Feykir - 12.05.2010, Síða 2

Feykir
Útgefandi:
Nýprent ehf.
Borgarflöt 1 Sauðárkróki
Póstfang Feykis:
Box 4, 550 Sauðárkrókur
Blaðstjórn:
Árni Gunnarsson,
Áskell Heiðar Ásgeirsson,
Herdís Sæmundardóttir,
Ólafur Sigmarsson og Páll
Dagbjartsson.
Ritstjóri & ábyrgðarmaður:
Guðný Jóhannesdóttir
gudny@feykir.is & 455 7176
Blaðamenn:
Páll Friðriksson
palli@feykir.is & 861 9842
Óli Arnar Brynjarsson
oli@feykir.is
Lausapenni:
Örn Þórarinsson.
Prófarkalestur:
Karl Jónsson
Áskriftarverð:
284 krónur hvert tölublað
með vsk.
Lausasöluverð:
325 krónur með vsk.
Áskrift og dreifing
Nýprent ehf.
Sími 455 7171
Umbrot og prentun:
Nýprent ehf.
Óháð fréttablað á Norðurlandi vestra - alltaf á fimmtudögum
2 Feykir 18/2010
Leiðari
Förum að ganga í takt
Ég verð að játa að ekki leið mér neitt betur eftir að
Hreiðar og Magnús fóru í grjótið. Ekki það að ég sé ekki
þeirrar skoðunar að þeir eigi ekki að vera þar hafi þeir
brotið af sér heldur kannski vegna þess að vera þeirra þar
leysir á engan hátt minn vanda. Sem snýr að því að minn
gamli banki Íslandsbanki á Ísafirði er búinn að ákveða
að mitt nafn sé svo gott að þau sem vilja yfirtaka íbúðina
mína þar fá ekki til þess leyfi. Þau standast jú greiðslumat
en forsagan er ekki flekklaus og þar af leiðandi er betra að
láta mig dingla í snörunni. Ég hef jú alltaf staðið í skilum.
Mikið vildi ég óska þess að stjórnvöld myndu hætta að
hugsa of mikið um fortíðina, hætta að setja löggjafir um
gæluverkefni og fara að takast á við vanda heimilanna
í landinu þannig að venjulegu fólki verði gert kleift að
standa í skilum í samræmi við þau plön sem lagt var upp
með. Ég held að þegar upp verður staðið komi það með
að ganga lengra í átt að lausn kreppunnar en nokkrir
hvítflibbar í fangelsi, það getur komið samhliða eða síðar.
Lausnin er ekki heldur fólgin í því að skipta um ríkisstjórn
og einhverjir aðrir komist að með sín gæluverkefni.
Lausnin er fólgin í því að allir fari að ganga í takt og
vinna saman í að finna leiðir til þess að sem flestir geti
staðið í skilum og um leið átt þak yfir sitt höfuð.
Ég auglýsi hér með eftir skjaldborginni sem okkur var
lofað.
Guðný Jóhannesdóttir
ritstjóri Feykis
Skagaströnd
Engar
kosningar
í vor
Ljóst er að ekki þarf að
kjósa til sveitarstjórnar á
Skagaströnd þar sem
einungis einn listi býður
þar fram. Veittur var
lögbundinn tveggja daga
frestur til þess að annað
framboð mætti koma
fram en svo var ekki.
Eru fulltrúar Skagastrand-
arlistans því sjálfkjörnir
aðal- og varamenn í sveit-
arstjórn Skagastrandar næstu
fjögur árin.
Skagafjörður
Lögregla leggur hald á
töluvert af fíkniefnum
Lögreglan á Sauðárkróki
handtók á dögunum tvo aðila
þegar þeir hugðust sækja
pakka sem komið hafði með
flugi til Sauðárkróks.
Í pakkanum reyndust vera
um 70 grömm af maríjúana sem
í daglegu tali er kallað gras og er
ein af afurðum Kannabis
plöntunnar.
Þessum 70 grömmum hafði
verið pakkað í smærri pakkn-
ingar og leikur grunur á að efnið
hafi verið ætlað til sölu. Við
húsleit sem framkvæmd var í
framhaldi handtökunnar fund-
ust áhöld til neyslu fíkniefna og
einnig töluverðir fjármunir. Eftir
skýrslutöku var aðilunum sleppt.
Málið er enn í rannsókn og er
það unnið í samvinnu við lög-
regluna á Siglufirði.
Lögreglan vill árétta að hægt
er að koma nafnlausum upp-
lýsingum til lögreglu í gegn um
heimasíðu lögreglunnar á
Sauðárkróki og í gegn um fíkni-
efnasímann 800-5005.
Jarðgerð gjaldþrota
Lífrænn úrgangur
til Akureyrar
Umhverfisnefnd
Skagafjarðar hefur ákveðið
vegna tímabundinnar stöðu
jarðgerðarinnar á
Sauðárkróki að semja við
Flokkun ehf á Akureyri um
móttöku á lífrænum
úrgangi.
Jarðgerð efh. var í eigu
Kjötafurðastöðvar KS, Fisk,
Flokku og Sveitarfélagsins
Skagafjarðar en fyrirtækið
hefur nú verið tekið til gjald-
þrotaskipta.
Aðalskuldunautur Jarð-
gerðar er Byggðastofnun en
lán Jarðgerðar var í jenum og
hafa skuldir fyrirtækisins
þrefaldast á sama tíma og ekki
hefur komið jafn mikið inn af
hráefni og rektaráætlanir
gerðu ráð fyrir. Skiptastjóri
þrotabúsins er Stefán Ólafsson
á Blönduósi.
Fljót
Íbúar gefa
heitan pott
Halldór G. Hálfdánarson
hefur fyrir hönd íbúa í
Fljótum óskað leyfis til að
endurnýja heitan pott
sem er í sundlauginni á
Sólgörðum.
Snúa hugmyndir heima-
manna að því að skipta út
núverandi potti og setja
annan stærri eða tvo jafnstóra
þeim gamla. Í bréfinu segir
að sveitarfélagið muni ekki
bera nokkurn kostnað af
framkvæmdinni og fyrir
liggi fjármagn, loforð um
efni og vinnu vegna þessa.
Á fundi byggðarráðs þakkaði
ráðið frumkvæði íbúanna og
samþykkti á ofangreindum
forsendum að veita leyfi til
að endurnýja núverandi pott
með öðrum stærri, enda séu
öll tilskilin leyfi til staðar.
Gagnaver á Blönduósi
Eldgos hræðir
Greenstone-menn
Greenstone ehf og sveitar-
félög í Austur-Húnavatnssýslu
hafa framlengt viljayfirlýsingu
um byggingu gagnavers á
Blönduósi en áður höfðu
menn vonast til að endanleg
ákvörðun um bygginguna yrði
tekin í apríl.
Greenstone vill bíða og sjá
hver þróun eldgoss í Eyjafjallajölki
verður sökum ótta við mögulegt
öskufall frá gosinu.
Viljayfirlýsingin hefur nú
staðið í 18 mánuði og spurning
hvað nú verði. Um mikla
hagsmuni er að ræða fyrir allt
Norðurland vestra enda um
gríðarlega stóra framkvæmd að
ræða.
Kidka á Hvammstanga
Mikil aukning
á útflutningi
Mikil aukning er á sölu
prjónaðra voða til Rússlands
frá Kidka á Hvammstanga en
þar er rekin prjónastofa og
túristaverslun. Gert er ráð
fyrir 50 % söluaukningu milli
ára.
Kidka sem er fjölskyldu-
fyrirtæki þeirra Kristins Karls-
sonar og Irinu Kamp á Hvamms-
tanga, hefur undanfarin ár
framleitt og selt prjónaðar voðir
til Rússlands. Í fyrra voru sendir
út fjórir 20 feta gámar af
framleiðslunni en í ár stefnir í að
þeir verði alls sex, sem mun vera
nálægt 18 tonnum. Alls starfa
fimm manns á prjónastofunni
sem skapar þó fleiri störf því að á
Sveinsstöðum er rekin sauma-
stofa þar sem saumaðar eru
flíkur úr prjóninu.
Kristinn segir að gengið sé
mjög hagstætt núna fyrir
útflutninginn og sýnir í raun hve
vitlaust það hafi verið skráð þegar
svokallað góðæri gekk yfir. –Það
skiptir máli hvernig gengi
krónunnar er og þarf að skoða
það hverjir eru að búa til alvöru
peninga, en ekki eitthvert
papparusl, segir Kristinn.
Við prjónastofuna er rekin
túristaverslun þar sem ýmsar
vörur er á boðstólnum og hefur
fólk átt þess kost að ganga
gegnum fyrirtækið og skoða
framleiðsluferli vörunnar.
Kristinn segir að verslunin hafi
tvöfaldast undanfarin ár með
fjölgun ferðamanna þá sér-
staklega á síðasta ári og hann er
bjartsýnn á komandi sumar.
Hvammstangahöfn
Gamall
eikarbátur
til sölu
Húnaþing vestra býður til
sölu mb. Sif HU-39, sem
hefur skipaskrárnúmer
0711. Sif er 57 BRL
eikarbátur smíðaður í
Njarðvík árið 1956 er án
haffærnisskírteinis og
ekki sjófær.
Áhugasamir hafi sam-
band við Pétur Arnarsson,
hafnarvörð, sem einnig veitir
nánari upplýsingar í síma
895-1995.