Feykir - 02.02.2012, Blaðsíða 8
8 Feykir 05/2012
Heilir og sælir lesendur góðir.
Það er Ingólfur Ómar sem orðar þetta djöfuls
tíðarfar í fjórum línum á eftirfarandi hátt.
Vetrartíðin geysi grimm
gerir víða baga.
Ofanhríðin æði dimm
oft vill lýðinn plaga.
Kannski má halda áfram með góðgæti úr
Skagafirði. Hjörleifur Jónsson á Gilsbakka
fann oft til þess hve aðstaða hans var erfið
til að sinna huglægum viðfangsefnum. Um
þær hugleiðingar mun hann hafa ort þessa.
Mín er sálin kreppt í kút
kraftlítil að glíma.
Vill þó skyggnast eitthvað út
yfir rúm og tíma.
Hjörleifur var alla tíð sveitamaður og góður
bóndi. Hann rifjar svo upp geðþekkar
minningar frá smalaárunum.
Áður gekk ég gróna jörð
gleymdi að telja sporin
þar, sem lítil lambaspörð
lágu dreifð á vorin.
Á efri árum lítur Hjörleifur yfir farinn veg
og rámar í að freistingarnar hafi verið drjúg
margar
Forðum ótt mig yfir bar
anda studdur kvikum.
Meðan leiðin vörðuð var
vonaljósa stikum.
Fyrr var ég í syndum sæll
Sjafnar vermdur glóðum.
Er nú bara aumur þræll
yfir köldum hlóðum.
Reynist flest í veröld valt
veltur margt úr skorðum.
Ég er sjálfur orðinn allt
öðruvísi en forðum.
Sá magnaði íslenski bóndi Eysteinn G.
Gíslason í Skáleyjum hefur ort margar
snjallar vísur og limrur á sinni vegferð. Þessi
limra á vel við í dag.
Þjóðin er orðin að ambátt
auralaust hyskið er framlágt,
ráðamenn standa
í stöðugum vanda
stundandi lífsgæðasamdrátt.
Einhverju sinni er mikil tíðindi spurðust
um ástir kóngafólks hjá hinum bresku, orti
Eysteinn.
Hugþekkar hefjast til skýjanna
hátignir Dana og Svíanna.
En vert er að geta
um vandamál Breta
vesalings Kalli og Díana.
Svo fréttist af sveitapíunni sem skrapp suður.
Vísnaþáttur 563 Hún Systa var sexý og kóketten svo varð hún dálítið ólétt.Hún hleypur um nætur
náföl og grætur
ælandi oft fram á klósett.
Síðan berast fréttir úr hinum stóra heimi
alla leið frá Japan.
Ungmeyja austur í Japan
öslaði hnédjúpan krapann.
Rakst þar á Kana
hann klóraði hana
þá réðst hún á dónann og drap hann.
Hentar vel nú að rifja upp þessar ágætu
vetrarvísur sem ég held að séu eftir Jón M.
Melsteð.
Það mun hrífa huga þinn
heims frá grýttum vegi.
Horfa upp í himininn -
helst á vetrardegi.
Norðurljósin leika sér
loftið bláa gylla.
Óteljandi hnatta her
himingeiminn fylla.
Man eftir fleiri vísum í svipuðum dúr
held að rétt sé munað að höfundur sé Karl
Friðriksson frá Hvarfi í Víðidal. Bið lesendur
að leiðrétta mig ef þeir vita betur.
Stjörnur lykja loftið þétt
leiftrum kvikum strjála.
Norður- blika ljósin létt
líkt og hvikul sála.
Yrðu færri manna mein
minna skuggans veldi.
Væri sálin heið og hrein
sem himinn á svona kveldi.
Það mun hafa verið Adolf I. Petersen sem
orti svo fallega vetrarvísu.
Máninn skín og skreytir blá
skaut með stjörnu rósum.
Björtum ljóma bregður frá
bjarma af norðurljósum.
Önnur vísa kemur hér eftir Adolf
Næturhiminn næturglóð
nætur -stjörnu- hringur.
Á næturhörpu næturljóð
næturgalinn syngur.
Í síðasta þætti birti ég grínvísu sem ort var
vegna auglýsingar frá KS í sláturtíð. Hef nú
fengið þær upplýsingar, sem ég þakka fyrir,
að höfundur hennar sé Ingimar Bogason á
Sauðárkróki. Var seinni hluti vísunnar ekki
rétt með farinn hjá mér en á að vera svo.
Kaupfélagið hyggst í haust
hausana taka af bændum.
Verið þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
Berglind Guðmundsdóttir
hefur umsjón með liðfimi
og kristinni íhugun sem
hóf nýverið göngu sína á
miðvikudagskvöldum í
safnaðarheimili Hvamms-
tangakirkju. Blaðamaður
Feykis hafði samband við
Berglindi til að forvitnast um
þessa nýjung.
„Liðfimi er í raun efnisleg
þýðing á jóga yfir á íslensku
en þetta eru svipaðir tímar
og ég var með þegar ég bjó á
Skagaströnd. Nú er ég að þróa
jógað áfram með kristinni
íhugun, sem er í raun nýtt fyrir
mér líka en mér finnst alveg
frábær tilhugsun að hægt sé
að fara í kirkjuna sína, fara
í slökun, lesa upp bænir og
tengja saman líkama og sál,“
segir Berglind en hún fluttist
til Hvammstanga árið 2010
þegar eiginmaður hennar,
sr. Magnús Magnússon,
gerðist sóknarprestur á
Hvammstanga. Magnús er
frá Staðarbakka í Miðfirði en
Berglind er úr Kópavogi.
Hvenær byrjaðir þú að
stunda jóga? „Pabbi var
sjálfmenntaður jógakennari
þannig að ég byrjaði að sprikla
í kringum hann ung að aldri
en ég stundaði þetta ekki að
neinni alvöru fyrr en síðar
meir,“ svarar Berglind en hún
aflaði sér kennsluréttinda
í jóga árið 2002. Sem fyrr
segir hóf hún að kenna jóga
þegar hún bjó á Skagaströnd.
„Ég hef verið að hugsa um
það í þónokkurn tíma að
byrja með jógatímana aftur,
alveg síðan ég flutti hingað
á Hvammstanga. Ég vildi
Liðfimi og kristin íhugun í Hvammstangakirkju
Gott fyrir andlega heilsu
fara rólega af stað og kanna
áhugann,“ segir Berglind en
hún fékk leyfi hjá sóknarpresti
og sóknarnefndinni til
að bjóða upp á Liðfimi
og kristna íhugun sem
hluta af safnaðarstarfi
Hvammstangakirkju og er
það opið öllum þeim sem
vilja taka þátt.
Hvernig kom hugmyndin
upp að tvinna kristna íhugun
saman við jóga? „Ég hef
heyrt að boðið hafi verið upp
á samskonar tíma á Akureyri
og í Reykjavík. Ég kynntist
tengingu jóga og kristinnar
íhugunar fyrst þegar ég sótti
námskeið í Skálholti árið
2006 og ég hreifst þegar að
hugmyndinni. ,,Þar gerðum
við sólarhyllinguna, sem er
þekkt jógaæfingaruna, og
samtvinnuðum Faðir vor inn
í þá runu,“ útskýrir Berglind
og heldur áfram: „Ég tek mið
af þeim æfingum en er einnig
að prófa mig áfram.“
Berglind var með fyrsta
tímann miðvikudaginn 18.
janúar við góðar undirtektir.
„Það komu níu manns í fyrsta
tímann og svo viku síðar voru
þátttakendur 15, sem betur
fer var búið að rýma aðeins
til í safnaðarheimilinu,“ segir
Berglind og hlær. „Það leið
öllum vel eftir á og allir voru
mjög afslappaðir. Góð slökun
undir bljúgri bæn eftir góðar
æfingar er gott fyrir andlega
heilsu.“ /BÞ