Morgunblaðið - 05.01.2018, Side 6

6 FRÉTTIRInnlent
MORGUNBLAÐIÐ FÖSTUDAGUR 5. JANÚAR 2018
Bændur úr Hrunamannahreppi,
sem gerðu út leiðangur í Kerling-
arfjöll í vikunni, fundu þar fjórar
kindur sem gengið hafa úti í allt
haust. Féð fannst nærri svoköll-
uðum Leppistungum, sem eru
nokkru sunnan við fjallaklasann.
„Við vissum af nokkrum kindum
af bæjum héðan í sveitinni sem
komu ekki fram í haust. Þær fund-
um við ekki en vorum hins vegar
svo heppnir að ná þessu fernu; tví-
lembdu og einu stöku lambi,“ segir
Jón Bjarnason bóndi í Skipholti í
samtali við Morgunblaðið í gær.
Féð sem fannst var á Hruna-
mannaafrétti og hafði borist þang-
að af nærliggjandi afrétti Flóa- og
Skeiðamanna og í eigu bænda sem
þar eiga upprekstrarland. „Ærin
og lömbin tvö voru orðin ansi rýr
enda ekki haft neitt að bíta. Lambið
var betur á sig komið, enda hélt það
sig í skjóli við gangnamannaskála.
Hafði þar nagað upp plast af hey-
rúllu og hafði því nóg að éta,“ segir
Jón.
Enn hafa ekki fundist sex kindur
frá bænum Grafarbakka í Hruna-
mannahreppi, en til þeirra hefur þó
sést við Kerlingarfjöll að undan-
förnu. Jón Bjarnason segir því ein-
boðið að fara verði í enn eina fjár-
leitina á næstunni. Það sé hægur
leikur enda sé fremur lítill snjór á
Hrunamannaafrétti nú, harðfenni
og rennifæri. sbs@mbl.is
Ljósmynd/Jón Bjarnason
Bændurnir fundu útigangs-
kindur í Kerlingafjöllum
Bændur Eiríkur Kristófersson og Bjarni Valur Guðmundsson, til hægri,
með eitt af lömbunum sem fundust eftir að hafa gengið úti í marga mánuði.
BAKSVIÐ
Baldur Arnarson
baldura@mbl.is
Vinnumálastofnun áætlar að 2.500 til
3.000 störf verði til á Íslandi í ár. Það
er mikið í sögulegu samhengi en þó
töluvert minna en
síðustu ár.
Karl Sigurðs-
son, sérfræðingur
hjá Vinnumála-
stofnun, segir
2.500 ný störf
vera umfram
náttúrulega fjölg-
un starfa á Ís-
landi. Útlit sé fyr-
ir að mörg störf
verði til í ferða-
þjónustu og byggingariðnaði.
Hann segir könnun Gallup og
Seðlabankans meðal 400 stærstu
fyrirtækja landsins benda til að há-
punkti uppsveiflunnar sé náð.
„Það töldu samt sem áður um 30%
stjórnenda að skortur væri á starfs-
fólki í desember. Það segir manni að
það er töluvert um að vera enn þá á
vinnumarkaði. Það virðist vera mest-
ur skortur á fólki í flutningastarf-
semi og ferðaþjónustu og byggingar-
iðnaði. Vöruinnflutningur er enda að
aukast. Það má vænta frekari ráðn-
inga í ferðaþjónustu en þó í mun
minna mæli en undanfarin 2-3 ár. Til
dæmis hefur hægt á fjölgun gisti-
nátta. Farþegatölur benda til hins
sama,“ segir Karl.
Ný störf fyrir ófaglærða
Þá muni skapast störf í heilbrigð-
is- og félagsþjónustu fyrir háskóla-
menntaða, fólk með styttri fram-
haldsmenntun og ófaglærða í
umönnunarstörfum.
„Það má gera ráð fyrir frekari
fjölgun starfa í ferðaþjónustu, sér-
staklega á Suðurnesjum. Mynstrið
hjá erlendum ferðamönnum virðist
vera að breytast. Þeir fara orðið í
minna mæli út fyrir Suðvesturhorn-
ið. Þegar einkaneysla er jafn mikil
verða til ný störf í þjónustu og versl-
un. Það eru að verða til fjölbreyttari
störf en áður. Lunginn af nýjum
störfum er ekki lengur fyrst og
fremst fyrir ófaglærða eða fólk með
styttri framhaldsmenntun. Samsetn-
ingin á starfaframboðinu er orðin
fjölbreyttari,“ segir Karl.
Hann segir aðspurður að hlutfall
háskólamenntaðra á atvinnuleysis-
skrá fari þó enn hækkandi.
„Það hefur ekki orðið viðsnúning-
ur í því efni enn þá. Uppbygging í
heilbrigðis- og félagsþjónustu gæti
þó breytt því“ segir Karl.
Þrátt fyrir að hægja sé á hagkerf-
inu segir Karl aðspurður að árið
2018 verði að óbreyttu með betri ár-
um á íslenskum vinnumarkaði. Þá
með tilliti til kaupmáttar, atvinnu-
leysis og framboðs starfa.
Enn í uppsveiflunni
Vegna nýrra starfa muni atvinnu-
leysi að óbreyttu ekki aukast.
„Þótt farið sé að hægja verulega á
er ekki að verða neitt hrun á vinnu-
markaði. Við erum enn í uppsveifl-
unni,“ segir Karl. Samkvæmt tölum
Vinnumálastofnunar urðu til 22.600
störf árin 2005 til 2008. Sú fjölgun
kallaði á innflutning vinnuafls til Ís-
lands sem var án fordæma í sögu
landsins. Ef spá Vinnumálastofnun-
ar gengur eftir munu verða til
28.800-29.300 störf 2012 til 2018.
Sennilega Íslandsmet
Spurður hvort þetta sé Íslands-
met segir Karl að sennilega hafi
aldrei svo mörg störf orðið til á Ís-
landi á svo fáum árum, a.m.k. ekki
síðustu 30 ár. Til samanburðar horfir
hann til uppgangstímans 1984-87 og
um aldamótin, áður en netbólan
sprakk. Þá hafi orðið til mjög mörg
störf á fáum árum og þeim fjölgað
hlutfallslega mikið. Eftir fyrri upp-
sveiflutímabil hafi á hinn bóginn
komið niðursveifla með fækkun
starfa. Slíkt virðist ekki í kortunum
núna.
Fjölgun starfa síðustu ár vitnar
um gífurleg áhrif ferðaþjónustunnar
á íslenskt hagkerfi. Hún vitnar jafn-
framt um þann hraða viðsnúning
sem varð á íslenskum vinnumarkaði
eftir erfiðleikaárin 2009 til 2011.
Á fyrstu þremur fjórðungum síð-
asta árs fluttu hingað 6.600 fleiri inn-
flytjendur en fluttu í burtu. Þá komu
hingað um 4.600 erlendir ríkisborg-
arar sem útsendir starfsmenn, eða
sem vinnuafl hjá starfsmannaleig-
um, fyrstu tíu mánuði ársins. Sam-
tals eru þetta rúmlega 11.200 manns.
Fram kom í Morgunblaðinu í nóv-
ember að aðfluttir erlendir ríkis-
borgarar umfram brottflutta voru
áður flestir árið 2006, eða 5.535.
Aukin atvinnuþátttaka karla
Karl bendir á að atvinnuþátttaka
karla á íslenskum vinnumarkaði hafi
verið um og yfir 87% árin 2006 til
2008. Hún hafi svo lækkað í 84% árin
2009 til 2014. Hún hafi svo hækkað á
ný og sé nú orðin um 87%. Þessi birt-
ingarmynd kreppunnar hefur því
gengið til baka í uppsveiflunni.
Vinnumálastofnun spáir 2.500
til 3.000 nýjum störfum í ár
 2018 yrði því sjöunda árið í röð sem störfum fjölgar umtalsvert á Íslandi
Breyting á fjölda starfandi milli ára
2004 til 2018** samkvæmt áætlun Vinnumálastofnunar
*Rauntölur fyrstu 11 mán. 2017
**Spá fyrir árið 2018
Heimild: Hagstofan og VMST
8
6
4
2
0
-2
-4
-6
-8
-10
’04 ’05 ’06 ’07 ’08 ’09 ’10 ’11 ’12 ’13 ’14 ’15 ’16 ’17* ’18**
.000
-600
5.100
8.200 7.700
1.600
-11.100
-600
0
1.900
5.600
2.800
6.000
6.900
3.100 2.500
Karl
Sigurðsson
Morgunblaðið/Eggert
Á hótelreit við Hörpu Spáð er frekari fjölgun starfa í byggingariðnaði.
Baldur Arnarson
baldura@mbl.is
Umhverfis- og skipulagsráð Reykja-
víkur hefur auglýst breytingu á
deiliskipulagi Hverfisgötu 41. Með
auglýstri breytingu mun eitt elsta
hús götunnar breyta um svip. Um
leið fækkar smáum, bárujárns-
klæddum timburhúsum sem ein-
kennt hafa Hverfisgötuna. Sam-
kvæmt fasteignaskrá var húsið
byggt 1908. Þar eru skráðar fjórar
íbúðir, 21-91 fermetri, alls 224 ferm.
Fram kemur í auglýstri tillögu að
í breytingunni „felst m.a. að
nýtingarhlutfall lóðarinnar er
hækkað, íbúðum fjölgað um þrjár í
húsinu, ein á hverri hæð (utan kjall-
ara) og ein í risi, og komið fyrir
svölum á norðurhlið hússins“.
Á lóðinni eru tvö lítil sambyggð
hús. Annað er á einni hæð og úr
steini. Hitt er bárujárnsklætt og
með risi. Samkvæmt teikningum rís
í staðinn stærra hús. Þar sem húsið
er eldra en 100 ára krefst fram-
kvæmdin leyfis Minjastofnunar.
Félagið Gunnfánar á Hverfisgötu
41. Samkvæmt Creditinfo er það í
eigu Sigurjóns Gunnsteinssonar.
Teikning/Teiknistofan Stika
Drög Ætlunin er að reisa þriggja hæða hús á Hverfisgötu 41, auk kjallara.
110 ára húsi við
Hverfisgötu breytt
Morgunblaðið/Árni Sæberg
Númer 41 Húsið var byggt 1908.
Styrkur svifryks
í Reykjavík fór
vaxandi eftir því
sem leið á daginn
í gær, samkvæmt
mælingum í sjálf-
virkum mæli-
stöðvum við
Grensásveg,
Hringbraut og
Eiríksgötu. Klukkan 13 í gær var
hálftímagildi svifryks við Grensás-
veg 98 míkrógrömm á rúmmetra. Í
mælistöð við Hringbraut var hálf-
tímagildið á sama tíma 142 míkró-
grömm á rúmmetra og við Eiríks-
götu 66 míkrógrömm á rúmmetra.
Þetta kemur fram í tilkynningu frá
Heilbrigðiseftirliti Reykjavíkur
sem fylgist með loftgæðum borg-
arinnar og sendir frá sér viðvaranir
og leiðbeiningar ef ástæða þykir til.
Héldu að svifrykið yrði meira
„Við héldum að svifrykið yrði enn
meira miðað við hraða hækkun um
hádegisbilið, en svo breyttist veðr-
ið,“ segir Kristín Lóa Ólafsdóttir,
heilbrigðisfulltrúi hjá Heilbrigðis-
eftirliti Reykjavíkur, en hún er í
viðbragðsteymi um loftgæði. „Það
er miðað við meðaltalsgildið 50
míkrógrömm á rúmmetra á sólar-
hring sem heilsuverndarmörk, en
mælt er á hálftíma fresti allan sól-
arhringinn. Þegar við teljum líklegt
að svifryk fari yfir þau mörk gefum
við út tilkynningu.“
Í gærkvöldi var loft aftur orðið
gott samkvæmt sjálfvirku mælun-
um, en hæg austanátt og minnkandi
bílaumferð gæti hafa orðið til þess
að bæta það. Kuldi, þurrkur og
stillur í veðri auka líkur á svifryks-
mengun. Börn og fólk með við-
kvæm öndunarfæri ætti því að forð-
ast útivist í nágrenni við
umferðargötur við slík skilyrði.
ernayr@mbl.is
Styrkur
svifryks
jókst
 Loftgæði í
Reykjavík slæm