Feykir - 01.11.2012, Blaðsíða 4
4 Feykir 41/2012
Fyrir um mánuði síðan lauk
knattspyrnuvertíðinni á
Króknum. Keppnistímabilið
stóð í eina 5 mánuði, frá maí
og til loka september.
Undirbúningstímabilið var
hinsvegar í 6 mánuði, frá
nóvember til apríl og því fá
iðkendur okkar einungis um
einn mánuð í frí á hverju ári
sem staðfestir að knatt-
spyrnan er heilsársíþrótt.
Tindastóll var með alls 14
flokka á æfingum í sumar og
þar af 3 flokka fullorðinna sem
er meira en flestir geta státað af
og algjör undantekning í
samfélagi af okkar stærð. Fjöldi
iðkenda í sumar var um 250
talsins og keppnislið okkar léku
um 200 fótboltaleiki í opin-
berum mótum. Þar fyrir utan
var fjöldi æfingaleikja á undir-
búningstímabilinu sem og
gríðarlegur fjöldi leikja sem
yngri flokkarnir spiluðu á
hinum ýmsu mótum bæði hér á
landi og erlendis. Og ekki má
gleyma Landsbankamótinu og
Króksmótinu sem haldin eru
hér á Króknum, þar voru
leikirnir ekki fáir.
Það var margt jákvætt sem
gerðist á þessu starfsári og hægt
að telja upp marga hluti sem
hægt var að gleðjast yfir. En
vissulega voru einnig hlutir sem
hægt hefði verið að gera betur
og það er m.a. okkar hlutvert á
næsta tímabili, að læra af
reynslunni og gera enn betur.
Árangur m.fl. karla er líklega
það sem upp úr stendur en liðið
lék í 1. deild, í fyrsta sinn í mörg
ár. Liðinu var spáð falli af
spekingum landsins en kom
allra liða mest á óvart og átti
stórgott sumar. Liðið hafnaði í
8. sæti sem er árangur sem vel
er hægt að sætta sig við á fyrsta
ári í þessari erfiðu deild. Þessi
árangur kom ekki að sjálfum
sér heldur var það frábær
Frá knattspyrnu-
deild Tindastóls
leikmannahópur, innan vallar
sem utan sem skóp þennan
árangur. Æfingar og keppni
höfðu forgang og miklu var
fórnað til að ná árangri. Eftir
standa stoltir leikmenn sem
geta sannarlega borið höfuðið
hátt hvar sem þeir koma. Ekki
ætla ég að gera lítið úr
þjálfarateyminu sem leysti sitt
verk gríðarlega vel. Halldór
Jón (Donni) var skipstjórinn í
brúnni og með honum
störfuðu m.a. Guðjón Örn,
Haukur Skúlason og Stefán
Arnar. Þessi hópur á miklar
þakkir skildar fyrir frábært
starf. Góður sjúkraþjálfari
okkar, Helena Magnúsdóttir á
líka sinn þátt í þessu öllu en
hún tók á öllum verkefnum af
mikilli fagmennsku og kom
löskuðum leikmönnum á
lappir oft á undraverðan hátt.
Verið er að ganga frá því
að Halldór Jón Sigurðsson
(Donni) haldi áfram með
þjálfun liðsins enda hefur allt
starf hans verið afar faglegt og
farsælt. Donni er með UEFA-A
þjálfaragráðu og af mörgum
talinn einn efnilegasti þjálfari
landsins, enda ungur að árum
og fullvíst má telja að hann eigi
eftir að eiga glæstan feril á
þessu sviði. Það eru forréttindi
að hafa hann í okkar liði.
Lið Drangeyjar sem var
varalið Tindastóls var aðeins
hársbreidd frá því að komast í
nýja 3. deild á næsta ári. Með
þessu liði fengu margir leik-
menn eldskírn sína í m.fl.,
þroskuðust og tóku miklum
framförum. Þess má geta að
sama þjálfarateymi sá um lið
Drangeyjar og Tindastóls.
M.fl. kvenna stóð sig líka
með ágætum og náði því
markmiði sem sett var fyrir
tímabilið. Margar stúlkur
lögðu mikið á sig og fyrir það
má hrósa. Þó verð ég að segja
eins og er að ég hefði kosið að
ástundun hefði verið betri og
forgangsröðunin önnur hjá
öllum hópnum. Pétur
Björnsson þjálfaði liðið á liðnu
tímabili en hefur látið af
störfum að eigin ósk. Honum
er þakkað fyrir hans störf með
m.fl. kvenna. Guðjón Örn
verður vonandi næsti þjálfari
m.fl. kvenna en verið er að
vinna að því að ganga frá
ráðningu hans fyrir komandi
leiktíð. Guðjón Örn er með
UEFA-A þjálfaragráðu.
Það er líklega ekkert íþrótta-
félag eða bæjarfélag að okkar
stærð sem getur státað yfir því
að vera með töluvert fleiri en 60
einstaklinga á m.fl. æfingum á
sama tíma. Þessir einstaklingar
eru góðar fyrirmyndir barna og
unglinga og við erum gríðarlega
rík að eiga þessa einstaklinga
hér í okkar samfélagi.
Þjálfaramál yngri flokka
hafa verið töluvert í umræðunni
og verða sjálfsagt alltaf. Sitt
sýnist hverjum og allir hafa sína
skoðun á okkar þjálfurum og
þjálfunaraðferðum. Það hefur
heldur ekki alltaf verið auðvelt
að finna hæfa þjálfara sem geta
þjálfað á þeim æfingatímum
sem við höfum. Nú hefur
knattspyrnudeildin tekið afar
stórt skref og ráðið Dúfu Dröfn
Ásbjörnsdóttur sem knatt-
spyrnustjóra yngri flokka.
Dúfa Dröfn mun bæði þjálfa
ákveðna flokka, ásamt því að
halda utan um aðra þjálfun og
skipulag hennar. Einnig mun
það verða hlutverk hennar að
sjá um samskipti við foreldra-
ráðin og sjá til þess að þau verði
sem allra best. Dúfa Dröfn er
fædd árið 1982 og æfði og lék
með Tindastóli upp alla yngri
flokkana. Dúfa Dröfn er
íþróttakennari með UEFA-A
þjálfaragráðu og mikla reynslu
við þjálfun barna og unglinga
hjá stórum félögum á höfuð-
borgarsvæðinu. Dúfa Dröfn
hefur verið afar farsæl í starfi
enda eftirsótt bæði hér heima
og erlendis. Gert er ráð fyrir að
hún hefji störf í nóvember nk.
og flytjist þá hingað á Sauðár-
krók.
Yngri flokkarnir stóðu sig
ágætlega í sumar, oft á tíðum
við erfiðar aðstæður. En það er
alveg ljóst að aðstaðan eða
réttara sagt aðstöðuleysið yfir
langt undirbúningstímabil
(nóvember – apríl) er farið að
segja sitt og okkar börn að
dragast aftur úr þeim sem búa
við betri aðstæður. Það er
mikilvægt að foreldrar komi
með okkur í þann slag að fá
aðstöðuna bætta fyrr en seinna.
Okkar íþróttafólk ætti allt að
hafa góða aðstöðu til að geta
iðkað sína íþróttagrein. Körfu-
boltaiðkendur hafa frábæra
aðstöðu allt árið hér á Króknum
og er það aldeilis gott. En það er
fyrir löngu orðið brýnt að gera
úrbætur á aðstöðu knattspyrnu-
iðkenda á Sauðárkróki því að
hún er langt frá því að vera
boðleg, stóran hluta ársins.
Eins og aðstaðan er ljóm-
andi góð yfir sumarmánuðina
þá er hún að sama skapi alger-
lega vonlaus yfir vetrarmán-
uðina og fram í júníbyrjun.
Helsta æfingaaðstaða nær allra
flokka er litli leikvöllurinn/
sparkvöllurinn við Árskóla sem
er bæði mjög illa upplýstur og
þar af leiðandi hættulegur og
einnig töluvert minni en
samskonar vellir á Hofsósi,
Varmahlíð og á Hólum. Knatt-
spyrnudeildin fær vissulega
nokkra tíma í íþróttahúsinu á
Sauðárkróki en hefur á
undanförnum árum þurft að
púsla sínum tímum inn í
tímatöflu körfuboltans. Þetta
er ekki hvetjandi fyrir neinn en
engu að síður hefur verið reynt
að gera það besta úr hlutunum.
Staðan er nú sú, því miður,
að metnaðarfullir leikmenn
hafa margir tekið þá ákvörðun
að flytja suður a.m.k. yfir
vetrarmánuðina þar sem að-
staðan er allt önnur og betri og
þeir sjá fram á að taka fram-
förum á sviði knattspyrnunnar.
Að halda utan um knatt-
spyrnudeild Tindastóls er ekki
gert með annarri hendinni.
Starfið og verkefnin eru
gríðarlega umfangsmikil og
það þarf gott fólk til að koma að
fjölbreyttu starfi deildarinnar.
Eins og fram hefur komið er
nýtt og spennandi tímabil
framundan. Þó er sú forsenda
fyrir því að halda áfram, að gott
fólk fáist til starfa sem er tilbúið
að vinna að þessum verkefnum.
Knattspyrnudeildin mun ekki
senda neitt lið til keppni nema á
bak við þau sé meistaraflokksráð
karla og kvenna, barna- og
unglingaráð og foreldraráð
hvers og eins flokks.
Þeir sem eru tilbúnir að
leggja sitt að mörkum og slást í
hóp okkar eru beðnir að hafa
samband við okkur sem allra
fyrst því nauðsynlegt er að hafa
þessi ráð starfandi. Það má
segja að boltinn sé hjá ykkur.
Ég vil að lokum þakka öllum
þeim sem komið hafa að stafi
knattspyrnudeildarinnar á
síðasta starfsári fyrir þeirra
þátt.
Ómar Bragi Stefánsson,
formaður knattspyrnudeildar
Tindastóls.
AÐSENT ÓMAR BRAGI STEFÁNSSON SKRIFAR
TIL SÖLU
JEEP GRAND CHEROKEE LAREDO 4.7
Árgerð 2002, ekinn 180 þ.km., næsta skoðun 2013,
Bíllinn lítur vel út, 2” upphækkun, 2 gangar af dekkjum,
margir aukahlutir. Myndir inn á
http://www.addisg.is/jeep2/IMG_1009.JPG
http://www.addisg.is/jeep2/IMG_1012.JPG
http://www.addisg.is/jeep2/IMG_1016.JPG
Nánari upplýsingar eru veittar í síma 859 1096.