Feykir - 01.11.2012, Blaðsíða 2

2 Feykir 41/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Dreifbýlistúttan
Einhvern veginn finnst mér togstreitan milli höfuðborgar-
svæðisins og landsbyggðarinnar vera sífellt að aukast og ekki
minnkaði hún eftir stjórnarskrártillögukosningarnar sem
nýlega voru á dagskrá. Eftir þær er komin upp óvissa um
hvort landsbyggðin haldi sínum þingmannafjölda eða ekki og
færist á suðvesturhornið, verði jafnt vægi atkvæða látið gilda.
Kannski er engin óvissa, þeim mun fækka. Spurt er hvort það
sé ekki bara sanngjarnt þar sem svo fáir búa úti á landi og
jafnræði skuli gilda í þessu. Ég skal ekki segja en það mætti þá
gilda jafnræði á öðrum sviðum líka. Það grunar mig að
landsbyggðin fái ekki til baka - í réttu hlutfalli - þau verðmæti
sem hún leggur til í okkar sameiginlegu sjóði. Umræðan fer
ansi oft á þá leið að um ölmusugjafir sé að ræða til að halda
uppi einhverjum byggðum sem líklega færi betur að leggja
niður þegar peninga er þörf í einhver verkefni. Á lands-
byggðinni, hvernig hún er svo afmörkuð, fer fram geysileg
verðmætasköpun sem allir njóta góðs af, ekki bara það
byggðalag sem hana elur.
Ég veit ekki, kannski er þetta eintómt blaður í enn einum
landsbyggðaleiða manninum. Hugsanlega fengi maður mest
fyrir peninginn að byggja tvær góðar blokkir við sundin blá
að erlendri fyrirmynd sem myndu rúma okkur dreifbýlis-
tútturnar og málið er dautt eins og einhver kynni orða það.
Páll Friðriksson
ritstjóri
Sláturtíð lokið á
Hvammstanga
Góð
meðalvigt
dilka
Síðasti sláturdagur hjá
SKVH á Hvammstanga var í
gær og hefur sláturtíðin
gengið mjög vel að sögn
Magnúsar Freys Jónssonar
sláturhússtjóra. Heildar-
slátrun fór uppundir 88
þúsund fjár sem er um
meira en á síðasta ári.
Meðalþyngd dilka að sögn
Magnúsar er um 400
grömmum meira en í fyrra
eða um 16,6 kg.
Magnús segir að vel hafi
gengið að selja á Banda-
ríkjamarkað og lítur út fyrir
30% aukningu milli ára.
Aðrir erlendir markaðir eru
ekki eins góðir og innan-
landsmarkaðurinn hefur
farið rólega af stað en virðist
eitthvað vera að rétta úr
kútnum.
Magnús segir sölutregðu í
Evrópu vera hluta af krepp-
unni sem vofir yfir álfunni
og segist hann að sjálfsögðu
finna fyrir því. /PF
Allraheilagramessa í Sauðárkrókskirkju
Vögguljóða-
tónleikar
Kammerkór Norðurlands
heldur Vögguljóðatónleika á
allraheilagramessu í
Sauðárkrókskirkju
sunnudaginn 4. nóvember nk.
Tónleikarnir hefjast kl. 20:30.
Þetta er þriðja árið í röð sem
kórinn flytur þessa efnisskrá,
og eru vögguljóð á
allraheilagramessu að verða
fastur liður í starfsemi
kórsins.
Eins og yfirskriftin ber með
sér samanstendur prógrammið
af íslenskum vögguljóðum,
nýjum og gömlum, sígildum
perlum sem og minna þekktum
gimsteinum. Tilgangurinn er að
laða samferðafólk inn úr kulda
og streitu, inn í vin kyrrðar, hlýju
og rökkurs þar sem tækifæri
gefst til að nema staðar og
minnast látinna ástvina. Allra-
heilagramessa (1. nóvember) og
allrasálnamessa (2. nóvember)
eru fornir hátíðisdagar í kirkju-
árinu og hafa orðið að einu í
hugum fólks; allraheilagramessa
var upphaflega tileinkuð minn-
ingu þeirra sem styrkt hafa
kristnina, trúarhetjum og
dýrlingum en allrasálnamessu
var komið á síðar, svo sálir
fátækara fólks fengju sérstakan
tilhugsunardag. Á Íslandi var
allrasálnamessa einnig þekkt
sem sálnadagur; þennan dag var
beðið fyrir sálum framliðinna
ástvina.
Lögð er áhersla á að skapa
hlýja og kyrrláta rökkurstemn-
ingu, magnaða töfrum íslenskra
vögguljóða. Stjórnandi er
Guðmundur Óli Gunnarsson.
Miðaverð 2000 kr.; ekki tekið við
greiðslukortum
Kammerkór Norðurlands
var stofnaður á haustdögum
árið 1998. Kórinn er skipaður
söngfólki frá ýmsum byggðum
Norðurlands, frá Sauðárkróki í
vestri til Kópaskers í austri.
Hann hefur haldið tugi tónleika
víða um land og hvarvetna
hlotið mikið lof áheyrenda og
gagnrýnenda. Árið 2011 var
kórnum boðið að koma fram á
íslenskri bókmenntahátíð í
Zofingen í Sviss. Síðustu ár
hefur kórinn einbeitt sér að
flutningi íslenskrar tónlistar og
hafa nokkur af fremstu
tónskáldum þjóðarinnar lagt
kórnum til verk. /SJ
HS er gert að skera meira niður en
sambærilegar stofnanir annað árið í röð
Óeðlileg aðför
að Heilbrigðis-
stofnuninni
Sveitarfélagið Skagafjörður
fékk Capacent til að vinna
greinargerð um fyrirhugaðar
fjárveitingar til Heilbrigðis-
stofnunarinnar Sauðárkróki
(HS) samkvæmt
fjárlagafrumvarpi fyrir árið
2013. Greinargerðin tekur
saman meginniðurstöður
greiningar og mats sem fólst
í því að kanna hvort
heilbrigðisþjónusta á
upptökusvæði HS væri gert
að skera meira niður en
önnur sambærileg svæði og
ef svo væri hvort á því gætu
verið efnislegar skýringar.
Á vef Svf. Skagafjarðar
segir að úttektin sé framhald
af greinargerð Capacent frá
nóvember 2011 þar sem rýnt
var í fjárveitingar til heil-
brigðisþjónustu á milli
nokkurra svæða. Verkefnið
frá fyrra ári var einnig unnið
fyrir Sveitarfélagið Skaga-
fjörð. Niðurstaða þeirrar
úttektar leiddi í ljós að
óútskýrður munur væri á
milli fjárveitinga til Heil-
brigðisstofnunarinnar Sauð-
árkróki og annarra svæða.
Greining og mat á fjárveit-
ingum leiðir fram að ekki
verður annað séð, eftir því
sem segir á vefnum, en að HS
sé gert að skera meira niður
en stofnanir með upptöku-
svæði sem telja verður í öllum
meginatriðum sambærileg og
hafi því minni fjárveitingar en
aðrir til að veita sambærilega
þjónustu.
Nokkuð dregur úr niður-
skurðarkröfu almennt fyrir
næsta ár miðað við árin á
undan en ljóst er að HS er gert
að skera meira niður en önnur
svæði annað árið í röð og í
þriðja sinn á fimm árum. /PF
Bætist í leikmannahóp
Tindastóls
Drew Gibson
væntanlegur
á Krókinn
Nýr leikmaður er
væntanlegur í herbúðir
Tindastóls í körfunni og ber
sá nafnið Drew Gibson en
búist er við að hann lendi á
laugardag. Samkvæmt
tölum sem fylgja myndbandi
af honum á YouTube er
Gibson um 190 cm hár og
90 kíló.
Þröstur Jónsson formaður
körfuknattleiksdeildar Tinda-
stóls segir að Gibson eigi að
vera í góðu leikformi og ætti
að styrkja leikmannahópinn
sem er á góðri siglingu eftir
sigur í síðasta leik. /PF
Hestamenn gleðjast í Húnaþingi
Efri-Fitjar ræktunarbú
ársins 2012
Uppskeruhátíð Hrossaræktar-
samtaka Vestur – Húnavatns-
sýslu og hestamannafélagsins
Þyts var haldin sl. laugar-
dagskvöld. Samkvæmt
heimasíðu Þyts voru veittar
viðurkenningar fyrir 3
stigahæstu hross í öllum
flokkum, ræktunarbú ársins
og hæst dæmda hryssan og
hæst dæmdi stóðhesturinn á
árinu fengu farandbikara frá
Hrossaræktarsamtökunum og
síðan fengu stigahæstu
knapar sínar viðurkenningar
frá Þyt.
Efri-Fitjar var valið sem
Ræktunarbú ársins 2012.
Knapar ársins eru; í ung-
mennaflokki Jónína Lilja
Pálmadóttir, í 2. flokki Vigdís
Gunnarsdóttir og í 1. flokki
Ísólfur L. Þórisson.
Uppskeruhátíð æskulýðs-
starfsins hjá hestamannafél-
aginu Þyti var einnig haldin á
laugardaginn en þar var farið
yfir starf ársins og vetrarstarfið
kynnt.
Á heimasíðu Þyts segir að
allir þátttakendur hafi fengið
viðurkenningu og smá gjöf frá
æskulýðsnefndinni. Viður-
kenningar voru veittar fyrir
Knapa ársins í barnaflokki og
unglingaflokki.
Karitas Aradóttir var valin
Knapi ársins í barnaflokki og
Helga Rún Jóhannsdóttir er
Knapi ársins í unglingaflokki.
Myndir frá viðburðunum fá
finna á heimasíðu Þyts. /BÞ