Feykir - 04.10.2012, Blaðsíða 9
37/2012 Feykir 9
Heilir og sælir lesendur góðir.
Gaman að byrja þáttinn að þessu sinni með
vel gerðum hringhendum sem sá ágæti
hagyrðingur Ásgrímur Kristinsson frá Ási
í Vatnsdal mun hafa ort og sent vinkonu
sinni ef ég man rétt það sem ég heyrði fyrir
margt löngu um tilurð þeirra.
Ung þú dvaldir út í sveit
ekki taldir sporin.
Grimmt þó kaldi um grænan reit
gleymast aldrei vorin.
Þegar sól og sunnanblær
signdu hól og bala.
Þar sem fjólan fögur grær
fremst í skjóli dala.
Hugann bindur heima svið
hjala lindir tærar.
Það er yndi að una við
æskumyndir kærar.
Þú við Óðinn undir þrátt
yljuðu glóðir Braga.
Fæddust ljóð, er lék sér dátt
léttfætt stóð í haga.
Vart er orðinn aldur hár
ellin skorðar valla.
Andans forði og æskuþrár
uxu norðan fjalla.
Þó að frysti um fjöll og sæ
fé sé misst úr sjóði.
Sértu kysst af sól og blæ
svanninn listagóði.
Gaman að geta rifjað upp svo fallegar
vísur. Eins og lesendur vita er nú skollin
á okkur jarðarbörn svartaskammdegi. Til
hressingar á þeim dögum á við að heyra
svo vel um haustmál, sem ef ég man rétt
mun vera eftir Kristján Samsonarson frá
Bugðustöðum.
Þeim er ekki þungt um spor
þó að lengi nætur.
Sem að alltaf eiga vor
innst við hjartarætur.
Það mun vera Jón M. Melsteð sem er
höfundur að þessum.
Heyrum tímans háu raust
hér má ekki bíða.
Allir dagar endalaust
út í geiminn líða.
Ekkert líf í stendur stað
sterkum heims í glaumi.
Fjarar út og fellur að
fylgir tímans straumi.
Heims ei gæðum hafna ber
hér skal starfa og iðja,
meðan tími til þó er
treysta Guði og biðja.
Fagurt kvöld mig friðar best
Vísnaþáttur 579
flýr burt rauna kífið.
Skýin roðna, sólin sest
svona endar lífið.
Næst kemur smá skrýtin vísa sem mig
minnir endilega að sé eftir Vestur-
Íslendinginn Guttorm J. Guttormsson.
Vel gerð hringhenda þar á ferð án þess
að undirritaður skilji fyrir víst alla þá
orðgnótt.
Himingjólu hærra knúð
heims úr skjóli lágu.
Klýfur sólar sigling prúð
sundin fjólubláu.
Minnir að það hafi verið Konráð
Vilhjálmsson sem kenndur var við Sílalæk
sem eftirlét okkur hinum svo laglega
hringhendu.
Björt á fjalla bláum múr
breiðir allan ljóma.
Lind af hjalla hoppar úr
hjarns og mjallar dróma.
Kannski er of seint á tíma að fara að tala
um blessaða sólina en Þorleifur Jónsson frá
Skálateigi orti svo um hennar starfsemi.
Morgun sólar geislaglóð
gyllti njólu hvarma.
Grundir, hól og Græðis slóð
gullnum fól í bjarma.
Vilhelm Guðmundsson hefur kannski
verið við sólarupprás að yrkja sínar fallegu
vísur.
Sól af blundi svifin hljótt
saklaus undan lítur.
Meðan grund við glæsta nótt
gleðifundum slítur.
Sól í fangi sveipar grund
sær við dranga hrærist.
Eftir langan, blíðan blund
bros á vanga færist.
Kannski má bæta einni sólarvísu við sem
mig minnir að sé eftir Pál Guðmundsson á
Hjálmsstöðum.
Lof þér hátt um lög og ból
ljóða sáttir munnar.
Dýrðarmáttug mikla sól
móðir náttúrunnar.
Það kemur sér vel í þessari djöfuls vetrartíð
sem ríkt hefur nú í september að geta rifjað
upp í þáttarlokin eina snilldar góða eftir
Olla frá Hjaltabakka.
Snjóa tekur fram til fjalla
fölna í skyndi sumarblóm.
Drottinn er að afturkalla
útlaganna helgidóm.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
Samfylkingin undirbýr kosningaveturinn
Spennandi kosn-
ingar næsta vor
Á kjördæmisþingi Samfylkingarinnar
í norðvesturkjördæmi sem haldið
var á Blönduósi fyrir skömmu
var ný kjörstjórn skipuð en
henni er ætlað að sjá um að val á
framboðslista í kjördæminu verði
samkvæmt samþykktum. Svanhildur
Guðmundsdóttir formaður
Samfylkingarinnar í Skagafirði er ein
kjörstjórnarmanna og var hún spurð
um starfið framundan.
-Það er náttúrulega mjög mikilvægt mál
rétt framundan sem eru kosningarnar um
tillögur stjórnlagaþings þann 20. október
næstkomandi. Mér finnst verulega
mikilvægt að sem flestir segi skoðun
sína þar og nýti sér kosningaréttinn,
þetta er einstakt tækifæri fyrir okkur
öll, segir Svanhildur en að hennar mati
verða spennandi kosningar næsta vor.
-Heitustu málin verða væntanlega tengd
atvinnumálum, velferð, Evrópu, krónunni,
fiski og öðrum náttúruauðlindum. Hvað
sjálfa mig varðar þá finnst mér einnig
mikilvægt að halda í hugsjónina, mér finnst
jöfnuður í víðum skilningi vera það sem
skiptir mestu máli, mér er líka hugleikið
að auka vægi sveitastjórnarstigsins og tel
t.d. að allir sem hafa tekjur, hvað svo sem
menn kjósa að kalla þær, og eru að greiða
einhverskonar skatt eigi tvímælalaust að
greiða útsvar.
-Við í Samfylkingunni erum byrjuð að
undirbúa kosningaveturinn, settar hafa
verið reglur um val á framboðslista og eru
kjördæmisþing víðsvegar um landið að
koma sér saman um val á milli þeirra leiða
sem boðið er uppá. Við hér í norðvestur
völdum að vera með flokksval, þ.e. bara
skráðir flokksmenn geta tekið þátt og
fjögur efstu sætin verða kosin bindandi
kosningu.
Ég ásamt nokkrum öðrum var kjörin í
kjörstjórn sem á að sjá til þess að kosningin
um fyrstu sætin fari sómasamlega fram,
síðan verður það uppstillinganefnd hjá
okkur sem sér um að skipa frábæra fulltrúa
Svanhildur Guðmundsdóttir.
í sætin þar fyrir neðan. Við verðum með
fléttulista sem þýðir að það er kona og
karl til skiptis á listanum. Innan skamms
verður auglýst eftir framboðum og þá fara
hjólin að snúast, segir Svanhildur.
Í kjörstjórn voru valin: Björn Guð-
mundsson Akranesi, Júlíus Már Þórarins-
son Akranesi, Valdimar Guðmannsson
Blönduósi, Hulda Skúladóttir Snæfellsbæ,
Bryndís Friðgeirsdóttir Ísafirði, Svan-
hildur Guðmundsdóttir Skagafirði og
Steindór Haraldsson Skagaströnd. /PF
Björgunarsveitin Grettir
Stórbætir
bílakost
sinn
Björgunarsveitin Grettir á
Hofsósi hefur eignast
fullbúinn Ford F350 bíl. Að
sögn Brynjars Helga
Magnússonar formanns
Grettis styrkir nýi bíllinn
björgunarsveitina til muna
og gerir henni mögulegt að
taka þátt í vetrarverkefnum
á hálendinu við verstu
aðstæður.
Brynjar segir kaupin hafa
verið að frumkvæði velunn-
ara Grettis til nokkurra ára
en Finnur Reyr Stefánsson í
Bæ á Höfðaströnd afhenti
björgunarsveitinni bílinn
gegn 12 ára gömlum Land
Rover sem Grettir átti. Segir
Brynjar að bílaskiptin jafnist
á við 7-8 milljón króna styrk
til björgunarsveitarinnar og
að þeir hjá Gretti séu afar
þakklátir fyrir stuðninginn
og hinn öfluga bíl. /BÞ