Feykir - 12.12.2013, Qupperneq 9

47/2013 Feykir 9
Hjá Æskunni er komin út bók
eftir Jens Guð, sem í
Skagafirði er betur þekktur
undir nafninu Jens Kristján.
Þrátt fyrir að vera löngu
brottfluttur er þessi
landsþekkti bloggari og
skrautskriftarkennari
Skagfirðingur að ætt og
uppruna. Bókin sem hann
skrifar fjallar um færeysku
söngkonuna Eivöru og ber
titilinn Gata, Austurey,
Færeyjar, EIVÖR og færeysk
tónlist.
-Ég er fæddur (1956) og upp-
alinn á Hrafnhóli í Hjaltadal,
sonur Guðmundar Stefáns-
sonar og Fjólu Kr. Ísfeld.
Bærinn á Hrafnhóli brann
1979 og þá flutti fjölskyldan til
Akureyrar, nema Sæunn systir
mín. Hún tók saman við
Hallgrím Tómasson á Sauðár-
króki, settist þar að og eignaðist
með honum tvo syni. Sjálfur
var ég kominn suður í nám í
Myndlista- og handíðaskóla
Íslands þegar bærinn á
Hrafnhóli brann, segir Jens.
Hin nýútkomna bók fjallar
að uppistöðu um færeysku
söngkonuna Eivöru, sem er
vinsælasti erlendi tónlistar-
maðurinn á Íslandi ef miðað er
við plötusölu. Hérlendis selur
hún um 10 þúsund eintök af
hverri plötu. Miðað við vin-
sældir Eivarar hérlendis má
ætla að bókin verði vinsæl. Hún
er einnig seld í Færeyjum.
Viðræður eru um að bókin
verði þýdd yfir á dönsku og
norsku.
Jens segist ennþá vera Skag-
firðingum að góðu kunnur.
-Flestir íbúar Hjaltadals og Við-
víkursveitar þekkja mig. Ég var
tvo vetur í gagnfræðaskóla á
Steinsstöðum. Flestir í Lýtings-
staðahreppi þekkja mig þess
vegna. Það var nokkur sam-
gangur á milli nemenda í
Steinsstaðaskóla og Varma-
hlíðarskóla. Við krakkarnir í
Hjaltadal lærðum sund á
Sauðárkróki með krökkunum í
Hofsósi og Hofshreppi.
Öll haust vann ég í Slátur-
félagi Skagfirðinga á Sauðár-
króki, þar sem pabbi var for-
stjóri. Pabbi var oddviti í
Hólahreppi, lengi formaður
Ungmennafélagsins Hjalta og
meðhjálpari á Hólum í Hjalta-
dal. Ég hef alltaf skilgreint mig
sem Skagfirðing þrátt fyrir að
hafa átt heima í Reykjavík
síðastliðna áratugi. Til viðbótar
þessari upptalningu á ég stóran
frændgarð þvers og kruss um
Skagafjörðinn. Þegar ég ferðast
um Skagafjörðinn í dag þá
þekki ég meirihlutann af öllum
sem ég hitti.
Auk þess að vera lands-
þekktur bloggari og hafa áður
gefið út Poppbókina og átt kafla
í bókunum Megasi og Íslensk-
um gamansögum 3 er Jens
kunnur fyrir skrautskriftarnám-
skeið sem hann hefur haldið
vítt og breytt um landið. -Um
nokkurra ára skeið kenndi ég
skrautskrift fyrir Farskóla Norð-
urlands vestra. Ég þekkti ekki
alltaf alla nemendur í upphafi
námskeiðs. En jafnan kom í ljós
þegar á leið að ég þekkti foreldra
þeirra, maka eða aðra nátengda.
Ég hef einnig verið með
fjölmörg skrautskriftarnám-
skeið í Húnavatnssýslu og þekki
marga þar, segir Jens. /KSE
Jens Guð skrifar um færeysku söngkonuna Eivör
Vinsælasti erlendi
tónlistarmaðurinn á Íslandi
Paradísarstræti -
metsölubók í Þýskalandi
Bókaútgáfan Merkjalækur er
til heimilis á Merkjalæk í
Svínadal í A-Hún, en bærinn
Merkjalækur stendur við
Svínadalsfjall milli Grundar
og Geithamra. Það eru
Sigurður H. Pétursson,
fyrrum héraðsdýralæknir í
A-Hún til 30 ára, og kona
hans, Ragnhildur Þórðardóttir,
sem eiga og reka útgáfuna.
Fyrir nokkrum árum gaf
útgáfan út bókina Bræðravíg á
Balkanskaga, sem er þýdd úr
Esperanto. Paradísarstræti er
önnur bókin sem útgáfan
gefur út, þýdd úr þýsku af
Sigurði og syni hans, Pétri M.
Sigurðssyni. Bókin er prentuð
í Litrófi og er 144 síður með
mörgum myndum og fjórum
landakortum.
Í Paradísarstræti segir Lena
Grigoleit, austur-prússnesk
bóndakona, sögu sína.
Höfundur bókarinnar er Ulla
Lachauer, þýsk blaðakona.
Hún kom í þorpið, þar sem
Lena bjó, árið 1989 eftir fall
Berlínarmúrsins.
Fyrir tilviljun kemst hún í
kynni við Lenu sem þá var ein
eftir í þorpinu af fyrrum
íbúum þess. Með Ullu og Lenu
takast góð kynni og nokkrum
árum seinna dvelur Ulla hjá
Lenu í tvær vikur með upp-
tökutæki og stílabók og
afraksturinn er bókin Para-
dísarstræti.
Lena upplifir tvær heims-
styrjaldir og útlegð í fimm ár í
Síberíu með fjölskyldunni.
Hún kemst heim aftur. Lena
Bókaútgáfan Merkjalækur í A-Hún sendir frá sér bók
hefur mikla frásagnarhæfileika
og frásögn hennar er einlæg
og sönn. Frásögnin snýst um
hið mannlega án nokkurra
stríðslýsinga á þessum miklu
umróta- og stríðstímum sem
Lena upplifir, sem skók alla
Evrópu á 20. öld og gjörbreytti
landakorti álfunnar.
Í bókarlok er vandaður
eftirmáli um tilurð bókarinnar
og sögu Memelhéraðs. Einnig
eru í bókinni fjögur landakort
sem sýna þróun landsvæðisins
á 20. öld ásamt fjölda ljós-
mynda. Bókin varð metsölu-
bók í Þýskalandi þegar hún
kom út og hefur verið þýdd á
nokkur tungumál.
Bókin er komin í sölu í
mörgum verslunum á Höfuð-
borgarsvæðinu.
Einnig er hægt að panta
bókina hjá útgefanda, Sigurði
H. Péturssyni, í síma 557-2480
eða 892-3215 eða með tölvu-
pósti í netfang sighp@emax.is.
Kostar þá bókin 2.100 krónur
með sendingarkostnaði. /KSEEins og fram hefur komið í
fréttum Ríkisútvarpsins og á
fréttamiðlinum Húnahorninu
gæti beint fjárhagslegt
hagræði af sameiningu allra
sveitarfélaga í Austur-
Húnavatnssýslu verið allt að
50 milljónir króna á ári.
Skuldahlutfall sameinaðs
sveitarfélags yrði nálægt
landsmeðaltali. Þetta kemur
fram í nýrri úttekt um
hagkvæmni sameiningar
sem KPMG vann fyrir
sveitarfélögin.
Í Austur-Húnavatnssýslu eru í
dag fjögur sveitarfélög; Húna-
vatnshreppur, Blönduósbær,
Sveitarfélagið Skagaströnd og
Skagabyggð. Niðurstöðurnar
voru kynntar á sameiginlegum
fundi í síðustu viku og þar kom
fram að nokkur ávinningur
yrði af sameiningu. Beinn
Sveitarfélögin í Austur-Húnavatnssýslu
Sameining yrði hagstæð
samanlögð rekstrarniðurstaða
á síðasta ári var jákvæð og
sameinað er sveitarfélagið talið
ráða vel við skuldbindingar
sínar. Til framtíðar telur KPMG
að sameinað sveitarfélag standi
vel að vígi með reksturinn, í
samanburði við önnur land-
svæði og hafi góða vaxtar-
möguleika.
Arnar Þór segir engin áform
um áframhaldandi sameigin-
lega vinnu með niðurstöðurnar,
þær verði kynntar í hverju
sveitarfélagi fyrir sig en síðan
verði tíminn að leiða í ljós hvert
framhaldið verður. Er hann
frekar svartsýnn á að kosið
verði um sameiningu í Austur-
Húnavatnssýslu í sveitarstjórn-
arkosningum í vor. Síðast þegar
vilji íbúa til sameiningar var
kannaður var meirihluti íbúa
Blönduóss jákvæður en í hin-
um sveitarfélögunum reyndist
ekki vilji til sameiningar.
Arnar Þór segir að þrátt fyrir
að Blönduós hafi verið undir
eftirliti Eftirlitsnefndar með
fjármálum sveitarfélaga þá sjái
fyrir endann á því, enda sé
svokallað 150% viðmið að nást
þegar á næsta ári og fjárhags-
áætlun geri ráð fyrir hagnaði í
rekstri næsta ár. „Við höfum
fjárfest mikið undanfarin 20 ár
þannig að í dag er fjárfestingar-
þörf nánast engin. Hér er
íbúafjöldi tiltölulega stöðugur
og fráveitumál, sem víða eiga
eftir að verða fjárfrek á næst-
unni, eru hér til fyrirmyndar.
Við hérna á Blönduósi erum
tilbúin, við erum bara sæt
stelpa á ballinu, sem bíður eftir
að verða boðið upp.“ /KSE
árlegur sparnaður í rekstri,
einkum vegna hagræðingar í
yfirstjórn og aukinna tekna frá
Jöfnunarsjóði, þýddi að fjár-
hagslegt hagræði gæti orðið allt
að 50 milljónir króna á ári. Þá
er bent á möguleika til frekari
hagræðingar, meðal annars í
öldrunarmálum og rekstri
grunnskóla.
Arnar Þór Sævarsson,
bæjarstjóri á Blönduósi, sagði í
samtali við Feyki að úttektin
hefði eingöngu náð til hag-
ræðingar í yfirstjórn en ekki
hefði verið komið inn á aðra
hagræðingarmöguleika, svo
sem í skólamálum. Á móti
komi að ekki sé gert ráð fyrir
ýmsum aukakostnaði sem t.d.
hlýst að því að hafa aukið
starfsmannahald í stjórnsýsl-
unni þegar hún dreifist á fleiri
en eitt byggðarlag.
Fjárhagsleg staða sveitarfél-
aganna er afar misjöfn en
Í dag eru fjögur sveitarfélög
í Austur-Húnavatnssýslu
og gæti hagræðing af
sameiningu þeirra orðið allt
að 50 milljónir á ári.