Feykir - 21.05.2015, Blaðsíða 3
19/2015 3
FJÖLBRAUTASKÓLI NORÐURLANDS VESTRA Á SAUÐÁRKRÓKI
Nánari upplýsingar á www.fnv.is eða í síma 455 8000
Fjölbrautaskóla Norðurlands vestra verður
slitið laugardaginn 23. maí kl. 13:00
í íþróttahúsinu á Sauðárkróki.
Allir velunnarar skólans velkomnir.
Skólameistari
Frá Fjölbrautaskóla
Norðurlands vestra
Skemmtun í tali og tónum
Sýningar verða sem hér segir:
Bifröst á Sauðárkróki 27. maí kl. 20:30
Bifröst á Sauðárkróki 28. maí kl. 20:30
Bifröst á Sauðárkróki 2. júní kl. 20:30
Höfðaborg Hofsósi 3. júní kl. 20:30
Sögusviðið: Skagafjörður 1955 til 1958.
Dægurlögin, tíðarandinn og sögur af fólkinu.
Aðgangseyrir kr. 2.500. -Ath. kort ekki tekin.
Miðapantanir í símum: 453 5304, 891 6120 Gunnar /
868 1875 Ragnheiður / 899 6271 Sigríður
Sögumaður: Björn Björnsson
Söngvarar:
Guðrún Jónsdóttir, Róbert Óttarsson
Hljómsveit: Aðalsteinn Ísfjörð, Jón St. Gíslason,
Sigfús Benediktsson, Margeir Friðriksson,
Jóhann Friðriksson og Guðmundur Ragnarsson
Skokkið fer af stað í
tuttugasta sinn
Skokkhópurinn á Sauðárkróki
Skokkhópurinn á Sauðárkróki
fer af stað þann 26. maí nk.
en þetta er 20. sumarið sem
hópurinn skokkar saman.
„Endilega komið og verið
með, það kostar ekkert að
mæta og prófa,“ sagði Árni
Stefánsson, sem heldur utan
um hópinn, í samtali við Feyki.
Vakin skal athygli á því að
hlaup eru ekki skilyrði fyrir
þátttöku, því hægt er að ganga,
skokka, hjóla, hafa með sér
barnakerrur og börn, í bakpoka,
á hjóli eða gangandi. Þetta er því
kjörin fjölskyldusamvera og
ávallt eru fundnar leiðir og
æfingar við hæfi hvers og eins.
Æft verður mánudaga,
þriðjudaga og fimmtudaga
klukkan 17:30-18:30 en á laugar-
dags-morgnum klukkan 9. Verð
fyrir þátttöku allt sumarið er kr.
15.000 og veittur er fjölskyldu-
afsláttur. Af þátttökugjaldi renna
ávallt 1.000 krónur til góðs
málefnis. Hópurinn hittist hjá
sundlauginni og jafnan er lagt
upp þaðan. Lögð er áhersla á fjör
og létta stemningu. Ávallt er
farið varlega af stað með
byrjendur og æfingin sniðin að
þörfum hvers og eins. Árni gefur
nánari upplýsingar í síma 864
3959. /BÞ
Frá Króksbrautarhlaupi. MYND: ÓAB
Viðsnúningur í rekstri
á Skagaströnd
Svf. Skagaströnd
Ársreikningur sveitarsjóðs og stofnana Svf. Skagastrandar var
samþykktur á fundi sveitarstjórnar þann 13. maí sl. Í
fundargerð kemur fram að rekstrarniðurstaða ársins hafi verið
neikvæð um 18,8 millj.kr. sem er viðsnúningur frá árinu 2013,
en þá var 66,3 millj.kr. jákvæð afkoma af rekstrinum. Eigið fé í
árslok nam 1.190 millj.kr. og eiginfjárhlutfallið var 72,9% í lok
árs 2014, sbr. 72,0% árið 2013.
Í ársreikningi kemur fram að
rekstrartekjur samstæðunnar
voru 526 millj.kr. og hafa
lækkað um 2,1% milli ára.
Rekstrargjöld samstæðu námu
560 millj.kr. en voru 480,8 millj.
kr. 2013. Rekstrarniðurstaða
samstæðunnar er 8,2 millj.kr.
lakari en fjárhagsáætlun með
viðaukum gerði ráð fyrir en
áætluð rekstrarafkoma ársins
var neikvæð um 10,5 millj.kr.
Veltufjárhlutfall samstæð-
unnar nam 12,37 en var 8,65 í
árslok 2013. Samkvæmt yfirliti
um sjóðstreymi var veltufé frá
rekstri samstæðunnar 32,4
millj.kr. og handbært fé til
rekstrar nam 2,2 millj.kr.
Handbært fé samstæðunnar
nam 439,9 millj.kr. í árslok auk
158 millj.kr. skammtímaverð-
bréfaeignar en handbært fé var
520,8 millj.kr.í árslok 2013 og
þá nam skammtímaverðbréfa-
eign 169,3 millj.kr. Engin ný lán
voru tekin á árinu.
/BÞ
Endurbætur
á íþróttavelli
Á vefnum huni.is er sagt frá
því að undirbúningur sé
hafinn fyrir Landsmót UMFÍ
50+ sem haldið verður á
Blönduósi í sumar.
Í síðustu viku hófst
Blönduósbær handa við að
lagfæra langstökksbrautina á
íþróttavellinum.
Verður langstökksbrautin
endurnýjuð og gryfjur settar í
bæði norður- og suðurenda
hennar. Þá verður hlaupa-
brautin löguð og fleiri
endurbætur gerðar á vell-
inum. Landsmótið verður
haldið helgina 26. – 28. júní.
/KSE
Landsmót UMFÍ 50+
á Blönduósi
Með minnst atvinnuleysi
Samkvæmt skýrslu Vinnumálastofnunar um stöðu á vinnu-
markaði í mars 2015 var atvinnuleysi minnst á landsvísu á
Norðurlandi vestra í marsmánuði.
Mældist atvinnuleysi í landshlutanum 2,3% en að meðaltali
voru 78 einstaklingar atvinnulausir í landshlutanum í mars.
Næst á eftir Norðurlandi vestra kom Vesturland með 2,5%
atvinnuleysi en mest var atvinnuleysið á Suðurnesjum eða 5,6%.
Í lok marsmánaðar voru alls 82 án atvinnu, þar af 16 í Blönduós-
bæ, 5 í Húnavatnshreppi, 19 í Húnaþingi vestra, 1 í Skagabyggð,
35 í Skagafirði og 6 á Skagaströnd. Enginn var á atvinnuleysisskrá
í Akrahreppi. Að meðaltali var atvinnuleysi 1,9% á Norðurlandi
vestra frá apríl 2014 fram í mars 2015, mest í febrúar sl. og
mældist þá 2,7%. /KSE
Norðurland vestra