Morgunblaðið - 05.01.2018, Blaðsíða 11

FRÉTTIR 11Innlent
MORGUNBLAÐIÐ FÖSTUDAGUR 5. JANÚAR 2018
Guðni Einarsson
gudni@mbl.is
„Það er jákvætt að sjá loksins fjölg-
un á samningum um NPA (notenda-
stýrða persónulega aðstoð),“ sagði
Rúnar Björn Herrera Þorkelsson,
formaður NPA-miðstöðvarinnar.
Alþingi samþykkti breytingu á lög-
um um málefni fatlaðs fólks 28. des-
ember sl. Þar
með var heimilað
að framlengja
samninga um
notendastýrða
persónulega að-
stoð sem gerðir
höfðu verið frá
2017 til ársloka
2018, eða fram að
gildistöku laga
þar sem kveðið
verður á um rétt-
inn til notendastýrðrar persónu-
legrar aðstoðar. Jafnframt var
heimilað að gera nýja samninga í
samræmi við heimildir í fjárlögum
fyrir árið 2018.
Rúnar sagði að sveitarfélögin
hefðu fengið greitt úr Jöfnunarsjóði
sveitarfélaga vegna 53 samninga
um NPA í fyrra. Meira verður varið
til málaflokksins á þessu ári í fjár-
lögum. „Það er talað um að fjölga
samningum um 20-40, en það er
spurning hvað þeir verða stórir,“
sagði Rúnar. Stærð samnings ræðst
af þjónustuþörf notandans. Hún
getur verið frá nokkrum klukku-
stundum á viku upp í sólarhring-
sþjónustu.
Frumvarp um NPA í þinginu
Frumvarp til laga um um þjón-
ustu við fatlað fólk með miklar
stuðningsþarfir liggur nú fyrir Al-
þingi. Fyrstu umræðu lauk 16. des-
ember sl. og er málið hjá velferðar-
nefnd sem óskaði eftir umsögnum
um málið. Umsagnarfrestur er til
15. janúar. Gert er ráð fyrir að
frumvarpið verði samþykkt í vetur
og að lögin taki gildi 1. júní n.k.
Í frumvarpinu er bráðabirgða-
ákvæði þar sem fram kemur að
sveitarfélög skuli vinna að innleið-
ingu NPA á tímabilinu 2018-2022.
Ríkissjóður veitir framlag vegna til-
tekins fjölda NPA-samninga á inn-
leiðingartímabilinu. Því á að ráð-
stafa í gegnum Jöfnunarsjóð
sveitarfélaga sem tiltekinni hlut-
deild af fjárhæð samninga, á grund-
velli umsókna frá sveitarfélögum.
Gert er ráð fyrir allt að 80 samn-
ingum á þessu ári, á næsta ári verði
þeir allt að 103, allt að 125 á árinu
2020, allt að 150 á árinu 2021 og allt
að 172 á árinu 2022.
„Samningum um NPA hefur ekk-
ert fjölgað í 5-6 ár,“ sagði Rúnar.
„Það er því komin uppsöfnuð þörf.
Nú sjáum við líka fyrir endann á sí-
felldum framlengingum á NPA-
samningum með bráðabirgðaráð-
stöfunum. Vonandi næst að lögfesta
NPA sem réttindi fatlaðs fólks á
þessu ári. Það stendur til að NPA
verði eitt af megin-þjónustuformun-
um við fatlað fólk.“
Hagnýt aðstoð fyrir notendur
Rúnar taldi að aðstoðarfólk sem
vinnur hjá NPA-miðstöðinni væri
nú um 70 talsins. Hann áætlaði að
200-300 einstaklingar gegndu störf-
um aðstoðarfólks í heildina, enda er
það hlutastarf hjá mörgum.
NPA-miðstöðin er samvinnufélag
í eigu fatlaðs fólks. Hún aðstoðar
fatlað fólk og aðstandendur þess við
að halda utan um notendastýrða
persónulega aðstoð. Notandi NPA
ræður t.d. aðstoðarfólk sitt sjálfur
og sér um verkstýringu en NPA-
miðstöðin greiðir aðstoðarfólki laun
og sér um bókhaldshliðina. Einnig
veitir miðstöðin aðstoð vegna sam-
skipta við sveitarfélagið, við að
meta þjónustuþörf, við að sækja um
NPA, við að ráða aðstoðarfólk,
skipuleggja vaktir og halda utan um
vinnustundir. Auk þess heldur NPA
miðstöðin hagnýt námskeið fyrir að-
stoðarfólk og notendur ásamt jafn-
ingjaráðgjöf til félagsmanna.
Nú hillir undir fjölgun NPA
samninga við fatlað fólk
 Uppsöfnuð þörf fyrir fleiri samninga, segir formaður NPA-miðstöðvarinnar
Morgunblaðið/Ernir
NPA Fleira fatlað fólk á kost á notendastýrðri persónulegri aðstoð með nýjum lögum og auknu fjármagni.
Rúnar Björn
Herrera Þorkelsson
Íbúar við Furugerði í Reykjavík
hafa stofnað aðgerðahóp og sent
borgarráði Reykjavíkur og skipu-
lagsfulltrúa borgarinnar bréf. Það
„varðar mótmæli íbúa við fyrirhug-
aðri byggingu fjölbýlishúsa við
Furugerði 23“. Samkvæmt teikn-
ingum eiga að rísa allt að 37 íbúðir
meðfram Bústaðavegi, sunnan við
fjölbýlishús í Furugerði.
„Fyrirhugaðar byggingar loka al-
gerlega fyrir útsýni, takmarka veru-
lega birtu og auka mjög skuggavarp
til þeirra húsa og garða sem næst
eru, svo sem Furugerði 15-17, Furu-
gerði 19-21, Espigerði 18-20, Espi-
gerði 14-16 og hugsanlega fleiri
húsa,“ segir í mótmælabréfinu. Þá
segir að „fasteignaverð [muni] rýrna
enda eru dimmar íbúðir með dimm-
um görðum, sem mjög hefur verið
þrengt að, ekki góð söluvara“. Að-
gerðahópurinn krefst gagna, m.a.
samkomulags borgar við lóðarhafa.
Mótmælin til
borgarráðs
 Íbúar í Furugerði
stofna aðgerðahóp
Teikning/Arkís
Furugerði 23 Fyrirhugað fjölbýli.
Fyrir mistök var í Morgunblaðinu í
gær gefinn upp rangur opnunartími
sýningar Jóns Thors Gíslasonar
myndlistarmanns í SÍM salnum,
Hafnarstræti 16. Hið rétta er að sýn-
ing hans, „Dulhvít fjarlægð“, verður
opnuð þar í dag, föstudag, kl. 17.
Minni samdráttur
Í frétt í ViðskiptaMogganum í gær
var ranglega ritað að arðsemi eigin
fjár íslenskra fyrirtækja hefði að
meðaltali dregist saman um 53% á
árinu 2016 miðað við árið á undan.
Dróst hún saman um liðlega þriðj-
ung á milli ára, fór úr 18,4% að með-
altali 2015 í 11,8% árið 2016.
Sýning Jóns Thors í dag
LEIÐRÉTT
Ofskynjunarlyfinu LSD hefur verið
smyglað til Færeyja í formi frí-
merkja sem mettuð eru með efninu,
að því er fréttavefurinn portal.fo
greindi frá. Færeyska lögreglan
staðfesti að hún hefði orðið vör við
að LSD í þessari mynd væri í um-
ferð upp á síðkastið.
Erfitt getur reynst að koma í veg
fyrir smyglið því auðveldlega má
koma allt að 300 LSD-mettuðum frí-
merkjum í eitt umslag sem sent er
með pósti til Færeyja. Að sögn por-
tal.fo er endursöluverð LSD-
frímerkis 200-300 færeyskar krónur
(3.400 - 5.000 ÍKR).
Grímur Grímsson yfirlögreglu-
þjónn man ekki til þess að lögreglan
hafi orðið vör við að LSD hafi fund-
ist hér í formi frímerkja. Hann sagði
að íslenska lögreglan hefði séð og
lagt hald á LSD sem var á minni
pappírsmiðum. Skammtarnir voru
um það bil eins og fingurgómur að
stærð. Venjulegt frímerki hefði auð-
veldlega getað rúmað nokkra slíka
skammta, svo fyrirferðarlitlir voru
þeir. gudni@mbl.is
LSD-frímerkjum
smyglað til Færeyja
 LSD mettaðir miðar hafa sést hér
Morgunblaðið/Árni Sæberg
Frímerki Brögðum er beitt við smygl á ólöglegum efnum. Mynd úr safni.