Feykir - 19.11.2015, Blaðsíða 3
44/2015 3
Skrifstofa Ámundakinnar er í
fyrrum húsnæði Kaupfélags
Austur-Húnvetninga við Húna-
braut, sem í dag hýsir verslun
Samkaupa, blómaverslun bæjar-
ins og USAH. Á efri hæð hússins
eru, auk skrifstofu Ámundar-
kinnar, dreifnám FNV og
skrifstofa KPMG. Skrifstofa
Ámundakinnar er fyrrum skrif-
stofa kaupfélagsstjóra og þar
hefur tíminn dálítið fengið að
standa í stað. „Kaup-félagið lenti
í erfiðleikum upp úr aldamótum
og þá var því breytt í hlutafélag
sem hét KH hf. og síðar
Húnakaup hf. En árið 2010 hafði
Ámundakinn eignast allt hlutafé
félagsins og þar með húsnæði
þess bæði á Blönduósi og
Skagaströnd,“ segir Jóhannes.
„Félagið var upphaflega
stofnað um það verkefni að ná
hingað ullarþvottastöð Ístex sem
var í Hveragerði. Hvergerðingar
voru orðnir knappir á starfsleyfi,
þar sem þvottavatnið fór
óhreinsað út í Varmá. Hérna er
hins vegar til staðar hreinsistöð
fyrir afrennslið. Það var að
frumkvæði Sölufélagsins og
Blönduósbæjar sem félagið
Ámundakinn var stofnað. Stofn-
endur voru átta sveitarfélög og
fimm fyrirtæki hér í sýslu. Nú
eru hluthafar rúmlega sextíu,
einstaklingar, stofnanir og fyrir-
tæki „Markmiðið hefur frá
upphafi verið að búa þeim
fyrirtækjum sem hér eru góða
vist eða draga þau til okkar,“
segir Jóhannes.
Í dag eru það Byggðastofnun
sem á 16,45%, Blönduósbær
með 10,45%, Sölufélag A-Hún-
vetninga með 10,36% og Húna-
vatnshreppur með 10,16% sem
eru stærstu hluthafar í Ámunda-
kinn. Jóhannes segir reksturinn
hafa verið jákvæðan undanfarin
ár. Sama máli gegni um eigna-
stöðuna, félagið skuldi ekki
mikið miðað við eignir. Félagið
fékk árið 2014 veitta viðurkenn-
ingu Kreditinfo sem Framúr-
skarandi fyrirtæki vegna reksturs
árið 2013. „Við vonumst eftir að
geta haldið þessari viðurkenn-
ingu, sem hefur m.a. jákvæð
áhrif þegar verið er að leita eftir
lánafyrirgreiðslu,“ segir hann.
Flutningur ullarþvotta-
stöðvar Ístex til Blöndu-
óss fyrsta verkefnið
Í ársbyrjun 2004 keypti
Ámundakinn 700 fermetra hús-
næði að Efstubraut 2 og byggði
til viðbótar 560 fermetra hús,
sem nú hýsir einu ullarþvottastöð
landsins. Húsnæðið í heild var
um 4000 fermetrar, en sem
kunnugt er brann hluti þess
haustið 2004. Sá hluti var að
mestu í eigu Húnakaupa þegar
brann. Eldvarnarveggur kom í
veg fyrir að húsið brynni allt og
slapp sá hluti sem hýsir ullar-
þvottastöðina og fleiri fyrirtæki.
Jóhannes útskýrir að eftir
brunann hafi ekki verið eining
um hvort ætti að byggja húsið
upp á ný eða taka lágmarks
tryggingarbætur. Úr varð að
Ámundakinn keypti brunarúst-
irnar og fékk bótaféð og byggði
nýtt, tæplega 1300 fermetra hús,
sem var lágmarksstærð til að fá
fullar tryggingabætur. Viðfangs-
efni Ámundakinnar sumarið
2005 var að finna aðila til að nýta
húsnæðið og tókst það.
Vélsmiðja Alla, Lagnaverk og
Léttitækni voru fyrst til að flytja
inn. Í dag eru í húsnæðinu
Bifreiðaverkstæði Blönduóss,
Ísgel, Léttitækni og rafmagns-
verkstæðið Átak. Ámundakinn á
nú aðeins þann hluta sem hýsir
ullarþvottastöðina.
Í öðru húsnæði í eigu
Ámundakinnar, að Efstubraut 1,
sem til þessa hefur hýst Laxasetur
Íslands og Lífland, var áður til
húsa rækjuverksmiðjan Særún.
Hún lenti í þroti rétt eins og
margar aðrar rækjuverksmiðjur
á landinu þegar hrun varð í
veiðum og hráefnisverð hækkaði
gríðarlega rétt eftir aldamótin.
„Byggðastofnun hafði eignast
húsið með öllum búnaði og við
keyptum það og þar með kom
Byggðastofnun af meiri þunga
inn í hluthafahópinn. Þá var
þarna búnaður til rækjuvinnslu
sem nýlega var búið að endur-
nýja. Tókst að selja hann til
Valencia á Spáni, til aðila sem var
þar í fiskvinnslu og ég komst í
samband við fyrir algjöra
tilviljun. Hugmyndin var að
iðnfyrirtæki færi þarna inn, en
það brást og við seldum hluta af
húsinu. Nú hefur Laxasetrið
hætt þarna störfum og Lífland
mun auka við sig. Þá er í húsinu
lítil frystigeymsla sem er leigð
Sláturhúsi KVH,“ segir
Jóhannes.
„Það heppnast nú ekki allt,“
heldur hann áfram og bendir
blaðamanni á húsnæði handan
Blöndu. Um er að ræða eins
konar kjallara með iðnaðar-
hurðum. Ámundakinn keypti
mannvirkið og stóð til að reisa
glæsilega byggingu ofan á
kjallarann sem myndi hýsa
opinbera þjónustu eins og
Jóhannes Torfason á skrifstofu Ámundakinnar sem áður var skrifstofa kaupfélagsstjóra KAH.
MYNDIR: KSE
„Markmiðið að búa
fyrirtækjum góða vist
eða draga þau til okkar“
Rætt við Jóhannes Torfason framkvæmdastjóra Ámundakinnar
VIÐTAL
Kristín Sigurrós Einarsdóttir
Hugmyndir eru uppi um hótelbyggingu í sundinu á milli Húnabrautar 4
og félagsheimilisins á Blönduósi.
Félagið Ámundakinn ehf. var stofnað á Blönduósi árið 2003, og var fyrsta verkefni þess að ná
þangað ullarþvottastöð Ístex sem fram að því hafði verið í Hveragerði. Helstu markmið félagsins
nú eru að stuðla að jákvæðri byggðaþróun og byggðafestu, einkum með því að laða fyrirtæki á
svæðið og bjóða þeim fyrirtækjum sem þar starfa góða vist og starfsaðstöðu. Jóhannes Torfason
á Torfalæk í Austur-Húnavatnssýslu er einn af mörgum eigendum Ámundakinnar og hefur verið
framkvæmdastjóri félagsins frá upphafi. Blaðamaður Feykis heimsótti Jóhannes á skrifstofu
Ámundarkinnar á dögunum og kynnti sér sögu og starfsemi félagsins.
Ámundakinn byggði nýtt hús að Efstubraut 2 eftir bruna sem þar varð 2005.
Félagið á nú aðeins þann hluta hússins sem hýsir ullarþvottastöðina.