Feykir - 01.11.2012, Blaðsíða 9
41/2012 Feykir 9
Taktu þátt – hafðu áhrif
Endurreisn íslensks
þjóðfélags
Nú eru rúmlega fjögur ár síðan
fyrrverandi forsætisráðherra
bað Guð að blessa Ísland. Allir
íslensku bankarnir urðu gjald-
þrota á skömmum tíma,
íslenska krónan féll og verð-
bólgan óð áfram. Íslenska
þjóðin stóð agndofa yfir
hvernig þetta gat gerst. Margir
töpuðu verulegum fjármunum,
skuldir jukust og verðlag
hækkaði og kaupmáttur rýrn-
aði. „Góðærið“ hafði verið
byggt á lagaumhverfi þess tíma
þegar gera átti Ísland að
fjármálamiðstöð heimsins.
Við þessar aðstæður tók ný
ríkisstjórn við vorið 2009, ríkis-
stjórn sem setti sér metnaðarfull
markmið. Hún ákvað að fara
blandaða leið í endurreisn
íslensks efnahagslífs og til að ná
jöfnuði í ríkisfjármálum. Sú
leið fól í sér að grípa til mikið
aðhalds og niðurskurðar á
útgjöldum ríkissjóðs um leið og
hækka skatta umtalsvert.
Ákveðið var að taka upp
þrepaskatt og auka álögur á þá
sem höfðu hærri tekjur og
reyna að hlífa þeim sem lægri
launin höfðu. Allir urðu þó
fyrir kaupmáttarskerðingu.
Skuldsetning heimila var
mjög mikil síðustu árin fyrir
hrun og lán ýmist verðtryggð
eða gengistryggð. Gripið var til
fjölda úrræða til að reyna að
leysa úr greiðslu- og skulda-
vanda fólks. Vaxtabætur hafa
greitt að meðaltali þriðjung
vaxtakostnaðar og allt upp í
45% hjá þeim tekjulægri. Mis-
skipting og ójöfnuður, sem
hafði aldrei aukist meira en árin
fyrir hrun, var stöðvaður og nú
er jöfnuður á Íslandi meiri en
víðast hvar.
Góðum áfanga náð
Endurreisn íslensks samfélags
hefur gengið betur en nokkur
þorði að vona í byrjun árs 2009.
Tekist hefur að aðlaga útgjöld
og tekjur ríkissjóðs þannig að
jöfnuði verður náð á næsta ári
og niðurgreiðsla lána getur
hafist í framhaldinu. Lækkun
vaxtakostnaðar ríkisins er
forsenda þess að við getum
styrkt velferðarkerfið að nýju.
Atvinnuleysi er innan við 5%,
sem er þó of hátt, verðbólga
4,2%, sem er einnig of mikið,
en meðaltal s.l. áratuga er þó
4,88%.
Nú erum við að fara inn í
nýtt ár, þar sem niðurskurði
ríkisútgjalda er að mestu lokið,
og þegar farið að bæta í að nýju.
Barnabætur munu hækka, sem
og greiðslur í fæðingarorlofi og
húsaleigubætur hækka. Heil-
brigðiskerfinu er hlíft við meiri
niðurskurði og undirbúningur
AÐSENT GUÐBJARTUR HANNESSON VELFERÐARRÁÐHERRA SKRIFAR
hafinn að því að bæta í að nýju.
Þannig verður stigið stórt skref
í tækjamálum heilbrigðisstofn-
ana strax.
En jafnvel þó árangurinn
hafi verið mun betri en vænta
mátti eru ótal verkefni óleyst.
Baráttan snýst þessar vikurnar
og mánuðina um það hvort
endurreisa eigi gamla Ísland
eða hvort við fáum frið til að
byggja upp nýtt og betra Ísland.
Sjálfstæðisflokkurinn boðar
aukinn niðurskurð og afnám
skatta og auðlindagjalds. Hinir
efnameiri og sérhagsmunirnir
skulu hafa forgang að nýju.
Þannig stjórnarfar vil ég ekki
aftur á Íslandi.
Nú stefnir loks í að þjóðar-
eign náttúruauðlinda verði
tryggð í nýrri stjórnarskrá. Öll
lagasetning þarf að taka mið af
þessu nýja ákvæði og um leið
tryggja að auðlindir verði ekki
framseljanlegar, úthlutun þeirra
verði til hóflegs tíma gegn gjaldi
og að jafnræðis verði gætt við
úthlutun þeirra.
Bjart framundan
Ég hef fengið tækifæri til að
taka þátt í endurreisninni.
Margt hefur áunnist, en enn er
verk að vinna. Ég hef leitast við
að leita lausna og ná sem víð-
tækustu samstarfi. Nú er komið
að skipulagðri uppbyggingu,
þar sem jafnt og þétt verður að
auka kaupmátt launafólks,
styrkja velferðarkerfið, bæta
hag barnafólks, tryggja áfram
gott heilbrigðiskerfi um land
allt, þar sem aðgengi er jafnt og
óháð efnahag. Sú vinna er hafin
og drög lögð að næstu áföngum.
Ég sækist eftir því að vera áfram
í forystuhlutverki í stjórnmál-
um og býð mig fram til að leiða
lista Samfylkingarinnar hér í
norðvesturkjördæmi.
Valið verður á framboðslista
með flokksvali og þeir sem ekki
eru þegar skráðir í Samfylk-
inguna geta skráð sig á vef
Samfylkingarinnar www.
samfylking.is og valið þar „Taktu
þátt“ og skráð sig fyrir 5.
nóvember nk. Kosið verður í
flokksvalinu með bréflegri
kosningu dagana 12. – 19.
nóvember nk. Allir skráðir
félagar fá senda atkvæðaseðla
heim.
Taktu þátt og hafðu áhrif!
Guðbjartur Hannesson
Velferðarráðherra
Frumsýning Fíusól í Bifröst 3. nóvember
Ævintýratæki
sem tosar til sín
skrautleg skrímsli
og lifandi furðuverur
Sæl og blessuð Fíasól. Það er
sko mikil eftirvænting fyrir
heimsókn þinni til okkar á
Krókinn, þar sem þú mætir í
Bifröst nk. laugardag, ásamt
besta vini þínum Ingólfi
Gauki. En getur þú sagt
lesendum Feykis aðeins um
það hvernig þú hefur það
þessa dagana og kannski
eitthvað aðeins meira um
þig?
Hvað ertu gömul og hvað
finnst þér skemmtilegast
að gera? -Ég er sko orðin
rosa stór, 8 ára gömul og
komin með margar margar
fullorðinstennur og allt. Mér
finnst laaaang skemmtilegast
að stríða Pippu systir minni
því hún bara þolir það ekki
(flisss) og svo finnst mér líka
svakalega skemmtilegt að
lenda í öllum þeim ævintýrum
sem bara koma til mín alveg að
sjálfu sér sko… Ég held að ég
sé með svona tæki í maganum
sem laðar að sér alls konar
ævintýri.
Hvað ert þú að fara að
gera í Bifröst? -Ég er sko
að fara að hitta fuuuullllt af
skemmtilegum krökkum. Ég
er svooo spennt, alveg út í geim
og alla leið í kringum tunglið
og heim aftur svo mikið er ég
spennt!
Verða einhverjir fleiri með
þér en Ingólfur Gaukur?
-Jebbs, mamma og pabbi en ég
skil ekkert í að mamma skuli
vera að leggjast í svona ferðalag
í þessu brjálaða veðri því hún
er hundlasin sko. Pabbi þurfti
að vinna hérna á Króknum og
systurnar Pippa og Bidda vildu
koma með líka og þá þurftum
við auðvitað að taka Hansínu
og Jensínu með því ekki getum
við skilið þær eftir heima. Ég
veit ekki hverju þær gætu nú
tekið uppá ef engin er að passa
þær.
Mér skilst að þú sért rusla-
drusla, er það rétt? -Nööötsjj,
hver var að segja það? Varstu
nokkuð að tala við hann Ingólf
Gauk???
Hvað finnst vini þínum
honum Ingólfi Gauki um
það? -Bíddu nú hæg, ég þarf
aðeins að ræða betur við besta
vin minn hann Ingólf Gauk
núna sko.
Getur þú sagt frá einhverju
skrýtnu eða spennandi sem
gerist í sýningunni? -Úfff, ég
veit sko ekki alveg hvernig ég
á að svara þessari spurningu.
En þeir sem eru með svona
ævintýratæki í maganum, þú
veist sem að tosar til sín alls
konar ævintýri og hrekki og
skrautleg skrímsli og lifandi
furðuverur þá getur margt
skrýtið og svakalega fyndið
gerst.
Er eitthvað fleira sem þú vilt
segja við áhorfendur? -Blessjú
klessjú pressjú dásamlegu
krakkar (og sumir fullorðnir
sko). Hlakka til að sjá ykkur
í Hosiló. Veriði svo ævinlega
margsæl og blessuð. /BÞ