Feykir - 19.11.2015, Síða 4

4 44/2015
bæjarskrifstofu, auk íbúða fyrir
eldra fólk, sem vildi fara í
þægilegra húsnæði með lyftu,
bílageymslur og sameiginlega
félagsaðstöðu. Lagt var töluvert
fjármagn í hönnun en ekkert
varð úr framkvæmdum á þeim
tíma. Aðspurður um hvort búið
sé að slá hugmyndina alveg út af
borðinu segir Jóhannes að hún
sofi. „Blönduósbær tók þá skyn-
samlegu ákvörðun að veðja
frekar á sundlaug, sem ég get
ekki gagnrýnt, það var mjög
þarft.“
„Við fórum svo í það í fyrra
að láta gera könnun hér á
Blönduósi á staðarvali fyrir
alvöru hótel. Sextíu herbergja
hótel sem væri skilgreint ein-
hvers staðar á milli þriggja og
fjögurra stjörnu hótel. Þessi
staður er einn af þeim sem kom
til skoðunar,“ segir Jóhannes og
vísar þar í áðurnefnt mannvirki
við Blöndubakka. „Annar staður
sem kom til greina er sundið
hérna á milli Húnabrautar 4 og
Félagsheimilisins, að loka því
með tengibyggingu og taka
félagsheimilið inn í þetta og nota
sali sem eru þar sem ráð-
stefnuaðstöðu og veitingasali.
Þriðji staðurinn var upp á kirkju-
hólnum, þar sem er veitinga-
staðurinn sem núna heitir B&S
Restaurant. Þetta var nú bara
frumathugun en þessi staður
hérna á milli Húnabrautar 4 og
félagsheimilisins er hagkvæmast-
ur. Ég held að bygging á Blöndu-
bökkum hafi mest aðdráttarafl.
Þar er fallegt sólarlag en þetta er
að vísu talið svolítið út úr, hvað
sem það nú þýðir. Til þess að af
hótelbyggingu geti orðið þarf
einnig að semja við einhvern
aðila um reksturinn, áður en
farið er af stað,“ segir Jóhannes,
sem telur það þó fýsilegan kost
að reisa hótel á Blönduósi. „Ef
við horfum á landakortið þá eru
hótel í Borgarnesi, Stykkishólmi
og á Ísafirði. Þá er fremur lítið
hótel í Varmahlíð, en síðan á
Siglufirði og Akureyri. Ég lít því
þannig á að Blönduós sé í
miðjum þessum hring og hér
vanti gistingu í þeim gæðaflokki
sem stór hluti ferðamanna sækist
eftir. Ég tel að hótel sem væri í
þessum gæðaflokki myndi fjölga
ferðamönnum en ekki draga úr
aðsókn að þeim gistimögu-
leikum sem eru fyrir.“
Nauðsynlegt að
byggðirnar tengist meira
Jóhannes segir að byggingar-
áformin á Blöndubökkum og
hótelbygging séu dæmi um
verkefni sem ekki hafi orðið neitt
úr, a.m.k. ekki ennþá. „Þá
komum við aftur að því hvernig
við skilgreinum okkur, sem
einhvers konar byggðarfestu-
félag, eða byggðareflingarfélag,
sem að notar sinn styrk til að
geta haldið í fyrirtæki, boðið
þeim betri vist, eða jafnvel tekið
þátt í rekstri fyrirtækja til að efla
þau. Sem dæmi um það kom
Ámundakinn inn í rekstur Stíg-
anda þegar þáverandi aðaleig-
andi þess seldi sinn hlut árið
2007. Markmiðið var að reyna
að tryggja áframhald á rekstri
um 20 manna vinnustaðar. Þetta
tókst um sinn, en við misstum
fyrirtækið í þrot 2014. En
Ámundakinn, ásamt KS, og
þremur einstaklingum komu
síðan að endurreisn þessa rekst-
urs. Þá á Ámundakinn húsið
sem fyrirtækið starfar í. Við
teljum að aðkoma KS sé liður í
því að líta á þetta svæði sem eitt
hérað, og þá tala ég um „Stór-
Húnavatnssýsluna“, sem ég
nefndi eitt sinn svo á fundi í
Skagafirði fyrir 20 árum og hef
ekki verið boðaður á fund þar
síðan“ segir Jóhannes og brosir.
„Ég tel að það sé mikilvægt að
þessar byggðir tengist meira og
vegurinn yfir Þverárfjall breytir
ansi miklu hvað varðar allar
vegalengdir og skilgreiningar á
atvinnusvæðum.“
Þá má nefna að Ámundakinn
er stór hluthafi í Vilko. Félagið
byggði árið 2008 húsnæðið sem
hýsir framleiðslu á Primakrydd-
um og á nú orðið allt húsnæði
Vilko. „Menn gantast stundum
með að ég sé með lykla að nán-
ast öllu atvinnuhúsnæði á
Blönduósi, en það er ekki alveg
rétt,“ segir Jóhannes og brosir.
„Núna í sumar keyptum við
Norðurlandsveg 4, þar sem B&S
Restaurant og fleiri fyrirtæki eru
til húsa,“ segir Jóhannes og út-
listar að í bígerð sé að endurbæta
og stækka það húsnæði á næstu
tveimur árum. Gengið hefur
verið frá viljayfirlýsingu vegna
leigu á öllu rými í húsinu.
Eins og fram kom í fundar-
gerðum Sveitarfélagsins Skaga-
fjarðar fyrr á þessu ári sóttist
Ámundakinn eftir lóð á svo-
kölluðum Freyjugötureit á Sauð-
árkróki. Hugmyndin með því
var að byggja skrifstofuhúsnæði
sem gæti hentað starfsemi
Byggðastofnunar, en stofnunin
auglýsti eftir 1000 fermetra
skrifstofuhúsnæði á Sauðárkróki.
„Það hefur ekki ennþá borið
neinn árangur,“ segir Jóhannes
aðspurður um það mál. „Við
svöruðum útboði Byggðastofn-
unar um að byggja skrifstofuhús,
sem var auglýst snemma á þessu
ári og skiluðum inn ákveðnum
hugmyndum, en við höfum ekki
ennþá fengið formleg svör. Ég
met það þannig að það sé ekki
áhugi á því að taka því tilboði. Ég
tel samt að við höfum gert
Byggðastofnun mjög gott og
hagkvæmt tilboð,“ bætir hann við.
Einskonar
fyrirtækjahótel
Undanfarið hefur komið fram í
fundargerðum að Ámundakinn
hefur sóst eftir að kaupa hlut
sveitarfélaganna í Austur-Húna-
vatnssýslu í Tækifæri ehf., sem er
fjárfestingafélag og fjárfestir í
nýsköpun á Norðurlandi „Hug-
myndin hjá okkur var sú að
sameina þessa litlu hluti sem
sveitarfélögin eiga í einn. Þessi
sömu sveitarfélög eiga öll hlut í
Ámundakinn og við ætluðum þá
að borga þeim í hlutabréfum og
sjá svo til hvað við gætum gert við
þessa hluti sem yrðu sameinaðir í
einn. Við höfum ekki séð að
Tækifæri hafi sýnt mikinn áhuga
eða vilja til að koma inn í rekstur
á þessu svæði hingað til en við
teljum að það falli vel að eðli
Ámundakinnar að sameina þessa
hluti og nýta þá til góðra verka.“
„Ég kalla þetta félag stundum
fyrirtækjahótel þar sem gestirnir
búa mismunandi lengi, sumir
búa stutt og aðrir lengur og
sumir enda með því að kaupa
það rými sem þeir hafa helgað
sér. En við erum í rauninni alltaf
að þreifa fyrir okkur eftir ein-
Þessi kunnuglega brekka rétt austan við Blönduós heitir Ámundakinn og dregur
félagið nafn sitt af henni.
Í sumar keypti Ámundakinn húsnæðið við Norðurlandsveg 4. Stefnt er að
endurbótum og stækkun þess á næstu tveimur árum.
Barnalög fyrir alla fjölskylduna
Frá Ara til Aladdin – tónleikar í Miðgarði
Sunnudaginn 22. nóvember næstkomandi
verða tónleikar í Menningarhúsinu Miðgarði í
Skagafirði undir yfirskriftinni „Frá Ara til
Aladdin – barnalög fyrir alla fjölskylduna.“
„Tónleikarnir eru fyrir afa, ömmur, foreldra og
börn, og við ætlum aðeins að leiða fólk í
gengum það hve mikið hefur breyst í
barnalagaflórunni með tilkomu ótal útvarps-
og sjónvarpsrása, tölvum og tækni,“ segir
Gunnar Rögnvaldsson, einn skipuleggjenda
tónleikanna.

Á sviðið stíga níu söngvarar, nokkur þekkt andlit
og önnur ný; Systurnar Sóla og Malen Áskels-
dætur, Jón Hallur Ingólfsson, Íris Olga Lúðvíks-
dóttir, Gunnar Rögnvaldsson og Sigvaldi Gunn-
arsson, sonur hans. Þá koma þrjár ungar stúlkur
fram; Rannveig Stefánsdóttir og Þórgunnur
Þórarinsdóttir á Sauðárkróki og Dagný Gunnars-
dóttir, dóttir Gunnars. Hljómsveit Stefáns Gísla-
sonar sér um undirleik en auk Stefáns skipa
hljómsveitina Einar Þorvaldsson gítarleikari,
Margeir Friðriksson á bassa og Kristján
Kristjánsson á trommur. Þá ætlar barnakór að
taka lagið með hópnum, samsettur úr skólahóp
leikskólans Birkilundar og 1. og 2. bekk Varma-
hlíðarskóla.
„Við ætlum að fara í gegnum barnalögin frá
ýmsum tímabilum. Ég spurði fólk á öllum aldri
„hvert var upphaldslagið þitt“ og þá nefndu
menn eitt og annað,“ segir Gunnar og nefnir
sem dæmi lögin: Ég skal mála allan heiminn,
Komdu niður, Þú ert sko vinur minn, Ryksugan á
fullu, Sjö litlar mýs, Ég er furðuverk, Súrmjólk í
hádeginu og Aravísur.
Haldnir verða þessir einu tónleikar, þann
22. nóvember kl. 16. Aðspurður um hvort til
standi að bæta við tónleikum útilokar Gunnar
það ekki. „Við ætlum að selja miðana í forsölu
og ef það verður mikil aðsókn þá gæti verið að
við bætum við tónleikum um kvöldið,“ segir
hann að lokum. /BÞ
hverju sem að gæti orðið til að
efla og bæta okkar samfélag. En
eins og ég hef rakið þá ganga
ekki allar hugmyndir upp. Fyrir
svona félag, sem byggir fyrst og
fremst á útleigu á húsnæði, þá
skiptir skilvísi viðskiptavina
miklu máli og hún hefur yfirleitt
verið með miklum ágætum. Mér
finnst samstarf við þá hafa
gengið vel. Það koma alltaf upp á
einhver viðfangsefni sem þarf að
leysa, svo sem varðandi viðhald
á húsnæði eða endurbætur, en
hingað til hefur það tekist með
góðu samkomulagi.“
Jóhannes segir að félagið hafi
ekki farið út í kaup og útleigu á
íbúðarhúsnæði og það hafi ekki
komið til, ef undan er skilin
áðurnefnd bygging sem áformuð
var á Blöndubökkum. „Við
höfum ekki haft bolmagn eða
áhuga á því. Við höfum talið að
okkar hlutverk væri að búa
fyrirtækjum góða starfsaðstöðu
og möguleika til að starfa hér og
leggjum áherslu á það. Takist
það þá njóti samfélagið og
sveitarfélögin góðs af því, það er
hugmyndafræðin á bak við
þetta, að stuðla að byggðafestu.
Persónulega segist Jóhannes
bjartsýnn á byggðaþróun svæð-
isins. „Ég hef nú held ég alltaf
verið bjartsýnn á umhverfið og
möguleikana. Ég tel að hins
vegar séu okkur stundum mis-
lagðar hendur í því að þora að
taka áhættu og fara í breytingar á
samfélagi og fyrirtækjum sem að
gætu leitt til meiri byggðafestu.
Ég tel að við séum oft of rög að
reyna á að fá fyrirtæki í samstarf
við okkur, en samt er ég þrátt
fyrir allt bjartsýnn,“ sagði Jó-
hannes Torfason, framkvæmda-
stjóri Ámundakinnar, að lokum.