Feykir - 24.01.2013, Blaðsíða 10

10 Feykir 03/2013 03/2013
Söngvarakeppni Grunnskóla Húnaþings
vestra
Dagrún Sól og
Hrafnhildur Kristín
sigurvegarar
Söngvarakeppni Grunnskóla Húnaþings vestra var haldin sl.
föstudagskvöld í Félagsheimilinu Hvammstanga. Að sögn
Sigurðar Þ. Ágústssonar skólastjóra stóðu keppendur sig
með prýði, húsið var fullt og stemningin fín.
Keppt var í tveimur
flokkum, yngri og eldri, og
voru sex keppendur í yngri
flokki og sjö í þeim eldri.
Sigurvegari í yngri flokknum
var Dagrún Sól Barkardóttir
og söng hún lagið Hallelujah
eftir Jeff Buckley með
íslenskum texta. Í öðru
sæti voru Júlía Jökulrós
Sveinsdóttir og Jóhann Smári
Reynisson en í því þriðja var
Emilía Ýr Bryngeirsdóttir.
Sigurvegari í eldri
flokknum var Hrafnhildur
Kristín Jóhannsdóttir með
lagið Minning með Björgvini
Halldórssyni og Mugison, en
lagið flutti hún með nýjum
texta og heitir lagið Þakklæti
og trú. Annað sætið vermdi
Jóna Margareta Júlíusdóttir
Lundberg og það þriðja
Ástríður Halla Reynisdóttir.
Að keppninni lokinni sá
nemendafélag skólans um
að skemmta nemendum
þar til plötusnúðurinn Dj.
Óli Geir kom frá Reykjavík
en samkvæmt Sigurði stóð
nemendafélagið sig með
prýði og var dansgólfið
kjaftfullt af krökkum þar til
plötusnúðurinn tók við.
Meðfylgjandi myndir
tók Karl Örvarsson
framkvæmdastjóri
Reykjaskóla. /BÞ
SAMVINNUBÓKIN og KS-BÓKIN
Þrír góðir kostir
til að ávaxta spariféð sitt
Ártorgi 1 550 Sauðárkróki & 455 4515
KS-bókin er með 2,25% vexti,bundin í 3 ár og verðtryggð.
Önnur KS-bók með innistæðu yfir 20 milljónir, 3,75% vextir.
Samvinnubókin er með lausri bindingu, óverðtryggð
og óbundin 3,50% vextir.
Hafið þið séð betri vexti?

KS INNLÁNSDEILD
Skemmtilegt tuðruspark
Fjör í fótbolta
Knattspyrnudeild Tindastóls blés til
fótboltaveislu sl. laugardag þar sem
ungir og efnilegir fótboltakrakkar
léku listir sínar í íþróttahúsinu á
Sauðárkróki.
Allir sem vildu fengu að vera með hvort
sem þeir æfa fótbolta eða ekki. Leikið var
eftir aldursflokkum og skipaði Dúfa
Dröfn, nýráðinn knattspyrnuþjálfari
yngri flokka, krökkunum í lið sem mörg
hver sýndu mikla meistaratakta. Myndir
frá mótinu eru inn á FEYKIR.IS /PF
Sigurvegarar kvöldsins samankomnir á sviðinu. Hljómsveit kvöldsins. F.v. Kiddi, Daníel, Gunnar Ægir halda saman á Valda.
Sigurvegari yngri flokks er Dagrún Sól
Sigurvegari eldri flokks er Hrafnhildur Kristín