Feykir - 21.05.2015, Blaðsíða 5
19/2015 5
Erfiðara að manna
sumarstörf en oft áður
Vinnumarkaðurinn á Norðurlandi vestra
Toppþjálfarinn Poikola
tekur við liði Tindastóls
Körfuknattleiksdeild Tindastóls
Körfuknattleiksdeild
Tindastóls hefur samið við
Pieti Poikola um að taka við
þjálfun meistaraflokks
Tindastóls fyrir næsta
tímabil. Pieti, sem er
margverðlaunaður þjálfari
frá Finnlandi, þjálfar einnig
danska landsliðið og óhætt
að fullyrða að Tindastóls-
menn hafi heldur betur gert
vel í því að krækja í einn
áhugaverðasta þjálfara
Evrópu um þessar mundir.
Poikola var ráðinn í fram-
haldi af því að Israel Martín,
hinum geðþekka spænska
þjálfara Tindastóls, bauðst
annað spennandi verkefni hjá
Bakken Bears í Danmörku.
Pieti Poikola er fæddur í
Oulu í Finnlandi árið 1977.
Hann er verkfræðingur að
mennt en hefur starfað sem
körfuknattleiksþjálfari at-
vinnumanna frá árinu 2008.
Hann var leikmaður í finnsku
fyrstu deildinni árin 1992-1996
en hefur þjálfað nær óslitið
síðan 1997. Poikola hefur
þjálfað efstu deildar lið
Tampereen Pyrintö í Finnlandi
sex tímabil frá árinu 2008 og á
þeim tíma þrívegis gert lið sitt
að finnskum meisturum en
finnska deildin er gríðarsterk.
Hann tók við karlalandsliði
Danmerkur árið 2013 og mun
þjálfa það áfram.
Poikola mun þjálfa
meistaraflokk Tindastóls auk
þess að stýra unglinga- og
drengjaflokkum og kenna við
körfuboltaakademíu FNV á
Sauðárkróki. Samningur Kkd.
Tindastóls við Poikola gildir til
eins árs með möguleika á
framlengingu. /ÓAB
Tap í þremur fyrstu
Meistaraflokkur Tindastóls í knattspyrna karla
ÍÞRÓTTAFRÉTTIR FEYKIS
Mfl. Tindastóls tapaði sl.
þriðjudagskvöld fyrir Þór á
Akureyri með tveimur mörkum
gegn engu í Bikarkeppni KSÍ.
Liðið sem leikur í 2. deild
hefur leikið þrjá leiki það sem
af er tímabili og bíða enn eftir
fyrsta sigri sumarsins.
Leikur Njarðvíkur og Tindastóls
fór fram þann 16. maí sunnan
heiða sem endaði með því að
heimamenn sigruðu 3-1.
„Tindastóll komst yfir strax í
upphafi leiksins þegar Fannar
Freyr Gíslason skoraði en
Njarðvíkingar jafna síðan og
komast yfir á síðustu mínútu
fyrri hálfleiks. Þriðja mark
Njarðvíkinga kom svo í blá-
lokin,“ segir á fb-síðu Stuðn-
ingsmanna knattspyrnudeildar
Tindastóls.
Úrslit leiks Þórsara og Stóla
voru 2-0 en þá skoraði Þór bæði
mörkin í fyrri hálfleik og
markalaust var í þeim síðari.
„Bæði mörk Þórsara má rekja til
mistaka okkar leikmanna en
menn læra af þeim og koma
sterkir til baka. Tindastólsliðið
var nokkuð heilsteypt í leiknum
og spilaði ágætlega. Þetta er allt
að koma og nú bíðum við eftir
fyrsta sigrinum,“ segir loks á
síðunni. /BÞ
Byrjunarlið Tindastóls sl. þriðjudagskvöld. MYND: ÓBS
Feyki bárust ábendingar um
að hægar hefði gengið í ár en
oft áður að manna sumarstörf
á Norðurlandi vestra.
Blaðamaður fór því á stúfana
og hafði samband við
forsvarsmenn nokkurra
sveitarfélaga, ferðaþjónustu-
fyrirtækja og annarra stórra
vinnustaða sem gjarnan bæta
talsverðum fjölda starfs-
manna við sig yfir sumar-
tímann. Skemmst er frá að
segja að þeir sem rætt var við
eru almennt sammála um að
verr hafi gengið en áður að
manna sumarstörfin.
Stirðara heldur en
stundum áður
Svanhildur Pálsdóttir, hótelstjóri
í Varmahlíð segir að ráðningar
þar hafi gengið hægt, en yfir
sumartímann þarf að bæta við
um þrettán stöðugildum. „Ég
byrja á því að reyna að tryggja
mér það starfsfólk sem hefur
verið áður og ég vil hafa áfram. Í
ár auglýsti ég og fannst koma
lítið af umsóknum en áður hef
ég oft náð að manna með
„hausaveiðum“ án þess að
auglýsa.“
Svanhildur segir starfs-
mennina flesta vera heimamenn
eða tengjast svæðinu á einhvern
hátt. „Í sumar verður þó hérna
par frá Tékklandi. Ég held að það
sé í fyrsta sinn sem ég ræð fólk
án þess að hafa hitt það eða vita
nokkur deili á því. Ég hef heyrt
að gangi illa fyrir ungt fólk í
Reykjavík að fá vinnu, en það
virðist ekki skila sér út á land. Ég
kann svo sem ekki skýringu á af
hverju þetta er erfiðara í ár en
áður, framboðið af störfum
hlýtur að vera meira en
eftirspurnin,“ sagði Svanhildur.
Unga fólkið sækir
ekki í vaktavinnu
Heilbrigðisstofnunin á Sauðár-
króki er stór vinnustaður þar í
bæ. Að sögn Herdísar Clausen,
sem er yfirhjúkrunarfræðingur
með staðarumsjón á Sauðár-
króki, þarf að bæta við starfsfólki
í rúmlega 30 stöðugildi yfir
sumartímann, þegar allt er talið.
Hún segir að leitað sé til fagfélaga
eftir faglærðu fólki eins og
læknum, hjúkrunarfræðingum
og sjúkraliðum. Einnig sé
auglýst í svæðisbundnum
miðlum og á Starfatorgi ásamt
því sem stofnunin er í góðu
samstarfi við Vinnumála-
stofnun á Skagaströnd.
„Þetta fór mjög hægt af stað í
ár og er alveg í járnum, það er
enginn á biðlista hjá mér núna,“
segir Herdís. „Mér finnst þetta
hafa verið sérstaklega erfitt í ár,
það hljóta að vera fleiri atvinnu-
tækifæri en áður, til dæmis í
ferðaþjónustu og leikskólanum
hér á Króknum, sem hefur ekki
auglýst sumarstörf, að minnsta
kosti ekki eins mörg og núna.“
Herdís segir heimafólk sem t.d.
er í burtu í háskólanámi yfir
veturinn skila sér ágætlega heim
og m.a. séu læknanemar dug-
legir að koma heim og vinna.
Hún segist ekki hafa þurft að
leita eftir erlendu vinnuafli
hingað til. „En unga fólkið er
almennt ekki spennt fyrir kvöld-
og helgarvinnu. Svo koma svona
lægðir ef litlir árgangar koma inn
á vinnumarkaðinn, ætli það sé
ekki það sem er að gerast núna,“
sagði Herdís ennfremur.
Fullmannað í Selasetri
Hjá Selasetrinu á Hvammstanga
eru aðeins framkvæmdastjóri og
sérfræðingar í rannsóknum að
störfum yfir vetrartímann, eða
þrír starfmenn. Yfir sumartím-
ann er bætt við fjórum starfs-
mönnum og búið er að
fullmanna þær stöður. Unnur
Valborg Hilmarsdóttir, fram-
kvæmdastjóri, segir búið að ráða
í þær stöður og þar sé um að
ræða heimafólk. „Við auglýstum
ekki en okkur bárust fjölmargar
umsóknir. Við leituðum til
Vinnumálastofnunar en því
miður voru þar engir aðilar á
skrá sem gátu nýtt sér starfið.
Krafa er gerð um góða tungu-
málakunnáttu og um vaktir er að
ræða sem ekki allir geta tekið að
sér,“ segir Unnur Valborg.
Leitað að tjaldstæðaverði
með bílpróf
„Hjá Tjöldum í Skagafirði, sem
rekur tjaldstæðin á Sauðárkróki,
Varmahlíð, Hofsós, Hólum og
svo hópatjaldstæði í Hegranesi,
höfum við yfirleitt verið með tvo
til þrjás tarfsmen auk okkar
eigendanna. Nú vantar enn
starfsmann í fullt starf eða tvo í
hlutastörf fyrir sumarið,“ segir
Hildur Þóra Magnúsdóttir sem á
og rekur Tjöldum í Skagafirði.
„Við höfum verið að treysta á
það að fá fólk með bílpróf og
mikla þjónustulund til okkar og
oftast höfum við tekið inn 17-25
ára gamla skólakrakka. Við
höfum leitað til Vinnumála-
stofnunar en þar virtist ekki vera
mikið af fólki á skrá sem þetta
gæti hentað. Við höfum reyndar
ekki auglýst mikið, frekar notað
samfélagsmiðla og persónuleg
tengsl til þess að leita að fólki. En
við myndum gjarnan vilja fá
fyrirspurnir svo hægt væri að
fylla í þessa stöðu fyrir sumar-
törnina,“ sagði Hildur Þóra.
Vinnuskólinn
fyrirferðarmestur
„Yfir vetrartímann er hefðbundin
starfsmannaþörf en á sumrin er
þörf á sumarfólki þar sem það á
við vegna sumarleyfa. Vinnu-
skólinn er þar fyrirferðamestur,“
segir Arnar Þór Sævarsson,
bæjarstjóri á Blönduósi. Arnar
segir að auglýst hafi verið eftir
flokkstjórum í Vinnuskóla og
eftirspurn virðist vera lítil, svo
virðist sem stálpaðir unglingar
séu komnir með vinnu annars
staðar. Hann segir starfsfólkið að
langmestu leyti koma úr héraði
og auglýst hafi verið í
héraðsblöðum en einnig séu
dæmi um að leitað sé til
Vinnumálastofnunar.
SAMANTEKT
kristin@feykir.is
Farfugl á Blönduósi. MYND: RÓBERT DANÍEL JÓNSSON