Feykir - 08.06.2016, Síða 3
22/2016 3
„Sannfærð um að
fiskprótín er prótín
framtíðarinnar“
Amínó fæðubótarefni
Iceprotein og Protis fá góðar undirtektir
Iceprotein og Protis á
Sauðárkróki settu nýlega á
markað vörulínu byggða á
áralöngum rannsóknum á
heilsubætandi áhrifum
fiskpróteina. Hólmfríður
Sveinsdóttir framkvæmdastjóri
Iceprotein segir viðtökurnar
hafi farið fram úr björtustu
vonum. Hún sagði Feyki nánar
frá því hvernig Amínó fæðu-
bótarefnin hafa mælst fyrir og
jafnframt frá stofnun fyrirtæk-
isins Protis, sem stofnað var
utan um vörulínuna.
„Eftir að Iceprotein náði að þróa
framleiðsluferil á hreinu
þurrkuðu fiskiprótíni, sem hægt
var að hylkja, þá var ákveðið að
stofna fyrirtæki í kringum
vinnslu og sölu á prótíninu og í
framhaldinu framleiðslu á
vörulínunni Amínó sem inni-
heldur fiskprótínið sem Ice-
protein þróaði,“ segir Hólmfríð-
ur um tilurð Protis sem stofnað
var í október 2015. Hún segir að
í raun hafi markmið fyrir-
tækisins verið að hagnýta þá
miklu þekkingu og reynslu sem
byggst hefur upp í kringum
rannsóknir á fiskprótíni m.a.
hjá Iceprotein í þágu bættrar
lýðheilsu og betri nýtingar á
íslenskum fiskistofnum. Ice-
protein muni því halda áfram
að vera rannsóknar- og þróun-
arfyrirtæki og leggja áherslu á
að rannsaka fiskprótínið og
áhrif þess á heilsu fólks, en
fyrirtækið Protis mun sinna
framleiðslu fæðubótarefnanna
og öðru því sem við kemur
vörulínu Amínó. Bæði fyrir-
tækin eru staðsett í Verinu
Vísindagörðum á Sauðárkróki
og samnýta að ýmsu leyti
starfsfólk. „Við erum sjö að
vinna hjá Iceprotein og Protis í
fimm stöðugildum. Við erum
aðallega fjögur að vinna í Protis
en við sinnum einnig störfum
fyrir Iceprotein. Í sumar erum
við með þrjá sumarstarfsmenn
sem öll tengjast á einn eða
annan hátt Skagafirði og eru í
háskólanámi á sviði lífvísinda,“
segir hún.
Vegna stóraukinna fyrir-
spurna varðandi fyrirtækið og
fæðubótarefnin innanlands og
utan, hefur Protis sett í loftið
nýja heimasíðu og er Iceprotein
jafnframt með síðu innan Protis
heimasíðunnar.
Amínó setti þrjár gerðir
fæðu-bótarefna á markað þann
1. febrúar síðastliðinn; Amínó
Liði, Amínó Létt og Amínó
100% hreint fiskprótein. Fæðu-
bótarefnin hafa fengið ákaflega
jákvæðar undirtektir.
„Við höfum verið að fá tölu-
vert af reynslusögum. Varðandi
Amínó Liði sem inniheldur efni
sem bæta heilbrigði liða þá er
fólk búið að hafa samband við
okkur og segja frá minni þrota
og minni verkjum í liðum. Fólk
sem er að huga að líkams-
þyngdinni og hefur verið að
kaupa Amínó Létt sem inni-
heldur efni sem hafa áhrif á
mettunarferli og sykurlöngun
hefur verið mjög ánægt með þá
vöru og segist finna töluverðan
mun á því að það sé að borða
minna á milli mála og að það
verði fyrr satt og borði þar að
leiðandi minna. Amínó 100%
er hreint fiskprótín en prótín er
öllum lífsnauðsynlegt.“ Hólm-
fríður segir vitneskju um
mikilvægi á neyslu prótíns hafa
aukist mikið hjá fólki. „Fólk
hefur verið að láta okkur vita af
ánægju sinni með fiskprótínið,
þá sérstaklega vegna þess að
það virðist auka úthald yfir
daginn og einnig virðist það
hjálpa fólki að jafna sig eftir
æfingar,“ segir hún.
Berst fljótt inn í blóðið og
nýtist því líkamanum vel
Þegar Hólmfríður er spurð hver
sé söluhæsta varan segir hún
Amínó Liði hafa verið að seljast
best. „Skýrist það hugsanlega af
því að sú vara inniheldur virk
efni sem nú þegar eru þekkt á
meðal fólks sem þjáist af
liðasjúkdómum eins og koll-
agen, chondroitin sulphate,
vítamín C og vítamín D.“
Varðandi Amínó Létt þá segir
hún fæðubótarefnið innihalda
minna þekkt efni og því þurfi
að huga að meiri fræðslu í
markaðssetningunni. „Það eru
töluverðar rannsóknir til um
jákvæð áhrif fiskprótína á
lykilhormón í mettunarferli
líkamans og erum við m.a. með
dýratilraun í gangi þar sem
verið er að skoða áhrif
prótínsins okkar á þessa ferla.
Síðan erum við með náttúru-
legar trefjar í Amínó Létt
vörunni þar sem jákvæð áhrif á
mettun hafa verið staðfest í
klínískum rannsóknum. Króm-
pikólínat er einnig í Amínó Létt
en það er þekkt fyrir að draga úr
sykurþörf. Amínó 100% er
hreint fiskprótín og þarf að
skapa sér sess á markaði þar
sem mysuprótín er alls ráðandi.
Fiskprótínið hefur það fram yfir
mysuprótín að það inniheldur
meira magn af mikilvægum
amínósýrum á borð við arginín.
Fiskprótínið í Amínó vöru-
línunni er meðhöndlað á
ákveðinn hátt þannig að það er
mjög auðmeltanlegt og berst
fljótt inn í blóðið og nýtist því
líkamanum vel og er það líklega
ástæðan fyrir því að fólki finnst
það jafna sig fyrr eftir líkamlega
áreynslu. Ég er sannfærð um að
fiskprótín er prótín fram-
tíðarinnar, fólk er alltaf að hugsa
meira og meira út í hreinleika
og uppruna fæðunnar og
þorskurinn sem við erum að
vinna prótínið úr er 100%
náttúrulegur,“ segir Hólmfríður.
Loks spyr blaðamaður hvort
vænta megi að fleiri fæðu-
bótarefni bætist í flóruna á
næstunni: „Já, við búumst
fastlega við að koma með nýja
vöru á markað í haust.“
Amínó er selt í verslunum
um allt land, matvörubúðum,
apótekum og heilsuvöruversl-
unum, og eru sífellt fleiri sölu-
staðir að bætast við og er fyrsta
sendingin á leið til Noregs í
þessari viku. Í Skagafirði fæst
hún í Skagfirðingabúð, Hlíðar-
kaup og KS Varmahlíð og
jafnframt í Lyfju á Sauðárkróki,
Blönduósi,, Hvammstanga og
Skagaströnd.
UMFJÖLLUN
Berglind Þorsteinsdóttir