Morgunblaðið - Sunnudagur - 19.11.2017, Qupperneq 24

Legóhúsið svokallaða var opnaðmeð pomp og prakt fyrr íhaust. Húsið, sem heitir raun-
ar Lego House – Home of the Brick,
eða Legóhús Heimili kubbsins og er í
miðbæ Billund í Danmörku, er ekkert
venjulegt hús. Um það mætti reyndar
skrifa margar greinar. Hér verður þó
aðeins tæpt á veitingastaðnum á jarð-
hæð hússins. Að heimsækja hann er
ákveðin upplifun út af fyrir sig.
Mini Chef heitir staðurinn og er
nafnið tilvísun í það að í eldhúsinu
starfa víst aðeins litlar Legó-fígúrur.
Það er að minnsta kosti sagan sem
starfsfólkið heldur sig við, börnum
sem heimsækja veitingastaðinn til
mikillar gleði. Sannleiksgildið skul-
um við láta liggja milli hluta, en í það
minnsta er allt gert til að sagan um
litla Legófólkið í eldhúsinu sé sem
trúverðugust.
Aðeins hægt að panta með
því að kubba máltíðina sína
Mannfólk þjónar til borðs á Mini
Chef en reyndar er hlutverk þess
helst að útskýra fyrir gestum hvern-
ig staðurinn virkar og passa upp á að
allir séu með hnífapör og legókubba
á borðum.
Nóg er af kubbum til að leika sér
með á staðnum en til viðbótar fær
hver gestur poka með kubbum í til-
teknum litum. Allir fá eins poka. Þeg-
ar matseðillinn kemur á borðið fæst
skýringin á kubbapokanum. Hver á
að kubba sinn rétt, því kubbafólkið
sem starfar í eldhúsinu skilur aðeins
kubbamál. Ekki er því í boði að láta
þjónana sem eru af mannkyni taka
við pöntun á veitingastaðnum. Hver
réttur á matseðli hefur sinn kubb.
Tölvuskjár á hverju borði
Þetta kubbastúss við borðið skapar
skemmtilega stemningu. Krakk-
arnir hafa eitthvað við að vera og
fullorðna fólkið getur tekið þátt í
þessu og úr verður bara fínasta sam-
verustund.
Þegar hver og einn hefur kubbað
sinn rétt er komið að því að panta.
Það er gert með því að setja eina
kubbasamsetningu í einu á þar til
gerðan sleða sem rennt er inn í sér-
staka tölvu sem er á hverju borði. Á
skjánum má svo sjá kubbana og þar
er hægt að sjá hvort valið var rétt og
staðfesta pöntunina. Panta þarf fyrir
hvern og einn þannig að á stóru
borði getur það tekið smástund að
klára matarpöntunina.
Matseðillinn á Mini Chef er ekk-
ert slor. Það er aðeins hægt að panta
heilar máltíðir en möguleiki að velja
réttina saman.
Traustur danskur
heimilismatur
Matseðillinn fyrir fullorðna kostar
2.800 krónur íslenskar og er í fjórum
hlutum. Rauðir kubbar eru prót-
ínskammturinn, aðalrétturinn, og í
þeim flokki er hægt að velja um fisk,
kjúkling, svínasteik og græmet-
isrétt. Bláir kubbar eru fyrir kart-
öflur eða kornmeti, grænir fyrir sal-
at og svartir fyrir steikt eða soðið
grænmeti. Á barnaseðlinum, sem
kostar 1.600 krónur íslenskar, eru
sömu valkostir en í stað heita græn-
metisins er lítil gjöf sem fylgir.
Óhætt er að mæla með matnum á
þessum nýjasta veitingastað Bill-
und. Kjúklingur sem ku hafa gengið
um frjáls, handgerðar franskar kart-
öflur, vel útilátnir grænmetis-
skammtar og þykk kartöflumús með
hýði gera það að verkum að manni
líður vel með að borða matinn og
gefa börnunum hann. Þegar legó-
kassarnir með matnum eru opnaðir
blasir við traustur og vandaður
danskur heimilismatur. Fín tilbreyt-
ing frá skyndibitaþema sem oft ein-
kennir utanlandsferðir. Og það er
ráðlegt að borða fyrst áður en haldið
er inn í Legóhúsið í öll skemmtileg-
heitin sem þar er að finna, því það er
hægt að eyða mörgum klukkutímum
á hinum mörgu hæðum hússins og
vissara að allir séu saddir.
Það er gaman að panta mat á Mini Chef-veitingastaðnum í Legóhúsinu. Ekki er
í boði að panta munnlega heldur þarf allt að fara fram á kubbamáli.
Morgunblaðið/Eyrún Magnúsdóttir
Matur í formi
legókubba
Yngri kynslóðin beið í ofvæni eftir að
legókassar með mat kæmu af færi-
bandi úr eldhúsinu og stór legóvél-
menni afhentu þá.
Á veitingastaðnum Mini Chef í Legóhúsinu í Billund er aðeins hægt
að panta mat með því að kubba sinn eigin matseðil og sagan segir að
í eldhúsinu starfi eingöngu fígúrur gerðar úr legókubbum sem tali
kubbamál. Þjónarnir tala þó sem betur fer mannamál
Eyrún Magnúsdóttir eyrun@mbl.is
Útileiksvæðin sem eru á stöllum Legóhússins
eru stórskemmtileg. Það er vel hægt að eyða
dágóðum tíma utan á húsinu til að ná upp matar-
lyst áður en haldið er inn á veitingastaðinn.
Maturinn sem kemur að sjálfsögðu í sérstökum kössum sem hægt er að kubba
saman, er einfaldur og bragðgóður.
Ljósmynd/Legohouse
MATUR Það er eins gott að telja rétt áður en pantað er á veitingastaðn-um í Legóhúsinu. Rauður kubbur með fjórum hausum þýðir
svínasteik en tvöfaldur rauður þýðir steiktur þorskur.
Hver kubbur á sinn rétt
24 MORGUNBLAÐIÐ SUNNUDAGUR 19.11. 2017