Feykir - 24.01.2013, Blaðsíða 2

2 Feykir 03/2013
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
Samfylkingin leitar að leiðtoga
Feykir á flakki
Hundrað ára Húnvetningur
Formannskjör
stendur sem hæst
Sendur á Blönduós
Hrókur alls
fagnaðar
Góður rekstur Ístex á Blönduósi
Hagnaðist um 77
milljónir króna
Ullarvinnslufyrirtækið Ístex
hf. skilaði 77 milljóna króna
hagnaði á síðasta ári
samanborið við 60 milljónir
árið 2011. Velgengnina má
rekja til góðs árangurs sem
náðst á erlendum mörkuðum,
en einnig var vöxtur á
innanlandsmarkaði, þó mun
minni. Þetta kom fram á
aðalfundi félagsins sem
haldinn var fyrr í mánuðinum.
Á vefsíðu Landssambands
Sauðfjárbænda kemur fram að
tekjur félagsins í heild jukust um
rúm 10% á milli ára. Skuldir
lækkuðu jafnframt um 74
milljónir króna, bæði vegna
niðurgreiðslu í ljósi góðrar
afkomu og leiðréttinga lána.
Heildarskuldir hafa lækkað um
nær 180 milljónir króna á síðustu
árum.
Samþykkt var á fundinum að
greiða 20% arð á hlutafé eins og
sl. tvö ár. Arðgreiðslan miðast
við heildarhlutafé og nemur 11,9
milljónum í heild. Landssamtök
sauðfjárbænda eiga 15,5% hluti í
Ístex. /BÞ
LEIÐARI
Er perri í nágrenninu?
Miklar umræður hafa verið í fréttum og fréttatengdum
þáttum undanfarið um barnaníðinga og afbrot þeirra og
margir komið fram sem telja að á sér hafi verið brotið á
einhvern hátt. Hið jákvæða við umfjöllunina er að gerendur
eru stoppaðir og fórnarlömb fá uppreisn æru, eða í það
minnsta ná að einhverjum hluta að taka til í löskuðum
tilfinningum. Hitt er svo annað mál að búið er að fjölmiðlavæða
vandamálið og markaðssetja óttann að einhverju leyti og þarft
að velta því fyrir sér hvort ekki sé nóg komið. Ekki má
þjóðfélagið ganga út á það að foreldrar þori ekki að senda
barnið sitt í einhverja tómstundaiðju af ótta við að eitthvað
geti hugsanlega gerst af því að stjórnandinn er miðaldra
karlmaður. Eins getur verið hættulegt að gefa í skyn, hvort
sem er milli manna eða á samfélagsmiðlum, að perri eða
barnaníðingur búi í nágrenninu án þess að haldbær rök búi
þar að baki. Erfitt getur reynst að snúa ofan af slíkum
ásökunum reynist þær rangar. Séu þær hinsvegar réttar á ekki
að hika við að ræða við fagaðila eða lögreglu og málið þá
komið í réttar hendur. Börnin okkar þurfa að fá faglega
umræðu um þessi mál svo þau geti betur gert sér í hugarlund
hvað ber að varast og hvernig skuli bregðast við ef raunveruleg
hætta er á ferðum. Þau mega ekki óttast það að miðaldra
karlmaður heilsi þeim úti á götu og spyrji hverra manna þau
séu. Páll Friðriksson, ritstjóri
Stjórnskipulag og skipurit Húnaþings vestra
Róttækar breytingar
Miklar breytingar eru í
vændum á stjórnskipulagi og
skipuriti Húnaþings vestra en
sveitarstjórn samþykkti á
fundi sínum á dögunum að
ráðist verði í breytingar í
samræmi við tillögur
starfshóps um samþykktir og
stjórnsýslu sameinaðs
sveitarfélags Bæjarhrepps og
Húnaþings vestra og
samantekt og tillögur KPMG.
Meðal aðgerða sem lagt er til
að ráðist verður í er að
menningar- og tómstundaráð
verði lagt niður en
menningarmál verði hjá
byggðarráði og íþrótta- og
tómstundamál verði hjá
fræðsluráði. Þá er einnig
hugmynd um að þjónustusviðin
verði tvö, annarsvegar
Fjölskyldusvið og hins vegar
Framkvæmda- og umhverfis-
svið. Stoðsvið verði eitt,
Fjármála- og stjórnsýslusvið.
Einnig er áætlað að hlutverk
þjónustumiðstöðvar (áhalda-
húss) og eignasjóðs verði
samþætt og einn rekstrarstjóri
verði yfir báðum verkefnum og
að hafnarvarsla færist undir
verksvið þjónustumiðstöðv-
arinnar. Lagt er til að nýtt
stjórnskipulag og skipurit taki
gildi þann 1. apríl 2013.
/BÞ
Allsherjaratkvæðagreiðsla um
nýjan formann Samfylking-
arinnar hófst sl. föstudag og
stendur til mánudagsins 28.
janúar. Kosið er með
rafrænum hætti á heimasíðu
Samfylkingarinnar en einnig
var hægt að fá atkvæðaseðil
sendan í bréfpósti á
lögheimili en slík beiðni þurfti
að berast fyrir síðasta
mánudag.
Sem kunnugt er bítast þeir
um formannssætið Árni Páll
Árnason og Guðbjartur
Hannesson og hafa þeir fundað
um allt land síðustu vikurnar.
Seinnipart þriðjudags höfðu
rúmlega 2300 flokksfélagar
greitt atkvæði rafrænt í
formannskjörinu, samkvæmt
heimasíðu flokksins, og tæplega
450 flokksfélagar óskuðu eftir
því að fá atkvæðaseðil sendan í
pósti. Póstleggja þarf
atkvæðaseðlana í síðasta lagi
mánudaginn 28. janúar. Þetta
mun vera stærsta rafræna
kosning sem fram hefur farið á
vegum stjórnmálaflokks hér á
landi. /PF
Ófremdarástand á þjóðvegum norðanlands
Óvenjulegar vetrarblæðingar
Svona var ástandið á hjólbörðum margra
bifreiða er fóru um þjóðvegi norðanlands.
Mynd: Vegagerðin.is
Vegagerðin hefur beðist
velvirðingar á þeim
óþægindum sem
vetrarblæðingar hafa valdið
vegfarendum undanfarið en
unnið er að hreinsun á vegum
þar sem tjörukögglar hafa
dreifst og mun halda því
áfram næstu daga haldi þetta
ástand áfram.
Samkvæmt upplýsingum frá
Vegagerðinni er erfiðara að eiga
við þá kafla þar sem
blæðingarnar eru upprunnar.
Tilraun verður gerð með að
dreifa steinefni í valda kafla í
næstu þýðu til að stemma stigu
við frekari blæðingum.
Vetrarblæðingar hafa verið
óvenju miklar að undanförnu en
mest hefur verið um blæðingar í
Húnavatnssýslum vestan við
Blönduós en tjörukögglar hafa
dreifst víða um vegakerfið á
Vestur- og Norðurlandi. Á
heimasíðu Vegagerðarinnar
kemur fram að ekki er
nákvæmlega vitað af hverju þær
verða en þar segir að líklega sé
um að ræða samspil tíðarfarsins,
þess að það skiptist á þýða og
frost, og þess að hálkuvarnir,
sand- og saltnotkun hefur verið
mikil síðustu vikur.
Vatn kemst niður í klæðinguna
en ekki lengra þar sem frost er
undir, þá geta nagladekk og
íblöndunarefni í klæðingunni
spilað inn í þetta ferli. Lífolía var
notuð á þeim köflum þar sem
mestu blæðingarnar eru.
Vetrarblæðingar, í mun minna
mæli, hafa þekkst síðan 1995,
þegar notuð voru önnur
íblöndunarefni.
Vegagerðin hvetur ökumenn
til þess að gæta varúðar,
sérstaklega þegar bílar mætast á
þessum svæðum. Mikilvægt er
að draga úr hraða þegar bílar
Síðasti Feykir var nokkuð seinn á ferðinni í Húnaþingi vestra og
barst áskrifendum ekki á réttum tíma. Samkvæmt útskýringum frá
Póstinum voru blöðin missend til Blönduóss á föstudag og því barst
Feykir ekki á Hvammstanga fyrr en á mánudag. Beðist er
velvirðingar á þessum töfum.
Ingibjörg Hjálmarsdóttir
Bergmann varð hundrað ára
þann 20. janúar, og fagnaði
því í hópi ættingja og vina á
Heilbrigðisstofnuninni á
Blönduósi. Á Mbl.is kemur
fram að þar hafi hún verið
hrókur alls fagnaðar, lék við
hvern sinn fingur, tók
duglega undir í fjöldasöng
og kvað meira að segja
stemmu með Sigurði
Sigurðarsyni dýra-
lækni.
Ingibjörg er afkomandi
Bólu-Hjálmars í fjórða lið.
Foreldrar hennar voru Hjálmar
Lárusson smiður og myndskeri
á Blönduósi (f. 1868, d. 1927)
og Anna Halldóra Bjarnadóttir
(f. 1888, d. 1964). Systkini
hennar voru Sigríður, Jón,
Ríkharður, Margrét, Kjartan og
Hjálmar Jón.
Sumarið 1938 giftist
Ingibjörg Guðmundi Jónassyni
Berg-mann trésmíðameistara
og bónda (f. 1909, d. 1987). Þau
bjuggu á Stóru-Giljá og Öxl.
Þau voru barnlaus en ólu upp
tvö fósturbörn.
Ingibjörg Bergmann býr nú í
Hnitbjörgum, íbúðum aldr-
aðra á Blönduósi, og er sögð
við góða heilsu. Sjá nánar á
vefsíðunni Langlífi.
/BÞ
mætast.
Þá verða sett upp sérstök
varúðarskilti vegna tjörublæð-
inganna og einnig skilti þar sem
varað er við steinkasti eða
tjörukögglum. /BÞ