Feykir - 05.12.2013, Blaðsíða 8

8 Feykir 46/2013
Sonja Petra hugsar hlýtt til Króksins góða.
Ég man að ég fór fyrst að
spá í þessu eftir annan
bekk, eftir því sem ég man
best þá flutti æskuvinkona
mín, hún Lilja, frá Króknum.
Hún fór reyndar ekkert
lengra en á Halldórsstaði
rétt fyrir utan Varmahlíð, en
samt!, hún var ekki lengur
frá Króknum að mínu mati.
Þann sama dag kviknaði
upp þessi speki „Af hverju
vill fólk fara frá Sauðárkróki?,
ég ætla sko aldrei að fara”.
Hérna á ég fullt af vinum í
skólanum og hér eru líka
uppáhalds kennararnir mínir,
Ingibjörg og Sighvatur. Hér á
ég líka yndislega fjölskyldu og
ættingja sem ég hitti hvern
Sonja Petra Stefánsdóttir skrifar
Burtfluttur Króksari
ÁSKORENDAPENNINN
UMSJÓN kristin@feykir.is
einasta dag. Sérstaklega vil
ég þá nefna hana Lýdíu mína
eða „bestu frænku“ eins
og hún hefur oft bent á og
bíltúrana með henni upp á
Nafir til að skoða litlu lömbin.
Ár eftir ár kom þessi hugsun
alltaf í hausinn á mér þegar
nýir krakkar komu eða fóru úr
bekknum og var alltaf þessi
spurning til staðar. Ég man
alltaf að það voru blendnar
tilfinningar þegar brottfluttir
ættingjar komu í heimsókn
og var þá helsta hugsunin hjá
litlu mér þessi: „Ég vissi að
þau myndu sakna okkar og
koma aftur”.

Árið 1997 var komið
að mér…
Fjölskyldan mín ákvað þá
að flytja til Svíþjóðar þar
sem pabbi var kominn með
vinnu. Ég var ekki par sátt
með þá ákvörðun og hugsaði
til krakkanna sem voru farin
frá Króknum og ég hafði ekki
séð lengi. Nú myndi ég verða
alveg eins og þau, hætta að
vera frá Sauðárkróki. Svíþjóð
var algjört ævintýri en það
vantaði alltaf eitthvað. Þegar
ár var liðið spurði pabbi okkur
hvað við vildum gera og
voru allir á sama máli að við
vildum fara heim.

Ég gleymi aldrei fyrsta
deginum aftur á Króknum.
Það var stór veisla í Barmahlíð
hjá ömmu og afa þar sem
ég hitti öll frændsystkinin
aftur. Seinna þetta kvöld
komu svo gömlu æðislegu
bekkjasystkinin óvænt í
heimsókn til að bjóða mig
velkomna heim. Við duttum
strax í spjall og var eins og
ekkert hefði í skorist.
Ég man sérstaklega eftir því
þegar ég fór í háttinn þetta
kvöld að þessar skrýtnu
pælingar mínar vöknuðu aftur
upp og að núna væri ég sko
aftur orðin Króksari.

Það leið ekki nema ár frá því
kvöldi þar til að við fluttum
alveg frá Króknum en þegar
ég hugsa til baka þá finnst
mér æðislegt hvað ég spáði
mikið í því hvaðan ég væri og
að sem krakki hafi ég komist
að því að Sauðárkrókur er
miklu meira en bara eitthvert
bæjafélag. Sauðárkrókur er
þar sem litla stolta hjarta mitt
mun alltaf vera.
- - - - -
Sonja skorar á æskuvin sinn,
Arnar Snæ Gunnarsson, að
koma með næsta pistil.
Hestamenn gera upp árið
Knapar og hross verðlaunuð
Valið á hrossaræktarbúi
Skagafjarðar grundvallaðist á
árangri hrossanna Knás,
Kommu og Gátu. Þau Ytra-
Vallholtshjón, Björn og Harpa,
fóru því heim með Ófeigs-
bikarinn, sem er farandgripur,
er veittur er árlega af þessu
tilefni.
Sörlabikarinn hlýtur hæst
dæmda kynbótahross ársins
(skagfirskur uppruni og eig-
andi) og að þessu sinni var það
stóðhesturinn Blær frá Miðsitju
(8,54) sem hlaut þann bikar og
var það ræktandinn, Magnús
Andrésson, sem veitti bikarn-
um viðtöku.
Kynbótaknapi ársins að þessu
sinni var Bjarni Jónasson og
hampaði hann Kraftsbikarnum.
Einnig hlutu þrjú efstu
kynbótahross í hverjum flokki
viðurkenningu.
Hjá hestaíþróttafólkinu var
Mette Mannseth valin Íþrótta-
knapi ársins en Bjarni Jónasson
reið feitum hesti frá þessum
uppskerufögnuði því auk þess
að vera kynbótaknapi ársins
Björn Grétar Friðriksson og Harpa Hrund Hafsteinsdóttir Ytra-Vallholti. Mynd: HSS
nýtur hann þess einnig að hafa
verið valinn gæðingaknapi- og
knapi ársins.
Hestaíþróttamenn ársins hjá
unga fólkinu var einnig heiðrað
en þar voru á ferð Guðmar
Freyr Magnússon í barnaflokki,
Ásdís Ósk Elvarsdóttir í ungl-
ingaflokki og Jón Helgi
Sigurgeirsson í ungmenna-
flokki sem þóttu skara framúr.
Leysingjastaðir
Ræktunarbú ársins
í A-Hún
Uppskeruhátíð húnvetnskra
bænda og hestamanna var
haldin þann 23. nóvember sl.
og líkt og fyrri ár voru veitt
verðlaun fyrir hesta, kýr og
kindur. Knapi ársins 2013 hjá
Hestamannafélaginu Neista er
Jakob Víðir Kristjánsson. Á
neisti.net segir að hann hafi
gert það gott á keppnisvellinum,
var með tvo efstu hestana í
B-flokki gæðinga á félagsmóti
Neista og úrtöku fyrir
Fjórðungsmót, þá Gítar frá
Stekkjardal og Börk frá
Brekkukoti. Var með þrjá hesta
í úrslitum í B-flokki á
félagsmótinu. Hann var einnig í
A-úrslitum í B-flokki gæðinga á
Fákaflugi og í úrslitum í tölti og
fjórgang á opnu íþróttamóti
Þyts.
Að venju veittu Samtök Hrossa-
bænda í A.-Hún ræktendum í
félaginu viðurkenningar fyrir
hæst dæmdu kynbótahrossin en
í flokki fjögra vetra hryssa var
það Telma frá Steinnesi sem
fékk þau, Þórdís frá Skagaströnd
í fimm vetra flokknum, Hvöt
frá Blönduósi í sex vetra og
Staka frá Steinnesi í flokki sjö
vetra og eldri
Í flokki fjögra vetra stóð-
hesta stóð Besti frá Upphafi
undir nafni og hlaut verðlaun,
Hausti frá Kagaðarhóli í sex
vetra og í flokki sjö vetra og
eldri varð það Kompás frá
Skagaströnd sem hlaut þann
heiður.
Sölufélagsbikarinn fær hæst
dæmda hryssa á héraðssýningu
í Húnaþingi í eigu heimamanns
og varð það Vigur frá Hofi sem
hann hlaut en Búnaðarbanka-
bikarinn hlýtur hæst dæmdi
stóðhestur á héraðssýningu í
Húnaþingi í eigu heimamanns
og kom hann í hlut Hausta frá
Kagaðarhóli.
Fengsbikarinn sem gefinn var til
minningar um Guðmund
Sigfússon frá Eiríksstöðum og
veittur er hæst dæmda kyn-
bótahrossi í eigu heimamanns
hlaut að þessu sinni Kompás
frá Skagaströnd.
Bikar til minningar um Magnús
Blöndal frá Skagaströnd og
gefinn af Sveini Inga Grímssyni
og fjölskyldu er veittur hæst
dæmda fjögra vetra stóðhesti
úr Austur-Húnavatnssýslu. Að
þessu sinni var það Besti frá
Upphafi sem hlýtur þann
heiður.
Þá var Leysingjastaðir í Húna-
vatnshreppi valið Ræktunarbú
ársins 2013 en ábúendur þar
eru þau Hreinn Magnússon og
Hjördís Jónsdóttir. /PF
Það var húsfyllir á efri hæðinni í Miðgarði þegar uppskerufögnuður skagfirskra hestamanna
fór fram sl. laugardagsvöld. Að sögn Guðmundar Þórs Elíassonar á Varmalæk var feiknagóð
stemning í salnum og auk verðlaunaafhendinga fór Hinrik Már Jónsson á kostum í pistli
sínum um hvernig hestamenn eru frábrugðnir venjulegu fólki. En það var Ytra-Vallholt sem var
útnefnt hrossaræktarbú Skagafjarðar 2013 og helstu knapar héraðsins voru útnefndir.