynst að sjá til sólar bæði í eiginlegri og óeiginlegri
merkingu.
Með vinsamlegri vorkveðju
Kristín Sigurrós Einarsdóttir, blaðamaður
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is Þóra Kristín Þórarinsdóttir – thora@nyprent.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Sýnum aðgát í nærveru sálar
Settu umferðarslys á svið
Göbbuðu lögreglu og neyðarlið
Í mars sl. voru tvær ungar
konur sakfelldar fyrir tilraun
til fjársvika og að hafa
gabbað lögreglu og annað
neyðarlið með því að hafa í
félagi, þann 4. júní 2011, sett
á svið umferðarslys rétt
norðan við brúna yfir Miklagil
á Holtavörðuheiði, í því skyni
að svíkja út vátryggingabætur.
Málið var tekið fyrir Héraðs-
dóm Reykjavíkur 2. mars. Í
dómnum segir að þær hafi
vísvitandi ekið bifreiðinni utan
vegar, „gabbað lögreglu og
annað neyðarlið er ein ákærða
[...] hringdi í Neyðarlínuna 112
og óskaði eftir sjúkrabíl þar sem
þörf væri á skjótri neyðaraðstoð
vegna alvarlegs bílslyss en hún
gerði viðmælanda sínum sér-
staklega kunnugt um að ákærða
[...] væri barnshafandi og gat
þess m.a. að það væri farið „að
blæða út um allt“. Á meðan á
símtalinu stóð létu báðar ákærðu
sem þær væru í mikilli geðs-
hræringu af völdum slyssins.“
Lögreglu- og sjúkrabifreiðar
frá Hvammstanga, Blönduósi og
Búðardal voru sendar á staðinn.
Þar sem önnur konan var
barnshafandi ákvað læknir á
vettvangi að kalla til þyrlu
Landhelgisgæslunnar til að flýta
fyrir flutningi á slysadeild.
Samningur um dreifnám endurnýjaður
Húnaþing vestra
Í fundargerð sveitarstjórnar Húnaþings vestra
frá 19. maí sl. segir að Sveitarstjórn fagni
nýgerðum samningi vegna Dreifnáms í
Húnaþingi vestra. „Dreifnámið er samfélaginu
í Húnaþingi vestra afar mikilvægt. Með því er
unga fólkinu gert kleift að vera lengur heima
en annars með þeim fjárhagslega og félags-
lega ávinningi sem af því hlýst,“ segir í
fundargerð.
Það fjárframlag sem ætlað er til dreifnámsins
frá ríkinu stendur ekki straum af öllum kostnaði
við rekstur þess. Á árinu 2015 styður sveitarfélagið
Húnaþing vestra við starf dreifnámsins með
fjárframlagi í kringum 6 milljónir króna auk þess
að niðurgreiða hádegismat til nemenda.
„Sveitarfélagið hefur stutt starf dreifnámsins
með líkum hætti frá upphafi og kostaði auk þess
standsetningu húsnæðis dreifnámsins og kaup á
nauðsynlegum búnaði ásamt fyrirtækjum og
félagssamtökum í Húnaþingi vestra. Einnig er
vakin á því athygli að þó svo að samningurinn gildi
til ársloka 2019 eru í honum ákvæði um
lágmarksfjölda nemenda. Það er því afar mikilvægt
að foreldrar í sveitarfélaginu hvetji börn sín til að
sækja nám í dreifnáminu fyrstu ár framhalds-
skólanámsins til að þjónustan haldi áfram að vera í
boði fyrir ungmenni í Húnaþingi vestra,“ segir loks
í fundargerð. /BÞ
Tiltektardagurinn tókst vel
Blönduós
Tiltektardagur var á Blöndu-
ósi í síðustu viku og voru íbúar
hvattir til að taka til hendinni
og gera bæinn fallegri.
Sérstök opnun var í Endur-
vinnslustöðinni og á Húna.is
segir að bæjarbúar hafi tekið vel
við sér þrátt fyrir að veður-
guðirnir hafi ekki verið í sér-
staklega góðu skapi þennan dag.
Bæjarstjórn Blönduóss bauð
upp á grillað lambakjöt frá SAH
Afurðum, pylsur og meðlæti í
félagsheimilinu og þangað
mættu mjög margir eftir gott
dagsverk. „Vonandi verður þetta
endurtekið að ári en bæjarbúar
eru hvattir til að halda áfram að
halda bænum snyrtilegum og
fínum þrátt fyrir að tiltektar-
dagurinn sé liðinn,“ segir í frétt
Húna.is. /BÞ
„Komist [var] að þeirri
niðurstöðu að ákærðu hefðu
sviðsett umferðarslysið og meðal
annars vitnað í læknisvottorð. Í
þeim vottorðum kemur fram að
ákærðu höfðu ekki slasast og eini
áverkinn sem þær báru var
skurður á enni hvorrar þeirra.
Skurðirnir líktust ekki skurðum
er menn fá í slysum heldur var
eins og þeir hefðu verið skornir
með hníf eða einhverjum öðrum
egghvössum hlut,“ segir í dómn-
um.
Ákærðu voru hvor um sig
dæmdar til að sæta 6 mánaða
fangelsi bundið skilorði, eins og í
dómsorði segir. Auk þess voru
þær dæmdar til að greiða óskipt
sakarkostnað og málsvarnarlaun
verjenda sinna. /BÞ
Rekstrarniðurstaða jákvæð
um 126,7 milljónir
Ársreikningur Sveitarfélagsins Skagafjarðar
Ársreikningur ársins 2014 var samþykktur við síðari umræðu í
sveitarstjórn Sveitarfélagsins Skagafjarðar í síðustu viku.
Niðurstaða rekstrar A og B hluta sveitarsjóðs er jákvæð um
126,7 milljónir króna. Rekstrartekjur voru í heildina 3,9
miljarðar króna og hækkuðu þær aðeins um 0,8% á milli ára.
Rekstrarútgjöld önnur en fjármagnsliðir hækkuðu um 9,3% og
námu samtals 3,6 milljörðum króna.
millj. króna í árslok. Tekin ný
langtímalán og skuldbreytingar
voru að fjárhæð 1.011 millj.
króna.
Í 64. gr. nýrra sveitarstjórnar-
laga er kveðið á um að
heildarskuldir og skuldbinding-
ar A og B hluta í reikningsskilum
skv. 60. gr. megi ekki vera hærri
en nemur 150% af reglulegum
tekjum. Frá heildarskuldum og
skuldbindingum er heimilt að
draga hluta lífeyrisskuldbind-
inga sem og tekjur og skuldir
veitna. Hjá Svf. Skagafirði er
skuldahlutfall í ársreikningi fyrir
árið 2014, 143% án þess að
dreginn sé frá sá hluti af
heildarskuldum og skuldbind-
ingum sem heimilað er. /KSE
Laun og launatengd gjöld
voru 2.105 milljónir króna á
árinu 2014 og hækkaði þessi
rekstrarliður um 6,4% frá árinu
2013 sem rekja má til kjarasamn-
ingshækkana launa. Fjárfestinga-
hreyfingar samstæðunnar námu
á árinu 2014, 471 millj. króna, þar
af námu fjárfestingar í varan-
legum rekstrarfjármunum 482
millj. króna. Afborganir lang-
tímalána námu 525 millj. króna,
handbært fé lækkaði um 62 millj.
króna á árinu og nam það 12
Samningur undirritaður um Fræðslustjóra að láni
Sveitarfélagið Skagafjörður, Sveitamennt og Farskólinn
Á þriðjudaginn í síðustu viku skrifuðu
Sveitarfélagið Skagafjörður, Sveitamennt og
Farskólinn-Miðstöð símenntunar á
Norðurlandi vestra undir samning um
„fræðslustjóra að láni“ til sveitarfélagsins.
Verkefnið er þegar hafið og að sögn Bryndísar
Þráinsdóttur, forstöðumanns Farskólans, lýkur
því nú fyrir sumarfrí. Í verkefninu felst að
Farskólinn sendir svokallaðan Markviss ráðgjafa
til að greina þarfir sveitarfélagsins um sí- og
endurmenntun og unnin er áætlun út frá
þarfagreiningunni. Að verkefninu koma þrír
starfsmenn frá Farskólanum. /KSE
F.v.: Bryndís Þráinsdóttir, Farskólanum, Ásta Pálmadóttir,
sveitarstjóri Svf. Skagafjarðar, Arna Jakobína Björnsdóttir,
formaður og framkvæmdastjóri Kjalar og Kristín Njálsdóttir
frá Sveitamennt. MYND: FARSKÓLINN