Feykir - 09.02.2012, Blaðsíða 4
4 Feykir 06/2012
Aðför að lífsgæðum
Frístundasvið hefur nú sent
frá sér breytingar á
opnunartíma sundlauga
sveitarfélagsins. Markmið
með breytingunum er að
skerða þjónustu en jafnframt
að auka tekjur. Erfitt er að sjá
hvernig ná eigi fram þessum
markmiðum þegar fólki er
gert erfiðara fyrir með að
nálgast þjónustuna.
Skagfirðingar hafa verið
þeirrar gæfu aðnjótanda að
eiga ógrynni af heitu og góðu
vatni. Því fylgja ákveðin
forréttindi og í raun lífsgæði
að eiga þessa auðlind. Enginn
efast um að það kostar
peninga að eiga og reka
sundlaugar sem og önnur
íþróttamannvirki. Margir líta
á rekstur þessara húsa sem
sjálfsagða þjónustu við íbúa
héraðsins og hingað til hafa
það verið einkunnarorð
stjórnenda sveitarfélagsins að
auka lífsgæði íbúa og á
tyllidögum hafa þessi lífsgæði
verið tíunduð í markaðs-
setningu sveitarfélagsins. Þá
má heldur ekki gleyma því að
skerðing á þessari þjónustu
rímar illa við markaðssetn-
inguna “Ísland allt árið“ og
Skíðaparadís í Skagafirði.
Í sundlauginni í Varmahlíð
á nú að stytta opnunartíma á
kvöldin um klukkustund yfir
vetrarmánuðina. Lokað
verður kl. 20:00 í staðin fyrir
21:00. Þessi breyting hefur
mikið rask í för með sér fyrir
viðskiptavini sundlaugarinnar
sem að jafnaði hafa verið að
koma í laugina eftir kl. 19:30
samkvæmt upplýsingum
starfsmanna sundlaugarinnar.
Þá er rétt að geta þess að ekki
er langt síðan að opnunar-
tíminn var styttur um ½ tíma,
úr 21:30 í 21:00. Á rúmu ári
hefur því opnunartími verið
skertur um 1 og ½ tíma á
kvöldin. Kvöldopnun í sund-
lauginni í Varmahlíð er íbúum
framhluta Skagafjarðar jafn
mikilvæg og morgunopnunin
í sundlaug Sauðárkróks, enda
er þetta ákveðin menning eða
lífsmunstur sem hefur þróast í
áranna rás.
Starfsmenn og nemendur
Meðferðarheimilisins á Há-
holti hafa verið fastagestir
sundlauganna í Skagafirði frá
upphafi þeirrar starfsemi árið
1993. Eru sundlaugaferðir
liður í dagskrá og allajafnan er
farið á hverju kvöldi í sund-
laugina í Varmahlíð. Undir-
ritaður lítur á skerðingu
opnunartíma því alvarlegum
augum enda mun hún hafa
slæmar afleiðingar fyrri starf-
semina. Sundferðir eru góður
afþreyingarkostur og styttir
mjög kvöldin á heimilinu fyrir
nemendur þar sem ekki er nú
í marga aðra afþreyinga að
leita á svæðinu. Ekki má
heldur gleyma því að sund er
afar heilsusamleg afþreying og
líkamsrækt.
Þessi breyting á opnunar-
tíma mun skerða mjög mögu-
leika okkar á að nýta þennan
AÐSENT ARI JÓHANN SIGURÐSSON skrifar
Barna- og unglingastarf hestamannafélaganna í Skagafirði
Maraþon stórbingó
Sannkallað maraþon bingó
var haldið í Tjarnabæ
sunnudaginn 22. janúar
síðastliðinn. Bingóið var
haldið til styrktar Barna- og
unglingastarfi hestamanna-
félaganna í Skagafirði,
Léttfeta, Stíganda og
Svaða, en undanfarin ár
hafa félögin haldið saman
námskeið fyrir börn og
unglinga í félögunum.
Gaman var að sjá hversu
margir komu til að styrkja
starfið en rétt um 100 manns
tóku þátt í leiknum. Mjög
mörg fyrirtæki og einstaklingar
styrktu starfið með vörum og
gjafabréfum í vinninga og
komu þeir úr hinu ýmsu áttum
s.s járningar, reiðkennsla,
hjálmar, rækjur, handverk,
rafmagnsvörur, flúðasigling,
járningasvunta, o.fl. ofl.
Aðalvinningurinn var ekki af
verri endanum, gisting fyrir
tvo á Hótel Sögu og miðar í
Bláa lónið.
Það má með sanni segja að
vel hafi tekist til og viljum við
þakka öllum fyrirtækjunum og
einstaklingunum kærlega fyrir
sem lögðu okkur lið.
Verum sýnileg – alltaf
Nú á haustmánuðum stóð
Barna- unglingastarf hesta-
mannafélaganna í Skagafirði
fyrir því að safna í pöntun á
vetrarúlpum frá North Roch til
að nota í hestamennskunni.
Lógó Barna- og unglinga-
starfsins og styrktaraðilanna
var síðan prentað á úlpurnar í
bak og fyrir í endurskyni og
kemur það einstaklega vel út.
Fengum við styrki frá Arion
banka, Kaupfélag Skagfirðinga,
Landsbankanum og Sparisjóð
Skagafjarðar, færum við þeim
bestu þakkir fyrir. Til
athugunar er að gera jafnvel
eitthvað svipað í haust því
margar fyrirspurnir hafa borist
um hvar hægt væri að fá svona
úlpur. Tilgangurinn með þessu
verkefni var að veita börnum
okkar meira öryggi í umferð-
inni, hvort sem er gangandi
eða ríðandi. Það er því óhætt
að segja að ungir hestamenn í
Skagafirði séu mjög vel
„upplýstir“ og til algjörrar
fyrirmyndar í þessum efnum
eins og sjá má á meðfylgjandi
myndum.
Í lokin viljum við biðja þau
börn sem ekki hafa skráð sig í
vetrarstarfið að gera það hið
snarasta. Í vikulega starfinu eru
tímar á þriðjudögum og
fimmtudögum kl 17-21 og er
það ætlað þeim börnum sem
eru orðin töluvert vön, fædd
2003 og síðar. Helgarstarfið er
aðra hverja helgi frá kl 11-15
og er opið öllum börnum.
Fyrsti kennsludagur í vikulega
starfinu var þriðjudaginn 31.
janúar, en helgarstarfið hefst
helgina 4. – 5. febrúar.
Hægt er að fylgjast með niðurröðun
í holl á: www.lettfeti.net
stigandafelagar.123.is
svadafelagar.123.is
Hægt er að skrá sig á netfangi:
lettfetar@gmail.com eða í síma 847
2685 (Stína) og 894 7558 (Magga).
Texti: Rósa María
Myndir: Kristín Ármanns
Mikil spenna var á stórbingói hestamannafélaganna enda glæsilegir vinningar í boði.
Eins og sjá má eru nýju úlpurnar hjá unglingahreyfingu hestamannafélaganna vel sýnilegar í myrkri.
afþreyingarkost. Afleiðing-
arnar munu bitna á heimilinu
og ekki síður á rekstri sund-
laugarinnar þar sem tekjur
hennar munu skerðast. Við
lauslega samantekt telst mér
til að rekstraraðilar meðferðar-
heimilisins hafi greitt sveitar-
félaginu tæpar 200.000.- kr.
fyrir aðgang að sundlaugum
sveitarfélagsins á síðasta ári,
þar af var aðgangur að laug-
inni í Varmahlíð um 70%.
Ég vil að endingu skora á
yfirmenn Frístundasviðs og
stjórnendur sveitarfélagsins
Skagafjarðar að draga til baka
skerðingar á opnunartíma
sundlaugarinnar. Að halda
þeim til streitu er ekkert
annað en gróf aðför að lífs-
gæðum íbúa framhluta Skaga-
fjarðar auk þess sem þessi
breyting mun skerða mjög
möguleika meðferðarheimil-
isins til að halda úti heilbrigðri
afþreyingu á kvöldin.
Ari Jóhann Sigurðsson
Forstöðumaður
Meðferðarheimilinu Háholti
Leikfélag Blönduóss
Jakob ráðinn
leikstjóri
Leikstjórinn Jakob S.
Jónsson hefur ráðinn
leikstjóri hjá Leikfélagi
Blönduóss en verið er að
reyna að fá fólk til að taka
þátt í leikriti á þess vegum.
Að sögn Guðmundar Karls
Ellertssonar formanns
félagsins gengur það ekki
of vel þar sem vanti
aðstoðarfólk.
Haldinn var fundur fyrr í
vikunni en mæting ekki nógu
góð að mati Guðmundar sem
blásið hefur til annars fundar
á sunnudagsmorgun klukkan
10. Guðmundur segir að fólk
sé tilbúið að leika en það vanti
þá sem ekki eru síður
mikilvægir en það eru þeir
sem vinna á bakvið.
Guðmundur Karl er hóflega
bjartsýnn á framhaldið sem
ræðst af mætingu á sunnu-
daginn og hvetur hann áhuga-
sama að koma og taka þátt í
skemmtilegu verkefni. /PF