Morgunblaðið - 08.01.2018, Side 8

8 FRÉTTIRInnlent
MORGUNBLAÐIÐ MÁNUDAGUR 8. JANÚAR 2018
Leigumarkaðurinn er umfjöll-unarefni lektors í fast-
eignafræðum við Háskólann í
Lundi, Frederik Kopsch, í nýjasta
hefti Þjóðmála. Hann fjallar um
afleiðingar afskipta hins opinbera
af leigumarkaðnum, einkum af-
skipta af heimagistingu, til að
verja ákveðna hagsmuni.
  
Kopsch bendir áað lög sem
sett séu, eins og
það er orðað, til
„að „vernda ís-
lenska leigjendur“
fyrir hækkuðu
leiguverði“ geti til
langs tíma gert aðstæður verri.
„Þegar yfirvöld eru yfir höfuð
byrjuð að skipta sér af verðlagi
eru auknar líkur á að þau haldi
því áfram með enn fleiri lagasetn-
ingum. Þetta hefur illu heilli verið
að gerast í Svíþjóð frá árinu 1942.
  
Allur sænski leigumarkaðurinnhefur í næstum átta áratugi
lotið mismunandi kerfum leigu-
verðsstýringar. Afleiðingarnar
eru augljósar. Verð á leiguíbúðum
í höfuðborginni fer sífellt fækk-
andi, þar sem færri eru byggðar
og færri húsum er breytt í leigu-
húsnæði. Fyrri kerfi leiguverðs-
stýringar hafa komið í veg fyrir
nauðsynlegt viðhald og end-
urbætur – og orðið til þess að
stór hluti leiguhúsnæðis varð
heilsuspillandi – og biðlistar
verða brátt nógu langir til að
bjóða fólki upp á þann valkost
einan að búa í foreldrahúsum
fram á fertugsaldur.“
  
Kopsch segir að auðvelt sé„fyrir bæði stjórnvöld og
kjósendur að láta blekkjast og
halda að stýring á leiguverði sé
þjóðfélaginu hagkvæm.“ Skilvirk-
ur leigumarkaður sé mikilvægur,
en með áframhaldandi inngripum
sé „hætta á að fáir hagnist á
kostnað margra“.
Öfugsnúnar afleið-
ingar afskipta
STAKSTEINAR
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
Veður víða um heim 7.1., kl. 18.00
Reykjavík 6 rigning
Bolungarvík 1 rigning
Akureyri -5 alskýjað
Nuuk -1 léttskýjað
Þórshöfn 6 rigning
Ósló -1 léttskýjað
Kaupmannahöfn -1 heiðskírt
Stokkhólmur 0 heiðskírt
Helsinki -1 heiðskírt
Lúxemborg 3 skýjað
Brussel 2 skýjað
Dublin 4 skýjað
Glasgow -5 þoka
London 3 heiðskírt
París 6 alskýjað
Amsterdam 1 heiðskírt
Hamborg 0 heiðskírt
Berlín 0 heiðskírt
Vín 7 þoka
Moskva 0 skýjað
Algarve 13 léttskýjað
Madríd 2 rigning
Barcelona 10 skýjað
Mallorca 12 léttskýjað
Róm 18 léttskýjað
Aþena 13 léttskýjað
Winnipeg -7 snjókoma
Montreal -21 skýjað
New York -14 heiðskírt
Chicago -7 alskýjað
Orlando 16 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
8. janúar Sólarupprás Sólsetur
REYKJAVÍK 11:10 16:01
ÍSAFJÖRÐUR 11:47 15:33
SIGLUFJÖRÐUR 11:31 15:15
DJÚPIVOGUR 10:47 15:22
Landhelgisgæsla Íslands fer með lög-
gæslu á hafinu umhverfis landið og
því fylgir að stofnuninni ber að fylgj-
ast með því hvort sjófarendur séu
allsgáðir við störf sín. Undanfarið
hafa fjölmargir starfsmenn Land-
helgisgæslunnar setið námskeið í
meðferð áfengismæla og fíkniefna-
prófa, en slíkir mælar eru nú um borð
í skipum Landhelgisgæslunnar og
einnig er gert ráð fyrir því að áhafnir
loftfara hafi aðgang að þessum bún-
aði, að því er fram kemur í frétt á vef
Landhelgisgæslunnar.
Hinn 3. janúar var eitt slíkt nám-
skeið haldið í höfuðstöðvum Land-
helgisgæslunnar í Skógarhlíð. Þátt-
takendur í námskeiðinu voru
starfsmenn Landhelgisgæslunnar
sem fara með lögregluvald við störf
sín, til dæmis áhafnir á varðskipum og
þyrlum, séraðgerða- og sprengjueyð-
ingarsveitin, auk starfsfólks af lög-
fræði- og aðgerðasviðum.
Á vef Landhelgisgæslunnar segir
að af og til þurfi að hafa afskipti af sjó-
farendum sem ekki eru allsgáðir við
störf sín, en íslensk siglingalög eru
skýr þegar kemur að neyslu áfengis
og vímuefna. Enginn má stjórna skipi
af nokkru tagi undir áhrifum áfengis
eða annarra vímuefna og geta brot
gegn því varðað sektum eða fangelsi
allt að tveimur árum.
Fá kennslu í meðferð áfengismæla
 Áfengismælar og fíkniefnapróf um
borð í skipum Landhelgisgæslunnar
Ljósmynd/Landhelgisgæslan
Allsgáðir Starfsmenn LHG virða
fyrir sér áfengismæli.
Áhöfn varðskips-
ins Þórs dældi
þrjátíu tonnum af
ferskvatni yfir í
tanka í Flatey á
laugardag, en
heimamenn höfðu
haft samband við
Landhelgisgæsl-
una vegna yf-
irvofandi vatns-
skorts í eynni.
Dælingin gekk prýðilega, en hún tók
fimm klukkustundir og 35 mínútur.
Að henni lokinni voru allir tankar í
eynni orðnir fleytifullir, samkvæmt
upplýsingum frá Landhelgisgæsl-
unni.
Um það leyti sem Þór var að at-
hafna sig við Flatey barst ábending
um að maður í eynni hefði slasast og
þyrfti á aðhlynningu að halda.
Sjúkraflutningamenn úr áhöfn
skipsins fóru í land á léttbát til að at-
huga líðan mannsins. Skoðun þeirra
leiddi í ljós að hann væri líklega rif-
beinsbrotinn.
Svo heppilega vildi til að þyrlan
TF-SYN var í gæsluflugi í grennd-
inni og var því ákveðið að hún sækti
þann slasaða og kæmi honum undir
læknishendur í Stykkishólmi.
Flatey Þór dældi
30 tonnum af vatni.
Fylltu á
tankana
 Varðskip dældi
ferskvatni í Flatey