Morgunblaðið - 04.01.2018, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 4. JANÚAR 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
raunastöð Háskóla Ís-
lands í meinafræði á
Keldum og stundaði
rannsóknir á mænu-
sótt og árangri
mænusóttarbólusetn-
ingar á Íslandi við
rannsóknar- og
menntastofnanir í
Englandi og Banda-
ríkjunum. Hún stund-
aði sérfræðinám í
veirufræði við Yale-
háskóla á árunum
1958 til 1960.
Margrét starfaði
sem veirufræðingur á
Keldum frá 1960 til 1969 og síðan
sem prófessor í sýklafræði við
læknadeild Háskóla Íslands þar til
hún lét af störfum fyrir aldurs sak-
ir árið 1999. Hún var fyrsta konan
Margrét Guðnadóttir,
veirufræðingur og pró-
fessor við Háskóla Ís-
lands, lést á Landspít-
alanum í fyrradag.
Hún var á 89. aldurs-
ári.
Margrét Guðmunda
Guðnadóttir fæddist 7.
júlí 1929 í Landakoti á
Vatnsleysuströnd. For-
eldrar hennar voru
Guðni Einarsson, bóndi
og sjómaður, og Guð-
ríður Andrésdóttir hús-
freyja.
Hún lauk stúdents-
prófi frá Menntaskólanum í
Reykjavík árið 1949 og læknisprófi
frá Háskóla Íslands 1956. Hún
stundaði sérfræðinám í veirufræði
hjá dr. Birni Sigurðssyni við Til-
sem skipuð var prófessor við Há-
skólann. Hún kom á fót Rannsókn-
arstofu Háskólans í veirufræði við
Landspítalann árið 1974 og hafði
umsjón með starfsemi hennar til
ársins 1994.
Margrét rannsakaði meðal ann-
ars hæggenga veirusjúkdóma í
sauðfé, eðli visnu-mæðiveirusýk-
ingar og gerð bóluefnis gegn þeirri
sýkingu. Niðurstöður hennar vöktu
eftirtekt í alþjóðlega vísindaheim-
inum. Hún var sæmd heiðursdokt-
orsnafnbót við læknadeild Háskóla
Íslands árið 2011 fyrir vísinda-
framlag á sviði veirufræði og grein-
ingar veirusýkinga.
Börn Margrétar eru Guðni
Kjartan Franzson, klarinettleikari
og tónlistarkennari, og Eydís Lára
Franzdóttir, óbóleikari og tónlistar-
kennari.
Andlát
Margrét Guðnadóttir veirufræðingur
Útvarpsmaðurinn, óperusöngv-
arinn og skemmtikrafturinn Ás-
geir Páll Ágústsson er genginn til
liðs við K100. Ásgeir Páll hefur
starfað við útvarp síðustu 30 árin,
nú síðast á Bylgjunni. Hann starf-
aði um árabil sem óperusöngvari í
Þýskalandi eftir söngnám á Ís-
landi og Austurríki.
Hann mun stýra helgardagskrá
stöðvarinnar í vetur, alla laug-
ardaga frá 9-12 og sunnudaga frá
12-16. „Ég er mjög spenntur að
ganga til liðs við skemmtilega liðs-
heild á K100 og hlakka til að taka
þátt í frekari uppbyggingu stöðv-
arinnar,“ segir Ásgeir Páll sem
mun einnig tímabundið taka að
sér að stýra morgunþætti stöðv-
arinnar ásamt Jóni Axel Ólafssyni
en fyrsti þátturinn fór í loftið nú í
morgun. Þátturinn verður á dag-
skrá fram í mars þegar ný morg-
unvakt tekur við.
„Það er mikill fengur að fá
mann á borð við Ásgeir Pál til liðs
við okkur á K100. Hann er einn
albesti útvarpsmaður landsins og
ég er viss um að hlustendur okkar
munu kunna að meta þættina
hans,“ segir Sigurður Þorri Gunn-
arsson, dagskrárstjóri K100, um
ráðningu Ásgeirs. Fyrsti laug-
ardagsþátturinn hans fer í loftið á
laugardaginn næstkomandi kl.
9:00 en sunnudagsþættirnir hefj-
ast í mars.
Ásgeir Páll kominn
til liðs við K100
 Stýrir helgardagskrá stöðvarinnar
K100 Ásgeir Páll er nýr liðsmaður.
Karlmaður á fertugsaldri lést í umferðarslysi á Vest-
urlandsvegi á Kjalarnesi í gærmorgun, en þar rákust á
fólksbíll og flutningabíll. Tilkynning um slysið barst kl.
9.35 í gær. Hinn látni var ökumaður fólksbílsins.
Mikill viðbúnaður viðbragðsaðila var á vettvangi í gær-
morgun og lokað var fyrir umferð á Vesturlandsvegi við
Þingvallaafleggjara. Opnað var aftur fyrir umferð um
Vesturlandsveg upp úr klukkan 13 í gær. Lögreglan á
höfuðborgarsvæðinu og rannsóknarnefnd samgöngu-
slysa rannsaka tildrög slyssins. Ekki hafði verið greint
frá nafni hins látna þegar Morgunblaðið fór í prentun.
Lögreglan biður þá sem kunna að hafa orðið vitni að
slysinu að hafa samband í síma 444-1000, en einnig má
senda upplýsingar í tölvupósti á netfangið birna.g@lrh.is
eða í einkaskilaboðum á Facebooksíðu lögreglunnar á
höfuðborgarsvæðinu.
Morgunblaðið/Kristinn Magnússon
Banaslys Vesturlandsvegur var lokaður um tíma í gær eftir alvarlegan árekstur tveggja bifreiða.
Banaslys á Kjalarnesi
 Karlmaður lést þegar fólks- og flutningabíll skullu saman
Helgi Bjarnason
helgi@mbl.is
Dómnefnd sem metur hæfni umsækj-
enda um embætti átta héraðsdómara
leggur áherslu á það í svari við at-
hugasemdum setts dómsmálaráð-
herra í málinu að dómnefndin lúti
ekki boðvaldi ráðherra, heldur sé
sjálfstæð stjórnsýslunefnd. Í þessu
efni vísar hún til dóms Hæstaréttar í
máli Ástráðs Haraldssonar gegn rík-
inu vegna breytinga ráðherra og Al-
þingis á röðun umsækjenda um emb-
ætti dómara við Landsrétt.
Guðlaugur Þór Þórðarson, settur
dómsmálaráðherra, gerði fjölmargar
athugasemdir og lagði fram spurn-
ingar fyrir dómnefndina vegna niður-
stöðu hennar um skipan átta manna í
embætti héraðsdómara. „Þar sem
rökstuðning skortir að miklu leyti
fyrir niðurstöðum nefndarinnar hef-
ur settur ráðherra ekki forsendur til
þess að taka afstöðu til efnislegs mats
nefndarinnar og
leggja mat á hvort
hann tekur undir
mat hennar eða
hvort tilefni sé til
að gera tillögu til
Alþingis um skip-
un annarra um-
sækjenda,“ sagði
meðal annars í
bréfi ráðherra.
Dómnefndin
kom saman í gær og gekk frá svari
sínu til ráðherra. Bréfið var birt á vef
dómsmálaráðuneytisins í gærkvöldi,
að ósk nefndarinnar. Samkvæmt
upplýsingum aðstoðarmanns ráð-
herra er þegar hafin vinna við það að
meta svör dómnefndarinnar og afla
umsagna.
Dómnefndin hafnar þeirri að-
finnslu ráðherra að ósamræmi felist í
því að nefndin notast ekki við stiga-
töflu við röðun umsækjenda eins og
gert var við umsögn um umsækjend-
ur um embætti við Landsrétt. Að
þessu sinni hafi dómnefndin nýtt
exelskjal til upphaflegrar grófflokk-
unar og við það hafi síðan bæst frek-
ara mat nefndarinnar, meðal annars
með hliðsjón af viðtölum og umsögn-
um. Tekur dómnefndin skýrt fram í
svarbréfi sínu að grófflokkunin sé í
vinnuskjali nefndarinnar sem ekki
verði afhent. Það þýðir að settur
dómsmálaráðherra mun ekki hafa
þær forsendur þegar hann tekur
ákvörðun sína.
Nefndin segir að vinnubrögð sín
hafi verið í samræmi við störfin frá
setningu núverandi reglna á árinu
2010 með Landsréttarumsögninni
sem eina frávikinu.
Standa við mat sitt
Dómnefndin telur sig hafa skýrt
það hvernig hún mat umsækjendur
og segir í bréfinu að sér sé ekki ljóst
hvað ráðherra eigi við í aðfinnslum
um það. Vísað er í upphaflega um-
sögn. Megináherslan hafi verið á þrjá
stóra þætti: Dómarareynslu og
reynslu af lögmannsstörfum og
stjórnsýslustörfum. Þessir þættir
hafi verið metnir jafnt. Að auki hafi
farið fram sérstakt sundurgreint mat
á menntun, fræðistörfum, kennslu og
útgáfu. Í þeim samanburði sem fari
fram í hverjum þætti felist matið,
sem síðan hafi verið dregið saman í
heildarniðurstöðu.
Í lok svarbréfsins er það ítrekað að
dómnefndin hafi komist að þeirri
niðurstöðu að átta tilgreindir um-
sækjendur séu hæfastir til að hljóta
embættin. Um aðra umsækjendur
muni nefndin ekki fjalla frekar en
gert er í umsögninni.
Lúta ekki boðvaldi ráðherra
 Dómnefnd um umsækjendur um embætti héraðsdómara stendur við það mat sitt að átta séu hæfastir
 Afhenda ráðherra ekki vinnugögn þar sem umsækjendur eru flokkaðir eftir starfsreynslu
Jakob R. Möller
form. dómnefndar.
Morgunblaðið/Ófeigur
Dómshús Sex nýir héraðsdómarar verða við Héraðsdóm Reykjavíkur.