Feykir - 09.02.2012, Blaðsíða 10
10 Feykir 06/2012
Dagur leikskólans á Norðurlandi vestra
Söngur og gleði
Dagur leikskólans var haldin hátíðlegur um allt land sl.
mánudag og voru leikskólar á Norðurlandi vestra þar ekki
undanskildir. Þetta er merkisdagur í íslenskri leikskólasögu
því þennan dag árið 1950 stofnuðu frumkvöðlar
leikskólakennara fyrstu samtök sín.
Nemendur á eldra stigi leikskólans Ársala tóku lagið í
Skagfirðingabúð í tilefni degi leikskólans. Hópur búðargesta,
foreldra og annarra aðstandenda barnanna horfðu á prúða
barnahópinn syngja nokkur lög, m.a. skólasöng leikskólans sem
Anna Jóna Guðmundsdóttir leikskólastjóri samdi í tilefni dagsins.
Anna Jóna afhenti svo Ástu Björg Pálmadóttur sveitarstjóra
Skagafjarðar veggspjald með nokkrum vel völdum gullmolum
sem leikskólanemendur hafa látið frá sér.
Leikskólinn Ásgarður á Hvammstanga var opinn gestum og
gangandi sem gafst tækifæri til að skoða leikskólann og kynna sér
þær breytingar átt sér þar stað undanfarna mánuði, útfrá Flæði-
hugmyndafræðinni.
Foreldrar barna á leikskólanum Barnabæ á Blönduósi var
boðið að snæða morgunverð með börnum sínum. Eftir hádegi
héldu börnin á Fjallabæ, ásamt kennurum, á bæjarskrifstofuna
og afhentu Arnari Þór Sævarssyni bæjarstjóra veggspjald með
gullkornum leikskólabarna. /BÞ